أنا عربيتي فيكترا 97 مواصفة خاصة 2000سي سي

**ENG\AHMED** · 28-06-2008 02:07 AM

المشاركة الأصلية كتبت بواسطة ahmed_magdy_shaaban

مش عارف أشكركم إزاي..مكنتش متخيل اني هلاقي ناس تساعدني كده.جزاكم الله خيرا الأستاذ أحمد أستأذنك عاوز أعرف أعلي كفاءة الموتور إزاي وأطول عمره إزاي.أنا غيرت سير الكاتينة و غيرت الزيت و نظفت دورة التبريد.إيه اللي ممكن يتعمل تاني.الحاجة التانية سمعت عن حاجة إسمها فيلتر هواء رياضي!!!دا بيعمل إيه.والحاجة الأخيرة عندي التابلوه عاوز يتنظف من جوة والشاشة اللي فيها درجة الحرارة دي الكلام فيها ممسوح كدة و مش باين منو حاجة..إيه الحل؟ و هل ممكن أوديها لحد يعملها؟شكرا و آسف علي الإطالة

تطول عمر الموتور بالصيانة فى مواعيدها وقطع غيار اصلية ولازم اللى يمد ايدة فيها يبقى فاهم لانها مش بتاعت عك ومتسرخصش
التابلوة فى موضوع هنا عن طريقة فك لوحة العدادات ولو معرفتش التوكيل او ميكانيكى اوبل والشاشة اعتقد فى هنا بردو موضوع عن طريقة اصلاحها

**Ahmad Allawy** · 28-06-2008 02:12 AM

تعلي كفاءة الموتور.. في حاجات كتير قوي..
فلاتر رياضية.. و تيربو و نايترس و و كله بتمنه.. و خلي بالك ان الحاجات دي ما عدا الفلتر يعني بتقلل من عمر الموتور.. لكن الفلتر عادي..
في انواع كتير انضفها k&n ده امريكي.. بس يعيبه انه غالي شوية.. و مشكلة خطيرة.. انه بيتنضف كل فترة بمحلول او زيت معين كده و ده غالي قوي و مش متوفر كتير.. و في بلدنا هنا هتحتاج تنضفه كتير و في نوع تاني اسمه سيموتا علي ما اذكر.. في شوف اخونا شريف شاكر هنا من اكتر الناس اللي اتعاملت في الحاجات دي.. هيفيدك اكتر..
الحاجات التانية غالية قوي و بتقصف عمر الموتور.. (في رأيي سيبك منها..)
موضوع تنضيف التابلوه تروح لحد متخصص اوبل كهربائي يفك و ينضف.. عشان ميكسرش حاجة ولا يضيع مسمار ولا كليبس ولا حاجة.. عشان موضوع مهم..
اما بالنسبة للشاشة لو سليمة يبقي تنضيف و خلاص..
لكن لو فيها حاجة..يبقي ارمي و هات استيراد..

و اهلا بيك و تشرفنا بالسؤال في اي وقت..
و يا رب اقدر افيدك و اجاوبك..

**ENG\AHMED** · 28-06-2008 02:16 AM

على فكرة معلومة عن الشاشة ودى فى كل الاوبل متوقفش العربية فى الشمس كتير بحيس يبقى التابلوة والشاشة معرضين للشمس (شماسات وكدة يعنى ) وكمان متجيبش مية او اى سوائل ناحيتها

**ahmed_magdy_shaaban** · 28-06-2008 02:17 AM

ألف شكر..فعلا سمعت عن حكاية الشمس دي

**ahmed_magdy_shaaban** · 28-06-2008 02:27 AM

ألف شكر يا أستاذ أحمد علي مساعدتك الغالية دي..أنا حاليا كده مش محتاج حاجة.وأول ما أحتاج أي حاجة إن شاء الله هسألك علي طول.أنا زي ما قولتلك لسه جديد في الأوبل.و خايف أكون أسئت الإختيار.لكن واضح من المنتدي الرائع ده و في القسم الخاص بأوبل إنها عربية كويسة.هو في رأي حضرتك مقارنة ما بينها وبين اللانسر والمازدا والهوندا والسكودا.من حيث القوة والأداء والكفاءة.أيهم أفضل؟! لأني فضلت العربية علي كل دوول بعد تفكير طويل.ولكن أحتاج رأيك

**ENG\AHMED** · 28-06-2008 02:32 AM

المشاركة الأصلية كتبت بواسطة ahmed_magdy_shaaban

ألف شكر يا أستاذ أحمد علي مساعدتك الغالية دي..أنا حاليا كده مش محتاج حاجة.وأول ما أحتاج أي حاجة إن شاء الله هسألك علي طول.أنا زي ما قولتلك لسه جديد في الأوبل.و خايف أكون أسئت الإختيار.لكن واضح من المنتدي الرائع ده و في القسم الخاص بأوبل إنها عربية كويسة.هو في رأي حضرتك مقارنة ما بينها وبين اللانسر والمازدا والهوندا والسكودا.من حيث القوة والأداء والكفاءة.أيهم أفضل؟! لأني فضلت العربية علي كل دوول بعد تفكير طويل.ولكن أحتاج رأيك

كل اللى انت قلتهم دول فئة ودى فئة تانية اكبر

**Ahmad Allawy** · 28-06-2008 02:32 AM

لانسر - مازدا - هوندا - سكودا..
بس خلينا نكون موضوعيين..
كل عربية من دول بتتمكير بحاجة عن التانيين.. بس في حدود السعر الي انت اشتريت بيه..
مفيش اختيارات كتير.
مازدا برة اللعبة.. لأنك كنت هتجيب مازدا 323 موديل اواخر التسعينات..او منتصف..
مالهاش اي قطع غيار هنا و محدش بيعرف يصلحها زي القديم..

لانسر..
ثبات معقول سريعة بس مش زي الالماني و الاوبل فيكترا خاصة عشان الوزن و الثبات.. و انت موتورك قوي..
هوندا.. اقوي مواتير في الياباني و بعدها النسيان..
كانت اختيار كويس قوي علي فكرة.. من العربيات القليلة قوي اللي عملت كيميا مع الشعب المصري و عشقها بدرجة كبيرة..
بس قطع غيارها غالية شوية زي الفيكترا كده.. دي ممكن تتقارن بالفيكترا..
ثبات رائع و موتور عنيف و كماليات عادية زي الفيكترا..

السيكودا.. كنت هتجيب ايه..؟؟
لو اوكتافيا.. فولكس و كويسة طبعا.. و تقريبا في مستوي الفيكترا..

**ahmed_magdy_shaaban** · 28-06-2008 02:34 AM

متشكر يا باشا.والحمدلله علي كده وربنا يبارك

**M.Mokhtar** · 29-06-2008 01:14 AM

المشاركة الأصلية كتبت بواسطة ahmed_magdy_shaaban

الهوا اللي خاج ضعيف..يعني لو عاملو علي أول درجة تقريبا مفيش هوا لكن التبريد نوعا ما كويس.و في ملحوظة..أول ما أشغل التكييف بيعمل صوت غريب كده زي ما يكون بلونة مخرومة و بعدين يروح علي طول,,علما بإني كشفت علي الخراطيم والمواسير تمام.شكرا

اتأكد انك ظابط مفتاح اتجاه خروج الهواء على الوضع السليم
ممكن تكون مظبطه انه يخرج الهوا من الفتحات العلويه اللى جنب الزجاج الامامى
اتأكد من النقطه دى عشان فى كتير مش بياخد باله منها

**nageb22** · 31-07-2008 11:53 AM

السلام عليكم

انا عايز اشكر الي عمل الموضوع والمشركات الجمده دي
لاني استفدت منه جد
انا معايه اوبل اوميجا موديل 1997 - 2000 سىسى اوتومتك وفعلا بالنسبه للتكييف هوه هادي شويه يعني وبقالها معايه حوالي سنه دلوقتي

العربيه فعلا جميله وقويه بجد وسحبها رائع علي الاتوتومتيك والعادي 1-2-3-p-r-n-d

فيها شويه مشاكل بس ان شاء الله هاحلها بمسعدتكم وخصوصا ان انا شغال بايدي علشان المكنيكيه هنا اجارك الله (بوخارست رومانيه)

طولت عليكم ونفسي اكون عضو فعال معاكم بس المشاغل وربنا يسهل واقدر اتواجد معاكم لان المنتدي فعلا جميل
اخوكم / محمد ناجب