الموضوع: لاصحاب البورا . للافادة

المشاركة الأصلية كتبت بواسطة ahmedb1

لازم حضرتك تكون مقتنع بالعربية اللي هتجيبها وتكون حاببها عشان تصرف عليها وشوارع مصر بتبهدل اجدع عربية وثقافة المصريين في بيع العربية و مشكلة رشة برة ومشكلة النصب في سوق السيارات او النت... وفي الاخر انتا وحظك وبرضه لما حد بيبيع عربية مستعملة ممكن تكون فيها عيوب ومظهرتش او مخبيها وانتا صلحت العيوب دا في حد ذاته بيخليك تحب العربية انا مقدرش ارشحلك حاجة بحكم اني مجربتش كل العربيات بس عامة وكمان انواع العربيات في مصر محدودة بحكم الجمارك ف لو بتفكر في الامان والسفر يبقى الاوروبي ولو بتفكر في حاجة تستحمل شوارع مصر فكر في الياباني

عندك حق موضوع المستعمل ده في مصر بقى مهزلة . الناس بتطلب ارقام وهمية و هما عارفين ان العربية فيها شغل . مفيش ضميررررر

سؤال هوا حضرتك معاك عربية ايه دلوقت ؟؟؟

المشاركة الأصلية كتبت بواسطة benmatar

السلام عليكم
طبعا فولكس واجن بورا مقاربة إلى حد كبير جدا سكودا أوكتافيا a4 وتعتبر شقيقتها الكبرى، وموتور البورا هو نفس موتور فولكس جولف4
العربية معايا 2002 والحمد لله مفيش مشاكل فيتيس ولا غيره، وقطع الغيار معمرة وأسعارها عادية تماما
اللي مش بيشكر فيها ممكن يكون اشتراها مستعملة وحالتها مش تمام أو الصيانات بيعملها في أي مكان
إنما العربية ثابتة في الجري وقوية، مقدمتها منخفضة شوية، صالون معقول جدا، ناعمة، فيتيس كويس طالما بتحط له الزيت الأصلي وكل 50-55 ألف كم بحد أقصى. التكييف كويس وتستحمل سفر والمجهود.
العربية تبقى معاك تمام لو الصيانات عند حد متخصص فولكس وسكودا
المهم إنك تنتقي حاجة حالتها جيدة جدا وتفحصها عند أخصائي فولكس
والسعر ممكن يوصل منتصف السبعينات لو حاجة حالتها ممتازة، وهتلاقي إن شاء الله والعربية دي حاجتها مرطرطة في بورسعيد والأسعار عادية تماما وسيبك من اللي بيتكلم من غير ما يعرف

منور الموضوع يا باشا و عندي ليك كام سؤال معلش بما انك معاك العربية . حضرتك كنت جايبها مستعمل ؟؟ و بقالها اد ايه معاك و ايه مشاكلها اللي قابلتك لحد دلوقت ؟؟

و التكييف بيسخن العربية فعلا ؟؟ و ايه جودته ؟؟ و السحب بتاعها ايه ؟

معلش انا اسئلتي كتير بس عشان حاطط العربية في دماغي فعلا و عايز اجيب واحدة

السلام عليكم ،

انا حبييت اشارك بس لسة شايف البوست دلوقتي ، البورا عربية محترمة جدا جدا و اقل عيوب بكتيييييييير من الجيتا مثلا .
بالنسبة للتكيف ممتاز جدا جدا انا في عز الصيف بشغلة علي 2 و لا بيسخن العربية ولا اى حاجة من الكلام دة الحرارة 90 بالسنتي .

الفتيس ممتاز انا علابيتي ماشية 180 الف و الحمد لله زي الفل . الفتيس بيبوظ بسبب ان الناس بتكبر دمغها من تغير الزيت ، يعني الميكانيكي بتاعي مرة قالي هتغيرة لية ؟ هو في صوت ؟ قولتلة هي يعني لازم تبوظ علشان نغيرة ؟ الناس بتكبر دمغها علشان الزيت و الفلتر بيكلفوك حوالي 900 جنية فبيقولك ياعم امشي بيها شوية كمان بعد ال 60 الف و تلاقي فتيسك راح .

قطع الغيار فعلا غالية و خصوصا لو بتجيب من حد محترم زي أشرف الشهابي مثلا " التيل أمامي و خلفي 750 جنية " و يمكن تكون عادية بالنسبالك بس بالنسبالي اوفر شوية .

نصيحة أخيرة اوى تتفرج علي واحدة كدة تعجبك تشتريها لازم يكون معاك حد بيفهم و يستحسن كمان تحطها علي الكمبيوتر لان في عيوب عمرك ماهتتكتفها غير بالكمبيوتر .

والله الموفق

[QUOTE=ahmedb1;3874476195]

المشاركة الأصلية كتبت بواسطة mr_hide

بس موضوع التكييف ده يعتبر عيب يا استاذ احمد ؟؟؟؟
هيه عامة البورا مش منتشرة كتير في السوق بس لو نفسك في الماركة خليك في الجولف وبتتحل المشكلة بانك تسقطلها موتور اكبر في السعة او تشيلها من حسباتك...

أرجو من حضرتك إن صدرك يتسع لى شوية !
موضوع عدم إنتشارها دا فأعتقد إنه كلام مش أكيد ( أعتقد إنها منتشره ومرغوبه جدا )
بالنسبة بقى لو نفسك فى الماركه دا , فأكيد طبعاً البورا أفضل من الجولف فى كل حاجة , ماتور و جنوط و شنطة و شكل وهكذا
اما بالنسبة للتسقيط فدا خيار أخير خالص بعد ما يكون ماتور الفابريكة جاب اخره , لان طبعاً لا يعلى على تركيب الفابريقه
وحكاية يشيلها من حسباته دى أعتقد إنه هيبقى هو الخسران لانها عربية محترمة جدا , أنا عن نفسى كنت بفكر فيها تبقى الخطوة الجاية إن شاء الله
دا حتى كنت بقارنها ب سكودا أوكتافيا A5 لحد 2009 كدا مثلاً و BMW 318I 2002 أو 2003

وربنا يوفقه لما هو فيه الخير

المشاركة الأصلية كتبت بواسطة ahmedb1

وقطع الغيار ارخص في بورسعيد بس لو ركبتها قبل الجمرك

بالنسبه للأسعار فى بورسعيد فأنا كنت مفكر كدا برده , إنها رخيصه وتمام لحد ما روحت , ويا ريتنى ما روحت حاجات حالتها من سيئه جدا ل سيئه , وغالية كمان يعنى مثلا الطارة الايرباج للبولو كانت حاجة تقرف تشوفها مش تقرف تركبها وكان عايزين فيها 500 جنيه وتقريباً على ما أفتكر أرخص واحد قالى 450 جنيه , وهنا عندنا فى دمياط حالة زيرو ما شاء الله ب 300 جنيه
- فانا قصدى الواحد ميتعشمش اوى فى موضوع بورسعيد

المشاركة الأصلية كتبت بواسطة benmatar

العربية تبقى معاك تمام لو الصيانات عند حد متخصص فولكس وسكودا
المهم إنك تنتقي حاجة حالتها جيدة جدا وتفحصها عند أخصائي فولكس
والسعر ممكن يوصل منتصف السبعينات لو حاجة حالتها ممتازة

أتفق معاك تماماً , دا كمان ممكن توصل ل 80 و تعدى كمان لو حالتها شاذه

المشاركة الأصلية كتبت بواسطة ata7daki

السلام عليكم ،

انا حبييت اشارك بس لسة شايف البوست دلوقتي ، البورا عربية محترمة جدا جدا و اقل عيوب بكتيييييييير من الجيتا مثلا .
بالنسبة للتكيف ممتاز جدا جدا انا في عز الصيف بشغلة علي 2 و لا بيسخن العربية ولا اى حاجة من الكلام دة الحرارة 90 بالسنتي .

الفتيس ممتاز انا علابيتي ماشية 180 الف و الحمد لله زي الفل . الفتيس بيبوظ بسبب ان الناس بتكبر دمغها من تغير الزيت ، يعني الميكانيكي بتاعي مرة قالي هتغيرة لية ؟ هو في صوت ؟ قولتلة هي يعني لازم تبوظ علشان نغيرة ؟ الناس بتكبر دمغها علشان الزيت و الفلتر بيكلفوك حوالي 900 جنية فبيقولك ياعم امشي بيها شوية كمان بعد ال 60 الف و تلاقي فتيسك راح .

قطع الغيار فعلا غالية و خصوصا لو بتجيب من حد محترم زي أشرف الشهابي مثلا " التيل أمامي و خلفي 750 جنية " و يمكن تكون عادية بالنسبالك بس بالنسبالي اوفر شوية .

نصيحة أخيرة اوى تتفرج علي واحدة كدة تعجبك تشتريها لازم يكون معاك حد بيفهم و يستحسن كمان تحطها علي الكمبيوتر لان في عيوب عمرك ماهتتكتفها غير بالكمبيوتر .

والله الموفق

متفق معك تماماً , بالنسبة لقطع الغيار فا فعلاً مش مهم إنها غالية من وجهة نظرك أد ما هو مهم بالنسبة للحاله والجوده والعمر الأفتراضى إلى بتعيشة , بالمقارنة بقى بباقى أنواع و أسعار قطع الغيار الاخرى الخاصه باليابانى والكورى والصينى

وفعلا لازم و أنت بتدور تاخد بالك كويس أوى من الحالة و تفرزها مسمار مسمار ويفضل كمان تكون اخد معاك حد له خبره فى الألمانى شوية و الأوروبى عموماً , دا غير إنك متستعجلش أبداً براحتك خالص عشان تجيبلك حاجة حالتها نظيفه ومتقرفكش مصاريف إنت فى غنى عنها حتى لو الحكاية وصلت ل 3 او 4 شهور

وبالتوفيق إن شاء الله