الموضوع: توكيل مودرن موتورز - أسكندرية ...... أسواء توكيل ممكن تروحه

التوكيل ده انا بروحوا مضطر لانه مفيش غيره وواحد تاني عند شركة بيبسي في اول الصحراوي وعشان كدة باستقرب مودرن ده بتاع الحضرة ، فيه اتنين مهندسين في قمة التكبر واللامبالاة ويكلموك بقرف ويمشي وانت بتكلمه وعمري ما اقلتلهم على حاجات في العربية وعملوها كلها لازم يسيبلي حاجة يعني مثلا المرة اللي فاتت وانا بعمل صيانة 80 الف قلتلوا الراديو فيه خروشة عشان السماعة اللي ورا كانت اتكسرت والكلكس برضه مش طبيعي وبيقطع ومفتاح العربية ما بيفتحش الباب الشمال بتاع السواق بيفتح اليمين بس وقالي هتستلم العربية الساعة 3 يدوب عمل الصيانة بس وخلص الساعة خمسة عشان كان قبل رمضان وبقية الحاجات قالي تعالى مرة في اليوم عشان نظبطلك الدنيا ( معرفش مالوا هو ومال الدنيا ) برغم اني كنت حاجز الساعة عشرة

والغريبة بقي ان بعدها بيومين يكلمك واحد ظريف كدة يقولك انه هو من التوكيل وعايز يسالك عن مستوى الخدمة

احب اطمن الاسكندرانية ان فى مركز خدمة معتمد هيفتح جديد على الطريق الزراعى بعد جرين بلازا ومرور ابيس على اول الشهر او خلال الشهر اللى جاى وان شاء الله يكون بديل افضل.

انا بشكر كل الاعضاء اللى شاركوا فى هذا الموضوع

ردا على استفسار الاستاذ أحمد tv : الصوت ما بقاش موجود و لكن السؤال : هل لزق امير حيستحمل حر الصيف أو حتى مطر الشتاء ؟ ما أظنش أنهم قدمولى حل جزرى لمشكلتى ؟
أنا شاكر لاهتمام حضرتك برفع الموضوع لادارة مودرن موترز و لكن انا شايف انه مفيش داعى لذالك علشان بكل بساطة أنا مش عاوز اتعامل ثانى مع مركز مش بيحترم عملائه و مايسهليش علامة نيسان و إن شاء الله أروح اتعامل مع اتوايجيبت فقط علشان فرق الاحترام و الذوق و التقدير لكلام العميل .

كل عام و انتم جميعا طيبيين ....

المشاركة الأصلية كتبت بواسطة zenda

احب اطمن الاسكندرانية ان فى مركز خدمة معتمد هيفتح جديد على الطريق الزراعى بعد جرين بلازا ومرور ابيس على اول الشهر او خلال الشهر اللى جاى وان شاء الله يكون بديل افضل.

الله يطمنك يا باشا بس المركز ده تبع شركة ايه اوتوايجيبت و لا مين

بصراحة يا جماعة احسن مراكز صيانة للنيسان
اوتو ايجيبت
السبع
وفيه موضوع عن تقييمات مراكز الخدمة

شكل الناس دى بتحل نصف مشاكل العربيات ب لزق أمير

المشاركة الأصلية كتبت بواسطة dodyam

الله يطمنك يا باشا بس المركز ده تبع شركة ايه اوتوايجيبت و لا مين

لا هيكون تبع العالمية للتجارة (أحمد مرعى)
هيفتح صيانه دوريه وميكانيكا الاول وبعد كده سمكرة ودهان وهيستخدموا زيت توتال

بالتوفيق