الموضوع: حصريا على نايل موتورز اختبار قيادة سيفيك 2012 الجيل التاسع

المشاركة الأصلية كتبت بواسطة se_coralsea

بالنسبة لستهلاك البنزين هل السيفيك الجديدة زي القديمة و لا فيه أختلاف ؟

أداء المحرك بأقصد به استجابته مع الكيك داون في المراحل التالية :
- تحت ال 100 كم/ساعة
- فوق ال 100 كم/ساعة
- من 140 الي 200 كم/ساعة

برضه موضوع أن ظهر العربية بيعدل نفسه بنفسه .... هيا تورشن بيم ؟

و شكرا علي أجاباتك مقدما

بص حضرتك بالنسبه للاستهلاك انا كنت سالت صاحبي عشان ما فتيش و هو ده استهلاكه بالفعل
ولحسن الحظ نفس الشخص كان راكب قبلها الجيل التامن عشان نبقى ثبتنا عامل اسلوب السواقه لما نقارن العربيتين
ال ٢٠٠٧ كانت بتعمل معاه وسط البلد ١٨٠ كم في الصفيحه (انا بعمل اكتر من كده بس هو بيقرص اكتر مني

وفي السفر كان بيعمل ٣٢٠ كم في الصفيحه
بالنسبه لاستجابة الموتور للكيك داون تحت و فوق الميه رائعه بدون ديلاي يذكر و الفتيس بيلقط النقله على طول و العربيه بتنطلق و استاذ اشرف كان لفت نظره برضه الموضوع ده لما ساق الجيل التامن و شكر في استجابة دواسة البنزين دي كمان احسن سيكا
بالنسبه للمقارنه مع الالنترااعتقد مش مجالها الموضوع بس فيه حاجه مهمه ما ينفعش تتقارن على الورق و هو الاحساس بالمتعه اللي بيخش فيه عدة عوامل لازم الواحد يسوق و يجرب
محسوبك غاوي تست درايف واول مره مبقاش عايز انزل من عربيه من مده
و بالمناسبه صاحبي ساق الالنترا ٢٠١٢ و اتشكر في عناصر و تحفظ على عناصر بس اخوك ما يبعش دماغه و لازم يجرب بنفسه
تحياتي لحضرتك

نسيت اقول انه بيشغل نظام توفير الوقود و هو في الزحمه

المشاركة الأصلية كتبت بواسطة ashturbo

quote=hany63;3874478341]انا شايف ان دي مجرد ملاحظات لا تقارن بباقي الممزايات و بالنسبه للمحرك الصافي على العجل 105 حصان على الداينو في عربيه موديل 2007 يعني يعمل 110 حصان اقله لو العربيه زيرو و الكوري ال 123 حصان الصافي بتاعه طلع 85 على نفس الداينو فالعمليه لازم تتقاس كده مش يقول لك 140 حصان و خلاص المفروض نعرف الصافي على العجل كام
تاني حاجه الفتيس ثم الفتيس عشان ممكن يكون الموتور قوي و الفتيس اداؤه يضيع الدنيا
وبدون ذكر عربيات تيجي تدوس بنزين متلاقيش

طيب بما أنك دخلت الكوري في الموضوع مع أنك قلت بلاش نتكلم عالكوري ...

1- مش هنتكلم على قيادة السيفيك الجديدة علشان مجربنهاش بس معلش أنت بتقول خامات بلاستيك كتير بس صاحبك قالك أنها مقوامة للأحتباس الحراري والغبار الذري بينما لما يبقى في بلاستيك في الألنترا تقولوا دي عربية معمولة كلها بلاستيك طبعاً دي نقطة ضد الحيادية بتاعة حضرتك .

2- أتفق معك تماماً أن تابلوه السيفيك الجديدة يحسسك أنك في زمن تاني وهو زمن التسعينات البدائي ومش شايف أي جمال أو تصميم عصري خاصة العوجة اللي في نص التابلوة دي شكلها مش لطيف بصراحة ونفس العداد القديم مع اعجابي " بشكل " عجلة القيادة .


[/quote]
ازاي انا مش حيادي في نقطة البلاستيك ؟!!!!
طب مانا كان ممكن ما جبش سيره بالعكس ده انا قلت انه منتشر في التابلوه و الابواب كمان
و قلت ان معجبنيش كلام صاحبي لما قال موضوع البيئه و قلت لما اجرب في طريق خشن عشان اشوفه هيعمل اصوات ولا لاء
استاذ اشرف من حقك تكره الهوندا عمى بس لازم اعتقد انك لازم تفصل ما بين الهوندا و الهونداويه ولازم الواحد يوزن كلامه و هو بيقيم عارف ليه؟
عشان فيه ناس بتستلف و تجيب عربيه بناء على التقارير اللي بنعملها
بالنسبه للتابلوه فعلا عندك حق في العوجه بس لما بتركب ما بتبقاش ملحوظه قوي
اشك ان حضرتك ركزت في شكل العدادات لما قلت انها نفس الجيل السابق هي عشان السرعه طالعه بالارقام تبقى هي؟ دي مختلفه ٣٦٠ درجه
حضرتك شكل العدادات في ال ٢٠١٢ و الفنكشنز اللي زادت و الالوان و تناسقها صدقني اقل حاجه تتقال انها تهبل
اسف اني علقت مرتين على المشاركه بس حبيت ارد على ملاحظاتك عشان مكنتش مركز و خليها عندي المره دي

والله ما بكره الهوندا ولا الهونداوية يا أستاذ هاني ببساطة لأن مفيش سبب وربنا مايجيب سبب احنا هنا كلنا أصدقاء وأخوة ومين عارف مش يمكن في يوم أبقى هونداوي وهيونداوي في نفس الوقت .... نرجع للعربية بقى أنا فتقييمي عن السيفيك الجيل الثامن لو تتذكر قلت أن تابلوه الجيل الثامن من سيفيك فيه بلاستيك كتير - وده عادي في الفئة دي هي مش فئة فخامة علشان تبقى كلها جلد حتى الفئات الأعلى فيها بلاستيك بردوا - ومع ذلك قلت الألنترا فيها بلاستيك ولكن أخف وأرخص من السيفيك يعني قلت رأيي بحيادية ودة المفروض مقلتش مثلاً أن هيونداي بتعتمد سياسة الحفاظ على البيئة في التصنيع وبتقلل من الجلود بقدر الأمكان وهي معلومة صحيحة .... بالنسبة لألوان العدادت جميلة مفيهاش كلام انا كان قصدي أن الفكرة هي هي والمكان هو هو وتقريباً ديزاين الداش بورد هو هو يعني مفيش حاجة ثورية كده ..... المهم أنا شفت العربية دي بالفستان الأبيض كان لايق عليها بصراحة أعتقد شفت أعلى فئة بس من ورا تعكنن شوية عموماً ربنا يبارك لصحابها فيها وأكيد واحد هيدفع تمنها هيبقى عارف أمكانياتها وغاويها .

تسلم ايدك يا أ هانى

المشاركة الأصلية كتبت بواسطة abo-berry

تسلم ايدك يا أ هانى

تعيش يابو بيري