بفضل الله اشتريت كارينز

**aymanbay** · 23-08-2012 05:29 PM

المشاركة الأصلية كتبت بواسطة aly_moh

مبروك يا باشا و هى معايا اهية عاملة 2000 كم بس عايز اقولك هى بطة فعلا انا بتخنق منها فى طلعات الكبارى بس

ربنا يباركلك فيها .. انا طبيعة سواقتي هادية ومش باقرص على العربية لكن فى اغلب الاوقات بيكون معايا ركاب فى العربية زمايلي أو اسرتي وماحسيتش بخنقة منها .. اكيد عربيتك بعد 5000 الاف هيكون ادائها أفضل

**aymanbay** · 23-08-2012 05:33 PM

المشاركة الأصلية كتبت بواسطة khaled_nowaihy

1000 مبروك والكارينز مكسب كبير
بالنسبة للتيكييف لتحسين الأداء روح نظف الفلتر بضغط الهواء فى أى محطة بنزين
ولما تركن العربية فى الشمس يستحسن تحط شماسة كبيرة على البريبريز الأمامى عشان التابلوه بيمتص الحرارة بغباء خصوصاً لو لونه اسود
بالنسبة للزوايا تأكد من ضغط الهواء وحالة الكاوتش وان شاء الله تكون مظبوطة

انا شيكت على الكاوتش وفعلا ظبطت تمام بس مش لاقي شماسة كبيرة لا مساحة الزجاج كبيرة فعلا وياريت تقولى اجيبها منين لان العربية بتبقى عاملة زي الفرن والتكييف بياخد وقت كبير فعلا على ما يظبط وكمان منين اجيب انتينة الاريال

**D/FARID CERATO** · 23-08-2012 07:10 PM

المشاركة الأصلية كتبت بواسطة aymanbay

انا شيكت على الكاوتش وفعلا ظبطت تمام بس مش لاقي شماسة كبيرة لا مساحة الزجاج كبيرة فعلا وياريت تقولى اجيبها منين لان العربية بتبقى عاملة زي الفرن والتكييف بياخد وقت كبير فعلا على ما يظبط وكمان منين اجيب انتينة الاريال

اي اكسسوار في دمشق

**Khaled_Nowaihy** · 23-08-2012 09:47 PM

المشاركة الأصلية كتبت بواسطة aymanbay

انا شيكت على الكاوتش وفعلا ظبطت تمام بس مش لاقي شماسة كبيرة لا مساحة الزجاج كبيرة فعلا وياريت تقولى اجيبها منين لان العربية بتبقى عاملة زي الفرن والتكييف بياخد وقت كبير فعلا على ما يظبط وكمان منين اجيب انتينة الاريال

أحد الزملاء فى المنتدى دلنى على الفيومي اللي في صلاح سالم اول يمين بعد كوبري العباسية و سعرهم 12 جنيه بس ما رحتش لغاية دلوقت أجيبها
وحالياً باستعمل 2 من العاديين اللى بيتطبقوا
واحدة أفرشها على التابلوه والثانية على الجزء العلوى للبريبريز وانزل عليها الشماسات عشان تزنقها

بخصوص الإيريال برضه أحد الزملاء وجد ان ممكن الأنتينا بتاعة ال skoda تركب عليها وهى أرخص بكتير من بتاعة الكارينز