الموضوع: اشترى فيكترا سي واسقطلها موتور 200 سي سي اوتوماتيك عادي؟

المشاركة الأصلية كتبت بواسطة optiplex

يعنى دلوقت يا جماعة علشان الكل يستفاد الى عاجبة فيكترا سى و هاتبقى بسعر مغرى بس الماتور بيخلص و لازم هايسقط ماتور تانى و بالمرة هايغير الفتيس الايزى ترونك هل ماغيس ماتور 1600 متوفر و هل ينفع يركب واحد 2000 سى سى بالفتيس بتاعة بتاع فيكترا بى علشان نحل موضوع السى دة ياريت الى يشارك يكون فاهم

للأسف متور البى ميركبش على السى قواعد مختلفه وكنترولات البي مش هتشغل كماليات السى وانسى انك تعدل الضفيره ومفيش ٢٠٠٠ سي سي بنزين لفيكترا سى الموجود ٢٠٠٠ تيربو ديزل وده هايل وهو الاكثر انتشاراً بره والانسب حتى لمصر بس المشكله انو مش موجود حتى تقطيع بس انت ممكن تركب ال٢٢٠٠ هو بتاعها وموجود مش لاقى اللى يشيلو عند بتوع التقطيع وده لازم زى ما شفت الاخ اللى مغير وبيبيع هتاخد عربيه كامله حتى الدركسيون والكاسيت يعنى بتستخدم صاج عربيتك بس ولازم البى تشترى من عندو هو اللى يركب ويكون عملها قبل كده عشان يوفر عليك التجارب والاختراعات زى هانى العايدى كده عشان تضمن كل حاجه ....

وكده انت تضمن عربيه بكماليات وقوة بى ام دبليو الفئه الخامسه بس تشتري عربيه فيكترامتورها خربان او مفوت هتتعب شويه بس فى النهايه هتركب عربيه ملهاش مثيل بسعر تحت ال١٠٠ الف جنيه

المشاركة الأصلية كتبت بواسطة amraction

المشكله ان التسقيط وش اصلا ودوشه وعايزه دماغ فاضيه

هي تجربه لازم كل مواطن يمر بيها ولعلمك بتستفيد جامد جداً بعد ما تخلص هتلاقى نفسك فاهم فى العربيه اكتر من مهندسين التوكيل نفسو وميكانيكيه كتير

المشاركة الأصلية كتبت بواسطة amraction

والله يا احمد باشا.. كل ما اقول افكر فيها.. بخاف.. مش عشان الحوار نفسه.. بس دى فلوس برضه وكتير.. واخاف تترمى ف الارض ف الاخر

طيب وضح المبلغ وانا هقولك تعمل ايه بالظبت وان شاء الله خير