الموضوع: اشترى فيكترا سي واسقطلها موتور 200 سي سي اوتوماتيك عادي؟

المشاركة الأصلية كتبت بواسطة ahmed_fahmy

مع احترامي للجميع انا معايا الفيكترا سى من ٢٠٠٨ وبصراحه اللى مستغلى قطع الغيار ممكن يشتري فيرنا او لانوس وميفكرش لا فى فيكترا ولا ماذدا ولا هوندا ولا حتي تيوتا او ايلانترا الجديده والعربيه اجمالاً ممتازه وهى ١٦٠٠ بس بتجيب ٢٠٠ عادى جدا والترك بتاعها عالى يعنى ركب ٥ هتتحرك بنفس التسارع العادى والتكيف اتحدى عربيه فى مصر تكيفها اقوي انا معايا تويوتا وفورد مفيش مقارنه وركبت بى ام طبعاً مش هقارنها بالتيوتا اصلا والاهم من كده دى عربيه بتكنولوجيا ايزى ترونيك يعنى اللى اشتراها على انها اوتوماتيك يبقى القانونولا يحمل مغفلين انا قبل ما اشتريها قرات فى مواقع وفهمت الموضوع وفاهم انا بشتري ايه ده بالنسبه لوضع العربيه

معلش انا قولت تكييفها تحفة بس صوتو عالي عالسرعة الرابعة
طلعة العربية مع التكييف زي الزفت
قارن اسعار قطع الغيار بتاع السيفيك نفس الموديل.. ده غير انها مش موجودة اساسا
سألت على اكصدام الفيكترا سي؟؟
اسأل ورد عليا
جرب تسوق السيفيك وهتعرف يعني ايه تورك وتكسر 220 على فكرة انا جبت 215 الفيكترا

المشاركة الأصلية كتبت بواسطة ahmed_fahmy

وبالنسبه للسي دي اول فئه اوديو الباقى ام بي ثري وممكن تشتري واحد بالشاشه الكبيره استيراد بيعمل ١٥٠٠ والاير باج اللى بيشتكي منها الاخ وب٩٠٠٠ انا اشتريتها كلها ب الف جنيه وبرمجتها واللمبه طفت عادى جدا مش كل حاجه توكيل

ايه القطعة اللي ب1000ج بالظبط؟؟؟
ايرباج الطارة مش موجود برة التوكيل
ايرباج التابلوه ب2500-3000 برة التوكيل
كمبيوتر ايرباج مش موجود برة التوكيل
ومعلش فين السي دي الmp3 بالشاشة اللي ب1500ج ؟

المشاركة الأصلية كتبت بواسطة ahmed_fahmy

اما بالنسبه لموضوع تغير المتور لو ركبتها وفهمت الموضوع مش هتفكر تغير حاجه او اركبها كام سنه وغير المتور بس اولاً مصر مفيهاش موتير ٢٠٠٠ استيراد لها الموجود ٢٢٠٠ وده مرمى فى كل حته واللى هترحلو هيفرح بيك اوي بس طبعاً هتعيش حياتك على قطع الغيار الاستعمال او حد يجيبهالك من بره ولازم تشتري نص كامل على بعضو مش ناقص مسمار واحد حتى بمفتاح العربيه غير كده مفيش حاجه هتشتغل لان دي مش هيونداى فك متور وركب متور ده حتى العربيه اللي هتاخد منها النص هتاخد كنترولات الابواب والضفيره يعنى من الاخر هتشتري كل حاجه عدا الصاج وصنايعية مصر العظماء هيخلوك فى الاخر تكره العربيات كلها لان صعب تلاقى حد خبير يعملك الموضوع ده وربنا معاك وعلى فكره البى ام المقصوده ب١٤٠ الف ٣٢٠ والسعر ده هيجبلك واحده عامله فوق ال١٠٠ الف كيلو انا مش هقولك رأي بس اسأل اصحابها وانت تعرف ان الاوبل رحمه اتمنى اكون افدتك والله المستعان وكل سنه وانتو طيبين

يعني الفيكترا ب100 الف هتبقى عاملة كام الف كم؟
كلام حضرتك مظبوط في موضوع التسقيط غير ان لو ركبت عربية اعلى من 1600 هتندم انك اشتريت فيكترا 1600 وهتفكر 100 مرة تسقط موتور ولا لأ ده بالنسبة لواحد بيحب الجري والتسارع...
انما لو للسفر والعائلات فال1600 دي تحفة

سؤال ليا انا بقى
ايه مشكلة البي ام 320 وليه الاوبل رحمة بالنسبالها؟؟؟؟؟

ربنا يوفقكو للخير ان شاء الله وكل سنة وانتو طيبيين ودعواتكو