الموضوع: نصيحه هامه جدا لكل من يملك سياره مكيفه

المشاركة الأصلية كتبت بواسطة فتح الباب

لا يافندم الصح تدوس دبرياج وفى الاوتوماتيك تجيب الـ ( n ) وانت ماشى عادى

مبدأيا كدا مكتوب فى كاتالوج اى عربية ممنوع تجيب الn والعربية ماشية عشان الrpm هيعلى جدا فجأة لما يفك من الغيار

المشاركة الأصلية كتبت بواسطة t_bmw7

لا يا باشا ... الكمبريسور او المكيف مالوش اى علاقه بدوران المحرك طول ما انت مش مشغله .. واول ما يشتغل بيرتبط بسرعه المحرك بدليل انك لما تسوق السياره على اى سرعه وتفتح المكيف هتلاقى عزم السياره ضعف بشكل ملحوظ .

[COLOR="rgb(0, 100, 0)"]+11111111[/COLOR]

المشاركة الأصلية كتبت بواسطة korkor

يعنى كل الناس بتقولك ماتشغلش التكييف اول ما تركب العربيه واستنى لما الحراره تخرج من العربيه وافتح التكييف بس افصل مفتاح التبريد علشان الهواء السخن يطلع , معنى كده انى يااما اقف لما اجى اشغل التكييف او لما اركب العربيه افتحها ربع ساعه علشان الهواء السخن اللى فيها يطلع وبعدين اشغل التكييف وبعدين ادور العربيه , معلش انا مش مقتنع بالكلام كده ويتنافى مع المنطق

[COLOR="rgb(0, 100, 0)"]صحيح الكلام دا وفى الكانالوج[/COLOR]

المشاركة الأصلية كتبت بواسطة t_bmw7

صباح الخير بالليل يا فندم
احنا اساسا مش ده موضوعنا اللي بنتكلم فيه ... ياريت حضرتك تتفضل مشكورا بقراءه الموضوع من اوله عشان تقدر تعلق صح .. ثانيا احنا مش بنتكلم اصلا عن موضوع امتى نشغل التكييف وطريقه خروج الهواء الساخن من العربيه .
للاسف تعليقك مش فى محله ... وشكرا .

[COLOR="rgb(0, 100, 0)"]الراجل ما قالش كلام غلط هو بيكمل المعلومة اللى انت قولتها ومش عشان انت اللى عامل الموضوع تحكم على المشاركات بتاعة الناس وتتريق[/COLOR]

المشاركة الأصلية كتبت بواسطة ahmed_adham

هوه فعلا فيه حزام بيربط بين كلاتش الكومبريسور والموتور وبيدور طول ما الموتور شغال حتى لو التكييف مش شغال. لما تشغل التكييف الكلاتش بيشتغل وتبدأ دوره تبريد الفريون و المروحه بتشتغل. فكر شويه فيها كده هتلاقي الكلام معقول. الموتور بيلف وفيه حاجه واصله بين الموتور والتكييف يبقى مفيش حل انها تقف الا لو كان الموتور واقف.

على فكره انا مش خبير بس دي معلومه عندي عن تشغيل تكييف العربيه.

[COLOR="rgb(0, 100, 0)"]كلام مظبوط[/COLOR]

عموما بقى موضوع متى تشغيل التكييف اختلف عليه ناس كتييييييييييييييييير جدا جدا ولكن الفيصل فى الحاجات دى الشركة المصنعة واللى اختبرت العربية قبل ما تنزل السوق او تتحط على خط الانتاج وعملت كاتالوج وتعبت نفسها عشان تجرب هى كل حاجة بدلا من العميل

ومعظم الكاتالوجات بتقول لو الحرارة عالية فى العربية دور الموتور، شغلالمراوح من غير الكومبريسور، اتحرك بالعربية وبعـــــدين شغل الكومبريسور والعربية ماشية بعد سرعة 50 كم/ساعة

من حسن حظكم انى لسه قارئ الكاتالوج.... ههههههههههههههههههههههه