الموضوع: مشكلة فى الحرارة

المشاركة الأصلية كتبت بواسطة karim ibiza

العادى ده بيكون جواه زيت والزيت ده لما بيسخن بيخليها تهيس وتسخن العربية لأن ساعتها الكهربة اللى طالعة مش بتكون مضبوطة واللى بيخلى الزيت يسخن انها كده بتكون ماتت ولو العربية بطلت منك وهى فى الحالة دى مش هترضى تدور غير لما الموبينة تبرد
انما الايكترونى بتبقى عبارة عن شريحة بس ودى لما بتبوظ بتموت ومش بتقوم تانى بس عمرها الافتراضى طويل لو نوعها كويس, وعموما لو باظت يبقى خلى معاك الموبينة العادية معاك فى شنطة العربية عشان تغيرها وسهل جدا انك تغيرها بنفسك

بس أنا أظن أن اللى راكبة عندى إلكترونى
ممكن تكون باظت وبتسخن العربية؟؟
ولا زى ما أنت بتقول لو باظت حتموت ومش حتشتغل ابدا؟

من الممكن الاسبراتير به عيب .. غيره بواحد صناعة صينية ب 90 جنيه او الكترونى ب 350 جنيه و الاحسن الالكترونى و ان شاء الله سوف تنتظم درجة الحرارة .

المشاركة الأصلية كتبت بواسطة karim ibiza

ياريت تتأكد ان اللى عندك اليكترونى
الاتنين شكلهم مختلف تماما عن بعض يعنى سهل انك تعرف اذا كانت عادية ولا لا وهتلاقى مكانها تحت قربة المياه تحت الفخدة او ممكن تمشى ورا السلك اللى طالع من نص الاسراتير عشان هى موصولة بيه

لو طلعت اليكترونى يبقى العيب مش هيكون منها لانها زى ماقولتلك بتموت وبتفصل ومش بتشتغل تانى
يبقى غالبا الابلتين هيكون قافل وده بيخلى العربية تسخن وفى الحالة دى تروح للميكانيكى ويكشفلك عليه وشوفه قافل ولا لأ ولو قافل يفتحه ويصنفره او تجيب واحد تانى

معلومة مهمة جدا لازم تعرفها:
ممكن تجيب ابلتين يلدع منك فى يومين وممكن تجيب نفس الابلتين يشتغل معاك سنتين
البضاعة المغشوشة بتاعت اللادا بقت كتييييييييير وانت وحظك

لو الامكانيات سامحة يبقى ريح دماغك وهات اسبراتير كامل اليكترونى وهاته استعمال خارج احسن وهتكون ريحت دماغك من موضوع الابلتين لان الاسبراتير الاليكترونى من غير ابلتين وكوندسر عشان بيشتغل بشريحة بيقولو عليها مشط ودى لوباظت بتغيرها بس خلى معاك دايما واحدة احتياطى فى حالة السفر واعرف ازاى بتتغير عشان برده دى لو قطعت بتموت والعربية بتقف بعكس الابلتين لو لدع ممكن تصنفره ويشتغل تانى لحد متغيره

أنا لسه مغير طقم الكهرباء كله والميكانيكى بصلى على الأبلاتين وظبطه
والموبينة الكترونى
مش عارف
أنا فكرت أخلى الميكانيكى يركبلى أسبراتير من عنده أجرب بيه
لو أتحلت المشكلة حجيب واحد جديد ألكترونى
لو ما أتحلتش خغير الموبينة

متابع بس الشئ لزوم الشئ

انا عندى نفس المشكلة تقريبا او اقل شوية فرحت فاكك خراطيم المياه الخاصة بمساحات الزجاج و ووجهتها ناحية الريدياتير كل ما احس بزيادة الحرارة ابرد الريدياتير بيهم حل مؤقت لحد الصيف ما يخلص.

أنا كلمت الميكانيكى بخصوص تغيير الموبينة أو الأسبراتير
وقالى أن دول مالهومش أى دعوة بالحرارة نهائى
وأن لو الأبلاتين مقفول هو بس اللى ممكن يسخن شوية لكن عندى مفتوح
ولو كان بيسخن ما يسخنش للدرجة دى
وقالى أن الموضوع موضوع حر جامد مش أكتر
وأصبر لما الحر الجامد ده يخلص وأجرب بعدها
رأيكم ايه؟؟