الموضوع: من الاخر يا رجال الميجان انصحوني اجيبها ولا لا بامانه

الكشف فى التوكيل حالتها حلوة توكل على الله حالتها تعبانة فكك منها حالتها حلوة صاحبها أكيد هيبقى ماسك فى سعرها أزيد من السوق بكام ألف حالتها وحشة = سغر السوق الأعطال عربية زيها زى باقى العربيات مش معقدة ولاحاجة حاجات ممكن أعملها بنفسى تغيير الزيت والفلتر عمل وصلة إيه يو إكس للكاسيت فك الفوانيس الخلفية فك طارة الدريكسيون بالكامل وجارى تصليح قطع شريط الإير باج لو عرفت يعنى فك المرايتين حتة حتة تزويد مياه الرادياتير بنفسى تغيير لمبة الاستوب الخلفية بنفسى فيوز باظ تغيره بنفسك عايز تفك فلتر التكييف وتركب غيره بنفسك شوف العربية من الآخر ممكن تتعامل معاها فما بالك لو ميكانيكى أو كهربائى شاطر دا بالنسبة للصيانة يعنى وقطع الغيار سعرها عادى وأنا جايبها مستعملة محتاجة بعض القطع الاستهلاكية ومغيرتهاش وماشية معايا كويسة الحمد لله بس العربية دى عايزة اهتمام من الآخر وصفقة اكثر من رابحة كفاية شكلها عارف إيه الغلطة الوحيدة اللى حسيت إنى غلطتها إنى اشتريتها أوتو برغم إن اول مرة أركب عربية فى حياتى ومعنديش سابق خبرة بس أنا حاسس إن المانيوال فى العربية دى هيبقى جامد جدا

المشاركة الأصلية كتبت بواسطة amrgamal1

انا اللي اعرفه عن الميجان
ان رفارفها فيبر
طيب دا ينفع والنبي ؟ !!
شوفتها مكسورة كزا مرة كأنها عربيه لعبه

أنا لما شفت الفيديو الشو بتاع الميجان اللى نزل أيام ما كانت لسة نازلة الميجان 2 تحديدا جايبين شاب وبيدوس على الرفرف والرفرف رايح جاى معاه والكاميرا مسلطة العدسة على الرفرف وهو بيدخل ويطلع لجوا ولبرا ؟ تفتكر ليه ؟ تعرف أنا بعد ما اشتريت العربية اتمنيت إن العربية كلها إنها لو كانت فبر والله سألت نفسى وقلت هما ليه ما عملوش العربية كلها فبر زى الرفرف ووزعوا فرق الوزن متانة فى الهيكل وكدا ؟ الرفرف دا لما بتاخد خبطة خفيفة مش بيتأثر زى الصاج غير إنك لما بتاخد خبطة قوية فى حادثة الرفرف بيتكسر وتعرف تفتح الباب بسهولة ودى الفكرة الأساسية من صنعه الأمان حياة الإنسان الرفرف بينهار بدرى ويمتص الصدمة ويتكسر وميزنقش الباب عند الفتح أثناء الحادثة ودى زى ما قلت حاجة رينو كانت فرحانة بيها وبتقول إنها ميزة نيجى إحنا نقول إنها عيب !!!!

المشاركة الأصلية كتبت بواسطة mohammedaladel

الكشف فى التوكيل حالتها حلوة توكل على الله حالتها تعبانة فكك منها حالتها حلوة صاحبها أكيد هيبقى ماسك فى سعرها أزيد من السوق بكام ألف حالتها وحشة = سغر السوق الأعطال عربية زيها زى باقى العربيات مش معقدة ولاحاجة حاجات ممكن أعملها بنفسى تغيير الزيت والفلتر عمل وصلة إيه يو إكس للكاسيت فك الفوانيس الخلفية فك طارة الدريكسيون بالكامل وجارى تصليح قطع شريط الإير باج لو عرفت يعنى فك المرايتين حتة حتة تزويد مياه الرادياتير بنفسى تغيير لمبة الاستوب الخلفية بنفسى فيوز باظ تغيره بنفسك عايز تفك فلتر التكييف وتركب غيره بنفسك شوف العربية من الآخر ممكن تتعامل معاها فما بالك لو ميكانيكى أو كهربائى شاطر دا بالنسبة للصيانة يعنى وقطع الغيار سعرها عادى وأنا جايبها مستعملة محتاجة بعض القطع الاستهلاكية ومغيرتهاش وماشية معايا كويسة الحمد لله بس العربية دى عايزة اهتمام من الآخر وصفقة اكثر من رابحة كفاية شكلها عارف إيه الغلطة الوحيدة اللى حسيت إنى غلطتها إنى اشتريتها أوتو برغم إن اول مرة أركب عربية فى حياتى ومعنديش سابق خبرة بس أنا حاسس إن المانيوال فى العربية دى هيبقى جامد جدا

شكرا يباشا علي ردك
و ربنا يحفظهالك ويبعد عنك شرها
بس مش 2007 بيبقي فيه الاتنين اوتو و مانيوال الي هو ستريوتونك ولا ايه ؟؟؟

أيوة ا لفتيس بتاعها ستيبترونيك بس فى النهاية عربية أوتوماتيك يعنى فيها محول عزوم والستب ترونيك دا بيخليك تختار النقلة مش أكتر ولكنه مش مانيوال بمعنى الكلمة مش عارف ليه بحس إن العربيات الأوتوماتيك بصفة عامة عربيات هفية إنما المانيوال عربية جد لو إنت بتحب المانيوال هاتها مانيوال بس خلى بالك المانيوال قليل شوية

اشترى لانسر احسن وابعد عن الميجان