المشاركة الأصلية كتبت بواسطة bedo13
معلش انا قولت تكييفها تحفة بس صوتو عالي عالسرعة الرابعة
طلعة العربية مع التكييف زي الزفت
قارن اسعار قطع الغيار بتاع السيفيك نفس الموديل.. ده غير انها مش موجودة اساسا
سألت على اكصدام الفيكترا سي؟؟
اسأل ورد عليا
جرب تسوق السيفيك وهتعرف يعني ايه تورك وتكسر 220 على فكرة انا جبت 215 الفيكترا
اكصدام الفيكترا حوالى ٨ قطع اي قطعه بتدور عليها ؟؟؟ شبكه ٨٠٠ علامه ١٥٠ شبكه سفليه ٤٠٠ وش الشبوره ٢٥٠ الشبوره اصلى ٧٠٠ استيراد ٤٠٠ اكصدام فاضى حوالى ٢٥٠٠ والترك ملوش علاقه بالسرعه بل بالعزم مع الوزن والسيفك كانت مع قريب لى الله يرحمه كنا ريحين البلد وهو وصل من غير شكمان مع انو كان هو ومراته بس واسواء قاعدة عربيه هى السيفك واتحداك لو ركبتها من غير ما دماغك تخبط فى القايم وجميع قطع غيار الهوندا اغلى من الاوبل احتمال الاكصدام الامامى يكون ارخص بس لانو كرتونه مفيهوش حاجه انما اي حاجه تانى اغلى وبالنسبا للجري لو لمست الفرامل فى السيفك على ال٢٠٠ كان زمانك مش موجود عشان تحكى والتكيف عمري ما وصلتو لاخر سرعه اكيد عندك مشكله ده على ٢ بيجتبقى ثلاجه
ايه القطعة اللي ب1000ج بالظبط؟؟؟
ايرباج الطارة مش موجود برة التوكيل
ايرباج التابلوه ب2500-3000 برة التوكيل
كمبيوتر ايرباج مش موجود برة التوكيل
ومعلش فين السي دي الmp3 بالشاشة اللي ب1500ج ؟
من عند عانى العيدى فى الحرفيين وروح هتلاقى عندو واحد تانى بالشاشه الكبيره فى العربيه الفضى على يمينك وانت داخل المخزن وروح الحقو وهتلالقى السي دى الاوديو بتاعى عندو للبيع لو انت عايز تشتري انا عرطدضو بالشاشه ب٦٠٠ اوفر للشباب وهو عندو طارات كتير بايرباج وايرباج كرسى وطابلوه والكنترول اشتري من عندو وروح عند صابر يظبتلك الدنيا والقطعه اللى ب١٠٠٠ ايرباج الكرسي كامله بالضفيره
يعني الفيكترا ب100 الف هتبقى عاملة كام الف كم؟
كلام حضرتك مظبوط في موضوع التسقيط غير ان لو ركبت عربية اعلى من 1600 هتندم انك اشتريت فيكترا 1600 وهتفكر 100 مرة تسقط موتور ولا لأ ده بالنسبة لواحد بيحب الجري والتسارع...
انما لو للسفر والعائلات فال1600 دي تحفة
جاري لسه شاري واحده فبريكه كحلى اليجانس ب١٠٣ عامله ٥٠ الف كيلو ولسه عامله صيانه فى منصور سيور واتيال
سؤال ليا انا بقى
ايه مشكلة البي ام 320 وليه الاوبل رحمة بالنسبالها؟؟؟؟؟
البي ام دى حضرتك فى ٢٠٠٦ الى هى ٣٢٠ كانت ب٣٤٨ الف جنيه تفتكر انها بتتباع باقل من نص ثمنها ليه؟؟؟؟ العربيه اولاً تجميع محلى وطيقه جداً وفيها مشاكل فى الكهربا لا تنتهى لسه صديق لى بايعها عامله ١٠٠ الف ب ١٤٥ الف بعد عناء مع ان كل صيانتها كانت توكيل وهو مش معمل بس عربيه مكلفه جداً فى الصيانه وقطع الغيار والله المستعان واي خدمه
ربنا يوفقكو للخير ان شاء الله وكل سنة وانتو طيبيين ودعواتكو
المفضلات