الموضوع: حصريا على نايل موتورز اختبار قيادة سيفيك 2012 الجيل التاسع

المشاركة الأصلية كتبت بواسطة semsem kane

معلش ياباشا حضرتك متأكد ان ركبت الكورولا 2007 الشكل القديم ولقيت الالنترا انعم منها ؟؟؟؟؟؟؟؟؟؟؟؟؟؟؟؟؟!!!!!!!!!!!!!!!! !!!!!!!!!!!!!!!!؟؟؟؟؟؟؟؟؟؟؟؟؟؟؟؟؟ ؟؟!!!!!!!!!!!!!!!!!!!!!!

فتحة التكييف اللي في منتصف التابلوه مستطيلة الشكل بس مستطيل واقف مش نايم ومتحركه لأعلى وأسفل بالكامل - الكونسول في المنتصف فيه مكان تخزين بيتفتح لفوق ويتقفل لتحت ومكانه ورا الفتيس - المرايات اللي في الشماسات بتتفتح لأعلى مش للجنب وفيها فتحة رفيعة في النص في الجزء البلاستيك - كانت بتدي صوت أنذار بعد 120 كيلو ... أيوة ركبت الكورولا 2007 وجربتها لما يزيد عن 1300 كيلو وأيوة عفشة الألنترا أنعم منها يمكن علشان فرق السنين فالعفشة كانت تعبانة شوية الله أعلم بس العربية كانت بشوكها بصراحة .

المشاركة الأصلية كتبت بواسطة semsem kane

ياجماعة احب اوضح تماما ان سيفيك 2013 نزل فيها الاتى :

1- تعديل الخامات لاخرى جلد فى كل الفئات واضافة لمسات للابواب من الكروم تجعلها اكثر فحامة

2- اضافة اوبشن كثيرة للسيارة

1- كاميرا خلفية

- اضافة ال paddle shift

4- ستارت استوب انجين مع بصمة

5- فتح السيارة اتوماتيكا بدون الضغط على المفتاح

المحرك بقى علية كلام لسة ومش متأكد عشان كدة مش هجيب سيرتة بس لو نزل اللى بيقولوا علية دة خلاص كدة السيفيك عدت ومافيش وجة للمقارنة اصلا

على فكرة انا عندى كمان شكل تعديل السيفيك الجديد طلع عينى على ماجيبتة بس التعديل دة جامد جدا جدااااااا يارب هو دة اللى يعملوا ساعتها بجد التصميم دة يضرب اى شركة فى فئتها

النسخة ال refresh نازلة رسمى فى اول 2013

انا شاري

أوعدنا يارب

تسلم ايدك ياباشا على التقرير

أستاذ AshTurbo ...
ممكن اعرف ليه شايف انك متعصب اوي للهيونداي الالنترا و حاد اوي في كلامك عن بقية العربيات ؟ مش معنى انها نازلة بشكل جديد و حضرتك من مالكيها تبقى هي احسن من السيفيك و الكورولا .. كل واحد و زوقه .. انا بدور على عربية شكل و رفاهية و ابيعها كمان 5 سنين هركب الالنترا .. لكن لو بدور على امان و قوة و تعيش العمر معايا هركب السيفيك سواء بشكلها القديم او الجديد اللي مش عاجب حد .. شركة منزلة عربية بنظام vsa عشان تحافظ على امان اللي راكبها متبقاش شركة محترمة ؟ انا بالنسبالي ادفع اللي ادفعه في عربية تحافظ عليا و على اولادي طول العمر ولا اني ادفعها في عربية شكل و منظر و لا قدر الله يجرى حاجة ليا ولا لأي حد من اسرتي ..
تقبل مروري و ارجو منك الحيادية و شكرا

المشاركة الأصلية كتبت بواسطة se_coralsea

أستاذ أشرف ..
الموضوع الاصلي عن تقييم السيفيك الجديدة و فيديو أختبار محرك الالنترا ده مش مكانه
ياريت حضرتك تطلب من المشرف حذفه و نقله في مكانه الصحيح

أما عن تقرير اختبار السيفيك الجديدة فهو تقرير جيد و لكن ينقصه الارقام و البيانات التفصيلية
يعني :
- بالنسبة لستهلاك البنزين : السرعة المتوسطة - المسافة المقطوعة - متوسط الاستهلاك كان كام
- اداء المحرك في السرعات المختلفة و مدي استجابته في كل مرحلة من مراحل السرعة
- ثبات العربية أو تقييم حضرتك للثبات مع الملفات و السرعة كانت قد ايه

لكن بشكل عام التقرير جيد و مجهود تشكر عليه و ياريت كل المشاركات في المنتدي تكون من النوعية دي

استهلاك البنزين
٢٢٠ كم في الصفيحه وسط البلد
٣٥٠ كم في الصفيحه طوالي

بالنسبه لاداء المحرك انا وصفته مرحله مرحله يلريت تقول لي الجزء اللي مش واضح
و الثبات برضه شرحته وده في حدود سرعة ١٦٠ كم في الساعه و تعمدت و انا على سبعين اخش في ارض عليها رمل و الدنيا كانت واسعه حواليه عشان مكنتش ضامن و اول ما ضهر العربيه شاور عقله راح معدول في جزء من الثانيه و صاحبي اكد لي ان ده اللي بيحصل معاه و هو بياخد ملفات على ١٨٠ بيحس كان اتنين بيشيلوا العربيه من ورا و يعدلوها