بفضل الله اشتريت كارينز

**محمد بدر** · 22-08-2012 08:22 AM

على فكرة تكييف الكارينز ممتاز وبالرغم من وسع العربية من الداخل بيقوم برضو بالواجب كويس قوى

**esam_ayad** · 22-08-2012 02:41 PM

ألف مبروك علي الكارينز
بس اللي اعرفه ان تكييفها قوي ,وقريت ان في ناس ركبت ستاره خلفيه علشان التكييف يبقي قوي جدا

**hossam_elwani** · 22-08-2012 02:48 PM

الف مبروك عليك

بس نصيحه روح اكشف على العربيه دى كويس جدا لان حكايه انه اخد الصنى 10000 جنيه وقسط الباقى بدون زياده دى فيها ان .. انا ما باشككش لا سمح الله ولكن الحرص واجب والنهادره محدش بيسمى على حد ...

**D/FARID CERATO** · 22-08-2012 02:49 PM

الف مبروك يا باشا العربية ديه هنا في السعودية هي و السيراتو شغالين كويس اوي ربنا يبركلك و طمنا عليك

**aly_moh** · 23-08-2012 03:34 PM

مبروك يا باشا و هى معايا اهية عاملة 2000 كم بس عايز اقولك هى بطة فعلا انا بتخنق منها فى طلعات الكبارى بس

**aymanbay** · 23-08-2012 05:05 PM

المشاركة الأصلية كتبت بواسطة medoghaly

مبروك عليكك يا باشا فعلا الكارينز حلوة اوي وواسعة اوي بس اخبار السحب معاك ايه بالنسبة للصني ؟؟؟؟؟؟

فيه فرق طبعا لأن الصني كانت مانيوال لكن انا لحد دلوقتي ماخدتش فرصة اجرب سحب الكارينز فى طريق مفتوح وكل حركتي تقريبا لحد دلوقتي داخل المدينة

**aymanbay** · 23-08-2012 05:10 PM

المشاركة الأصلية كتبت بواسطة esam_ayad

ألف مبروك علي الكارينز
بس اللي اعرفه ان تكييفها قوي ,وقريت ان في ناس ركبت ستاره خلفيه علشان التكييف يبقي قوي جدا

المشاركة الأصلية كتبت بواسطة mmbadroo

على فكرة تكييف الكارينز ممتاز وبالرغم من وسع العربية من الداخل بيقوم برضو بالواجب كويس قوى

التكييف بالليل بيكون كويس جدا لكن فى الحر بيختلف وانا باذن الله هانضف الفلتر والسربنتينة لان العربية فعلا كانت مركونة فترة عشان صاحبتها ماكانتش بتعرف تسوق وده واضح من الحكات اللى فيها اغلبها حكات ركن ورصيف فى الاكصدام وجنب العربية من تحت

**aymanbay** · 23-08-2012 05:25 PM

المشاركة الأصلية كتبت بواسطة hossam_elwani

الف مبروك عليك

بس نصيحه روح اكشف على العربيه دى كويس جدا لان حكايه انه اخد الصنى 10000 جنيه وقسط الباقى بدون زياده دى فيها ان .. انا ما باشككش لا سمح الله ولكن الحرص واجب والنهادره محدش بيسمى على حد ...

الله يبارك فيك وشكرا على النصيحة .. انا كشفت على العربية طبعا وهي تمام وأهم الملاحظات عليها كان الاهمال والركنة الطويلة والتراب الناتج عنها ولطش بعض المحتويات (الانتينة بتاع الاريال - جيب النضارة - الكوريك - علامة كيا فى الشبكة الأمامية - كف مراية الجنب)

لكن حالة العربية داخليا ممتازة وخارجيا بها بعض الحكات كما شرحت

**Land_Cruiser** · 23-08-2012 05:28 PM

حاول حضرتك توديها التوكيل يضبط الكام حاجه اللى فيها و ان شاء الله تبقى حاجات بسيطه بس هو حضرتك سألت صاحبها كان عايز يبيع بسرعه كده ليه و خاصه انه كده يعتبر مقسط نصف تمنها بدون فوائد و خاصه ان العربيه كسر زيرو. يستحسن حضرتك توديها التوكيل علشان تطمن و بالمره تضبط العربيه و الف مبروك . بالنسبه للتكييف ان شاء الله تنظيف الفلتر هيضبطه لان ممكن يكون مليان تراب من الركنه مش اكتر و هى عامه تكييفها قوى ما شاء الله