معلش انا لسة شايف التوبيك دلوقتي
سيبك من اي كلام من حد ماجربش ركب ألماني او ركب ألماني مهجن زي الجول والبوينتير مع كامل احترامي الشديد لأصحاب هذه السيارات
بس اللي ركب ألماني مأصل وفاهم عربيته وقارنها بغيرها هيعرف ان عربيته برقبة اي عربية زيرو أجدد منها ب12 سنة
البورا من العربيات الألماني المأصلة اللي في اعتقادي كانت من اواخر العربيات المحترمة اللي ممكن تتركب
رغم أقتناعي الشديد وأعجابي المتناهي بالجيتا لكن يبقي للبورا مكان في قلبي لا ينازعه عليه سيارة اخري غير أختها الصغري الجولف 4
قطع غيارها لو هتجيبها علي أنها جولف 4 يبقي هتجيبها بمليم ومرمية ومرطرطة في كل حتى في مصر من شمالها لجنوبها
ليه بقولك تجيبها علي أنها بتاعة جولف 4 -
هديك مثال - انا عربيتي سيات ابيزا (توأم البولو) طرمبة البنزين عندي كهرباء بتضغط 2.1 بار
لو دورت وراها هتلاقيها هي نفسها طرمبة الجولف 4 والأوكتافيا a5
لما تروح تشتريها - قوله عايز طرمبة سكودا هيقولك 550 جنيه
قوله عايز طرمبة جولف 4 - هيجيبهالك بعلبة مختلفة ويقولك 400 جنيه
قوله عايز طرمية ابيزا - هيجيبهالك في علبة مالهاش ملامح ويقولك 275 جنيه
والطرمبة في الأصل واحد وكلهم صيني وكلهم بيتضغطوا 2.1 بار ودة المهم في الموضوع
التيل ابو 750 - أصدق السعر دة - لأنه أكيد ألماني
وليه بدائل زي سوق اوروبي او اسباني او ايطالي او تركي والأسعار متدرجة علي الترتيب وهكذا العمر الأفتراضي متدرج علي الترتيب والside efect بردو متدرج علي الترتيب
في تيل ألماني غالي اوي - وسبب غلائه انه بيتأكل بسرعة جدا وبيتفتت زي البودرة ودة ميزته انه مش بياكل من الطنبورة وبالتالي بيطيل من عمر الطنبورة اللي مهما جبتها مش هتعوض الأصلية
العربية تكييفها ممتاز والعزل ممتاز والثبات والتسارع ممتاز
انا راكب اصغر عربية في فولكس ومع ذلك بتمتع بجودة اعلي عربية في فولكس
وهي دي الشركة اللي تحترم عملائها ولا تفرق بين كبيرة وصغيرة
دة تقرير كنت كاتبه عن البورا اتمني يعجب حضرتك وتجد فيه ضالتك
http://www.nilemotors.net/Nile/30961...post3874566274
تحياتي لحضرتك مرة تانية
وكل أحترامي لجميع الأراء
المفضلات