تصدق زعلتنى يا استاذ محمد انك صرفت نظر عن القاشقاى
على فكرة الفرق بين التيجوان والقاشقاى فى الكنبة الخلفية مش كبير اوى
وفيما يلى ابعاد القاشقاى
طول 4332 ملليمتر
عرض 1783 ملليمتر
ارتفاع 1615 ملليمتر
طول قاعدة العجلات 2630 ملليمتر
الخلوص الارضى 188 ملليمتر
الوزن فارغة 1310 كجم
الوزن بكامل الحمولة 1830 كجم
حجم الشنطة 410/1513 لتر
وأدى الابعاد للتيجوان
طول 4427 ملليمتر
عرض 1809 ملليمتر
ارتفاع 1683 ملليمتر
طول قاعدة العجلات 2604 ملليمتر
الخلوص الارضى 200 ملليمتر
الوزن فارغة 1551 كجم
الوزن بكامل الحمولة 2080 كجم
حجم الشنطة 470/1510 لتر
ورغم ان التيجوان اطول واعرض من القاشقاى .. الا ان قاعدة عجلات القاشقاى اطول ب26 ملليمتر من المؤكد انها كلها لصالح مقصورة الركاب
كما ان القاشقاى اخف وزنا مع محرك 1600 سى سى فى حين التيجوان اثقل مع محرك 1400 تربو
والتيجوان اعلى عن الارض من القاشقاى
وايضا حجم الشنطة واحد تقريبا مع او بدون طى الكنبة الخلفية
ولا تنسى ان توكيل نيسان يكسب فولكس فاجن بمراحل فى مصر
من المؤكد ان التيجوان هاتنزل TSI وليس TDI .. لأن الاول تربو بنزين والثانى تربو ديزل وبينزل فقط مع محرك سعة 2 لتر وليس 1400 سى سى وبيكون فى اوروبا فقط وتحديدا بانجلترا
وعلى فكرة اى عربية تربو فى مصر فاشلة وعمرها قصير عشان نوعية البنزين اللى كلنا عارفينها
ده غير فرق السعر بين الاتنين اللى ممكن يجيبلك عربية تانية صغيرة جنب القاشقاى
وفى الاول والاخر .. ربنا يوفقك لما فيه الخير لك وللاسرة الكريمة
المفضلات