نصيحه هامه جدا لكل من يملك سياره مكيفه

**exact** · 20-08-2012 03:12 PM

كلام مختلف معاه تماما فيما يتعلق بالحفاظ على الكومبريسور... لأنه ملوش علاقة بالموضوع ده بتاتا... وانا قاري بتاع 40 سيرفيس مانيوال مختلفة واكتر من 60 سيرفيس تكييف ومفيش ادنى سيرة للموضوع ده

الكومبريسور له حاجة زي الدبرياج (كلاتش) كده شغال بالكهربا زائد انه من الطبيعي جدا انه بيفصل ويشتغل
فهل كل مرة هيفصل فيها هتركن العربية عشان يشتغل؟؟
دي من فتاوى الصنايعية 100 %... واللي هيتكلم هاقول له على انهم افتوا بان الغاز بياكل مكنة العربية (عندنا تويوتا غاز عاملة عليه فوق 200000 كيلو لحد دلوقت)

الكلام اللي هنقوله وفيه شئ من الصحة... اما يبقى المكيف شغال متقرصش عالغيار لقرب المنطقة الحمرا في عداد الار بي ام وخللي قيادتك هادية... للصالح العام حتى

**t_bmw7** · 20-08-2012 03:21 PM

المشاركة الأصلية كتبت بواسطة exact

كلام مختلف معاه تماما فيما يتعلق بالحفاظ على الكومبريسور... لأنه ملوش علاقة بالموضوع ده بتاتا... وانا قاري بتاع 40 سيرفيس مانيوال مختلفة واكتر من 60 سيرفيس تكييف ومفيش ادنى سيرة للموضوع ده

الكومبريسور له حاجة زي الدبرياج (كلاتش) كده شغال بالكهربا زائد انه من الطبيعي جدا انه بيفصل ويشتغل
فهل كل مرة هيفصل فيها هتركن العربية عشان يشتغل؟؟
دي من فتاوى الصنايعية 100 %... واللي هيتكلم هاقول له على انهم افتوا بان الغاز بياكل مكنة العربية (عندنا تويوتا غاز عاملة عليه فوق 200000 كيلو لحد دلوقت)

الكلام اللي هنقوله وفيه شئ من الصحة... اما يبقى المكيف شغال متقرصش عالغيار لقرب المنطقة الحمرا في عداد الار بي ام وخللي قيادتك هادية... للصالح العام حتى

ياريت سيادتك تقرا الكلام كويس قبل ما تعلق ولو مش فاهم حاجه منه ممكن افهمهولك واحده واحده
وبرضه مافيش مانيوال فى العالم هيقولك تجنب السرعات العاليه تفاديا للحوادث او يقولك تجنب الغرز اللى ممكن تضيعك او يقولك ما تمشيش على المطبات والحفر عشان عربيتك تعيش ....
ومين قالك ان تشغيل المكيف مش بيأثر على الموتور :) يعنى ممكن تشغيله على المدى البعيد انا بيحافظ على العربيه او مالوش اى تاثير ؟؟؟ يا ريت يا فندم تتاكد بشكل علمى قبل ابداء الرأى
وحضرتك ممكن تراجع جميع الوكالات وتتاكد بنفسك وسيبك من المنيوال لان اللى مكتوب فيه مكتوب فى كل العربيات ( نسخه ومتوزعه ) .. واذا كلامى مش عاجب سيادتك ما تعملش بيه :)
وشكرا على المشاركه

**samyyousef** · 20-08-2012 04:14 PM

السلام عليكم
كل عام و الجميع بخير
أشكر صاحب الموضوع على ما أفاد به من معلومات
و أذكر نفسي و اياكم بأهمية احترام أراء الآخرين و من راى وجهة نظر أخرى فليعرضها دون تقليل من راي الاخرين
تحياتي

**shaddadfalcon1** · 21-08-2012 12:40 AM

معلش ياجماعه انا برده مش فاهم لسه

يعني لما يشحن الضعط هيبقي موجود في المواسير
طيب هو ايه اللي هيخلي الضعط موجود؟ مش الكميبروسر فصل خلاص وممكن يفضل فاصل شويه حلوين لو الجو برد مثلا يبقي كده الضغط هيروح من الخراطيم وبالتالي اول مايجي يشتغل تاني هيعمل نفس الحركه
كده ولا ايه؟

**t_bmw7** · 21-08-2012 12:57 AM

اول ما الكمبريسور بيشتغل بيضغط الفريون داخل المواسير واللي بيحافظ علي الضغط ده البلف اللي موجود داخل الكمبريسور .

**loshabih** · 21-08-2012 04:35 AM

مع كامل احترامي ليك اختلف تماما معاك في موضوع عدم التشغيل والعربية ماشيه...هيا هيا لان الكباس لما بيرجع يفصل ويشتغل هيحصل شد وهتحس بتقل فلعربية فجئه اكن حد بيشدها لورا فدا كده معناه ان رولمان البلي بيتاكل وبرضه الكلتش بيتاثر وممكن السير يتقطع لانه بيتشد فجئه برده اكنك معملتش حاجه ممكن اللي اتفق معاك فيه موضوع البروده تقل مع انها مش دخله دماغي اما موضوع الضغط فعلا اللي بيحافظ عليه البلوف بس عشان الفريون يسقع لازم ضغطه يقل(السربنتينه الداخليه)والبلف اللي داخل الكباس بيحافظ علي كده (عشان يرجع يسقع تاني لازم يضغط عشان تتخلص من الحرارة) فكره كباس العربية تختلف عن الكهربا وفلاوب وفلاخر الفريون بيفضل فلمواسير ومبيضغطش غير لما تشغل التكييف عكس الكهربا حتي لو تلاحظ الكباس الكهربا لو فصل لازم يعد فتره عشان يرجع يشتغل لكن العربيه لا عادي
انا عمري مبشغل التكيف وانا ماشي ونفس الكلام مع اخويا و واحد صحبي والكباس خشن جدا بس الخشونه مختلفه وانا اقل لاني مبخرجش كتير...وفي عربيات كتير بيحصل كده بدرجات متفاوته
فكده فلاول وفلاخر مش فرقه ...ولك جزيل الشكر

**temo85** · 21-08-2012 03:32 PM

انا اللى بلاحظه عندى ان صوت الكومبرسيور بيكون واضح عند اللقطة فى الأول لكن موضوع الفصل و التوصيل مش ملحوظ

**aatif** · 21-08-2012 05:05 PM

انا مفهمش فى الموضوع اوى بس المنطق بيقول ان الكلام ده صعب -- يعنى انا مسافر على طريق سريع الصح اوقف العربية او اهدى اوى عشان التكييف ميبوظش -- اعتقد ان مصنعى السيارات يبقو من الغباء لو مكنوش انتبهو لمشكلة زى دى وحلوها

**SAMEH_FOUAD** · 21-08-2012 05:24 PM

اولا : طرق تشغيل التكييف الصحيحة للمحافظة على الكباس والبطارية كمان

1- عدم تشغيل التكييف والسيارة باردة لان دة حمل وجهد على المحرك وكمان على الكباس , لازم المحرك يسخن او على الاقل لحد مايبتدى مؤشر الحرارة يتحرك

2- لا بد من عدم القرص على السيارة لاقصى من 4500 لفة للمحافظة على الكباس لان سرعة دوران الكباس بتبقى اقل من سرعة دوران المحرك

3- عدم تشغيل التكييف والمحرك عند سرعة دوران عالية يعنى مثلا ماتشغلش التكييف مرة واحدة وانت ماشى على سرعة 150

4- فية بقى حاجة اخيرة لو واحد متعود دايما ان مع تشغيل محرك السيارة يشتغل التكييف فأقدر اقولة ان دة مجهد للبطارية لان المفروض ان البطارية بتستخدم فى تدوير المحرك وبعد كدة الدينامو بيقوم بالوظيفة , لأ انت كدة بتلخى البطارية تقوم ( محرك + التكييف )

دة اللى اعرفة عن الاسباب اللى تحافظ على الكباس

-

الموضوع: نصيحه هامه جدا لكل من يملك سياره مكيفه

LinkBack

أدوات الموضوع

عرض

-

-

-

-

المواضيع المتشابهه

نصيحه هامه جدا

تجربه شيقه للعثور على سياره مسروقه ( معلومات هامه جدا )

مشوره هامه بخصوص شراء سياره مرسيدس

طلب نصيحه في شراء سياره

الاحلال، فرصة ذهبية لمن يملك مبلغ قليل ويريد ان يمتلك سياره

الكلمات الدلالية لهذا الموضوع

المفضلات

المفضلات

ضوابط المشاركة