الموضوع: لو حد يعرف يساعدنى فى الموضوع ده

المشاركة الأصلية كتبت بواسطة mmen3m

تصدق ياباشا انك قلقتني من موضوع الموتور ال1500 ده

ده انا كنت متفائل اني استقريت عليه بسببك :)))

هو ايه الي مش عاجبك فيه بالظبط

ياعني سحب العربية مش حلو مثلا
ولو التكييف اشتغل السحب بيقل بصورة ملحوظة

واستهلاك البنزين اللتر بيعمل كام كيلو معاك جوه البلد ؟

انا طبعا بعتذر لوكنت سبب في ترددك او قلقك الموضوع فيه سوء فهم بص هابدا من الول
لما انا رحت سقط كنت مقتنع بالمايفك جدا جدا جدا وبالصدفة وانا ماشي في الشارع قابلتني عربية ميراج نفس حالاتي وقعدنا نسخن جامد غرز وجري لغاية ماسمعته بيعمل كيك داون عرفت ان هو اوتوماتيك بس كنت متاكد انه مسقط المهم شاورتلوا و وقفنا واتعرفنا علي بعض هو شخصية محترمة جدا جدا وسالته عن الموتور قالي ان هو 2000 سي سي وطبعا انا مكنتش اعرف اي حد في الحرفيين مش زي دلوقتي المهم قالي علي الميكانيكي بتاعه واداني رقم تليفونه وقالي ده استاذ تسقيط لانسر وفعلا هو ميكانيكي فنان بس عايز حد صاحي جنبه الم8 قعدنا نتكلم عن المواتير واقنعني بال1500 كنت ساعتها مجنط 15 علي عفشتي الاستوك فكرت وعجبني شكل الموتور جدا مفيهوش نقطة زيت ترشيح وبعدين مش مغسول عجبني قولت توكلت علي الله .

المهم بقي جيت عند التجربة حسيت اني راكب 1300 بس قارص عليها شويه بصراحة مكنا!ش عاجبني الاداء مشيب حوالي 500كيلو ورحت اشوف الكبس الحمد لله لقيته 80% والراجل بثع البنزينة عمل اعادة للتاكد والحمد لله الموتور محترموتعايشت مع الموقف وانا مدهول ومش عارف اعمل ايه ده انا لسة مسقط ومش عاجبني ومش عارف ليه مرديتش اغيره ساعتها يمكن التكاليف مش فاكر المهم قلت اروح اغير عفشة ورحت عند عادل وجدي جابلي عفشة كاملة امامي وخلفي ميراج سكاكين 14 وجابلي 4مساعدين kyb المستوردين بس جداد مش استعمال وطبعا الاداء اختلف اما وعملت طقم سيور وسرفيس وحسيت باختلاف بسيط وكمان ركبت فلتر سبور وساعتها بس اكتشفت غتء الموتور وجريه ومع التكييف حلو جدا ونظرتي اتغيرت وجربت مرات كتيرة حسيت ان الموتور فاق شوية ومش قادر اقولك كام واحد اتعلم عليه اذكر منها نيو اكسنت 1600 نوبيرا ولانوس اكيد لسة من فترة بسيطه كانت سيراتو كوبيه نيجي بقي للطرق السريعة قفلت العداد مرتين ده غير مشو 160-180 مستريح ومش عايز اداء احسن من كده والبنزين. بيوفر في السفر اكتر مثلا امشي 200 كيلو احط 20 ليتر ده جوه البلد وساعات 18 ليتر علي حسب الزحمة وكده في السفر بتوصل 6 ليتر لكل 100كيلو وتزيدحاجات بسيطة لغاية ما ظهر عيب مع التكييف راح البيه علشان ميغيرش حساس الtps قعد يخنقلي العربية. ويفتح الهوا بقت بتستهلك اكتر دلوقتي وكمان بتبطل مع التكييف

الي خلاني افكر في المايفك ان الموتور ده حامي لوحده من غير اي تعديلات وانا بفكر اعمل نظام عادم كامل واظبط شوية حاجات وسرفيس فكنت هادخل في مبلغ وقدره قولت يبقي ابيع موتوري واجيب مايفك لكن اكتر ممن كده طموحي مش جايبني قوي بصراحة عايز اركب كولت او هوندا سيفيك كده يعني اخيرا في اخ كريم قالي علي حاجة جميلة قوي قالي انت ظايز تعمل ايه بالعربية. بس اسال نفسك وحدد ومتقلقش قطع غياره متوفرة كتير ومعظم الناس الي في الحرفيين شغالين علي الموتور ده انا اسف جدا طظعلي الاطالة بس منصيحة دقق في كل حاجة بالاصول وجرب كويس ولو مانءال خد باك من اداء الاسطوانة. تحياتي

المشاركة الأصلية كتبت بواسطة mmen3m

صحيح هي العفشة الي غيرتها عن وجدي كلفتك كام ؟

طنابير امامية 14 وكليبر فرامل ودراع كامل خلفي سكاكين النااحتين ب1300 جنيه

و 4 مساعدين kyb الي لونهم رمادي بتوع برة ب 2200 جنيه اصلين ومكتوب عليهم ميتسوبيشي. ياباني محفورين. وتركيبهم في حدود 200 جنيه كل المجموعة دي

المشاركة الأصلية كتبت بواسطة mmen3m

انت كده قفلتني

شوف ياباشا الموتور بتاعي الحالي بياكل زيت وانا بغير له زيت دلفاك وكانز زيت شنبر المهم مع كل الليله دي مع بنزين 92 الي بحطه احيانا لعدم وجود 80 التسارع بتاعها جميع ياعني من الثبات ل 100 ك حسبتها مش عارف ليه طلع 15 ثانية المهم التسارع مرضي جداا بالنسبة لي لكن الي بكون مضايق منه هو ان مع التكييف العربية بتكون زي 128 وبتاكل زيت
وبكون مضايق اني مش بعرف اخد غرز ع الطريق لاني بخاف ان العربية مش تسعفني
زيد علي كل ده استهلاك البنزين الغير طبيعي صفيحة لكل 100 ك :))

انا كده خايف اسقط الموتور وتفضل نفس العيوب

فياريت تقولي نصيحتك لاني بصراحة لو مش هاسقط ال 1500 هافضل كده بالعربية لغاية ما أسافر :((

بص هاقولك حاجة حلوة انا بقالي يومين متابع مع شخص قابلته في الحرفيين معاه كولت وبيسقط مايفك خلاني اغير راي تماما عن المايفك مصاريفه كتير ده غير ان الميكانيكي الي بيسقطله قالي ان المايفك ميستحملش شغل زي ال1500 ومشاكله كتير ومعمول للسباقات بس وده تاني واحد ويقولي كده والراجل نفسه الي بيسقط قالي ان موتوري كويس جدا ومع ناس صحابه بس عايز فلتر اسبور وهيدر وشكمان رياضي ويبقي زي المايفك. وانا ماشي على الدائري قولت اجرب التسارع واجري بصراحة اداء ممتاز ومشغل التكييف وجبت 120 علي التاني الموتور ابحالات نفسية ويمكن طعلشان الراجل لعبلي في الهواء بتاع العربية علشان الايدل بايظ عندى انا كنت بجيب اخر العداد بالتكييف لكن المرة الاخيرة جابت 190 بالعافية. وطبعا ده من خنقة العربية ان شاءالله هاعمل موضوع الهيدر والشكمان واوافيكم بالاخبار بس نصيحة خليك في 1500توين كام تحياتي

التسارع انا حسبته قبل كده مابين 11-12ثانية من الثبات بعد تركيب الفلتر k&n الاصلي برضوا من عند عادل وجدى