انا مسافر من السعودية لمصر بميجان 2006ممكن نصائح

**M.Moustafa** · 26-07-2012 03:45 PM

حضرتك هتسافر بيها من اي بلد في السعودية ممكن اساعدك او اديك نصيحة كويسه لموضوع السفر بالعربية لاني عملتها قبل كده وبرضه بميجان 2006

**waelfarid** · 26-07-2012 04:00 PM

اهم حاجة متجريش كاوتش جديد ضغطه مضبوط معاك ميه كل ما تلاقي فرصة تمون مون بنزين متسوقش وانت نايم لان ربنا هو اللي بيستر وبيسلم ومش كل مرة تسلم الجرة والسواقة بالليل افضل تخليك تقطع مسافات من غير ما تحس وتدرس طريقك كويس لان اي دخلة غلط حتخليك تلف حوالين نفسك وطبعا بنادول وبايسون ولبن ومتكترش في الاكل علشان متتزنقش وبعدين فيه فرق لو انت لوحدك ولا معاك اسرتك او حد معاك وانتبه لاوراقك وحتروح عن طريق نويبع ولا الغردقة وسفاجا من ناحية مصر ومن ناحية السعودية هي ضبا وتاخد العبارة السريعة كله زي الفل المشي له قواعد واصول لحد ماتوصل حدود مصر وهنا تبدأ الgame (حمدالله عالسلامة ياباشا وكعععععععع)بوصولك مصر لحد ماترجع بالسلامة واجازة سعيدة

**حماده المصري** · 26-07-2012 04:29 PM

المشاركة الأصلية كتبت بواسطة mohammedaladel

تيجى بالسلامة بس بالنسبة لحكاية تركى أو فرنساوى دا كلام فاضى ومش نقطة نعلق عليها

استاذي متتفهش من كلام الناس لان ده يزعلك لو حصل فيك

وعموما ولو اني مكنتش ناوي ارد عليك اساسا عشان منحيدش عن الموضوع

بس في فرق كبير جدا بين كل كهربا الرينو الفرنساوي والتركي من حساسات وضفيره وكل شيء متعلق بالكهربا فرق من السما للارض

وده لان الشركه المسؤوله عن تصنيع الكترونييات دي فرع تركيا او فرع مصر تقريبا هو الي عملها للتركي وده بكلام من مهندس مسؤول من الشركه ومكنتش متخيل ان ممكن شركات الكترونيات زي دي ممكن تبقى فاتحه في مصر

**MohammedAladel** · 26-07-2012 06:09 PM

المشاركة الأصلية كتبت بواسطة حماده المصري

استاذي متتفهش من كلام الناس لان ده يزعلك لو حصل فيك

وعموما ولو اني مكنتش ناوي ارد عليك اساسا عشان منحيدش عن الموضوع

بس في فرق كبير جدا بين كل كهربا الرينو الفرنساوي والتركي من حساسات وضفيره وكل شيء متعلق بالكهربا فرق من السما للارض

وده لان الشركه المسؤوله عن تصنيع الكترونييات دي فرع تركيا او فرع مصر تقريبا هو الي عملها للتركي وده بكلام من مهندس مسؤول من الشركه ومكنتش متخيل ان ممكن شركات الكترونيات زي دي ممكن تبقى فاتحه في مصر

همممممم أنا معايا الميجان 2007 اللى بيقولوا تركى الحاجات الأساسية مش تركى فرنسى وألمانى وعموما العربية منظومة متعددة فيها كذا شركة داخلة فى التصنيع وبعدين مالها الأجزاء التركية؟ ما العربية ماشية زى الفل مفيهاش أى مشاكل وما اشتكتش من كهرباء ولا من حاجة أعطالها عادية سواء فرنسى أو تركى أو حتى ألمانى كله بيعطل فعشان كدا انا استبعدت السبب دا نهائى لأنه بدون مبررات مقنعة ومفيش دليل ع الواقع يثبت التأثير اللى يخلينى ما أسافرش بالعربية عشان مصنعها فى تركيا

**Land_Cruiser** · 26-07-2012 06:19 PM

اكشف عليها كشف كامل و اعمل الصيانه لو فى اى صيانه ميعادها قرب و راجع على ضغط الهوا فى الاطارات و السوائل اللى فى السياره و خللى معاك منفاخ عجل و فرده كاوتش زياده غير الاستبن و كشاف طوارئ و gps و حاول تمشى وراء مجموعه علشان ما تبقاش لوحدك لو حصل حاجه فى العربيه بالاضافه ان ده هيخليك مركز اكتر و مش هيخليك تزهق من المشوار و توصل بالسلامه

**أبو_يوسف** · 30-07-2012 12:14 PM

تيجي بالسلامة ان شاء الله
اعتقد في حاجة بتتعمل علشان تحمي طبقة طلاء السيارة..
اما تغطي العربية بغطاء
او بترش عليها حاجة .. او ممكن تدهنها شحم
اعتقد حماية من رمال الصحراء..