غطاء الزيت

**abou-yahia** · 02-09-2012 11:28 AM

نصيحه

اللي يحصله موضوع الكولر ده لازم يفك الرادياتير ويغسله كويس اوي

ويغسل الدوره كذا مره

عشان الزيت اللي دخل الدوره بياثر علي كفائتها

وبيخلي الوصلات تنشف

وشكرا

**EngAhmedSayed** · 02-09-2012 03:47 PM

موضوع وش السليندر ده مفيوش مشكله
بس القصة الاول و ده اهم حاجة اعرف اية قلى خلاى الموتور يجيب جوان ده لازم احل المشكله الاول و بعدين اغير الجوان كده تمام
حليت المشكله غير بقى الجوان و ايه قلى بيتعمل بعد تغيير الجوان

اية قلى بيحصل لما جوان وش السليندر بيضرب المياة بتدخل على الزيت والزيت بيدخل على المياة يبقى هنا لازم هنظف الدورتين دورةالتزييت ودورة التبريد
الاول دورة التبريد هى قبل التزييت طبعا هتفرغ المياة الموجودة كلها وتحط مياة بيضا وتغسل القربة كويس والرداتير كويس وتفك الخراطيم كلها وتغسلها كويس وتركب الوصلات والقربة بس متركبش خرطوم الراجع على القربة لانى لسة فى وسخةجوة الموتور عاوزين نطلعها نقف بقى هنا
دورة التزييت سياتك هتفضى الزيت القديم وتسيبو يفضى براحتة وتجيب جركن زيت لانى هنستخدمة غسيل للموتور من جوة وسياتك ترمى بتاع كيلو زيت وانتا فكك الطبة هتاخد الواسخة وتنزل بعد ماتصفى خالص اقفل الطبة وحط 3 كيلو تمام كدة هدور سياتك على السلانسية مدوس على البنزين احنا عاوزين على السلانسية
نرجع بقى لدورةالتبريد وهو الموتور شغال على السلانسية زود مياة فى القربة هتطرد الزيت والمياة الوحشةبرة الموتور متركبش الخرطوم فى القربة قلى لما تلاقى المياة بيضا زى الفل من غير رواسب
ركب الراجع بتاع القربة و سيب العربية على السلانسية بردك بتاع نص ساعة علشان الزيت يقلب جوة ويسخن مع حرارةالموتور واى رواسب يدخلها على الفلتر و يحل اى حاجةمعاه من رواسب
تمام تفك على طول الطبة وتسيبه تصفى براحتة خالص وتفك الفلتر الزيت كمان متنساش وتكون محضر الزيت قلى سياتك بتستخدمة والفلتر الجديد متنساش تبطل الموتور قبل ماتفك الطبة الزيت
تمام حطيت الزيت ركبةالفلتر الجديد عاوزالمياةالبيضا زىماهى ولة هتحط مياة خضرا انا افضل المياة الخضرا يبقى تستنى لماالموتور يبرد خالص وفاضى القربة من المياة خالص وفك خرطوم الراجع نزل المياة البيضا و حط المياة الخضرا بس متنساش تيبقى تسحب الهوا وتغيير البوجيهات لانى اكيد طالها زيت ومياة

و متنساش الميكانيكى يعيد على وش السليندر اعادة رباط و يكون بنظام رباط صلايب ميخدش كل مسمار بالدور لالالالا يربط المسامير بنظام رباط صلايب

يارب اكون قدرت افيدك

**forti** · 03-09-2012 04:03 AM

المشاركة الأصلية كتبت بواسطة engahmedsayed

موضوع وش السليندر ده مفيوش مشكله
بس القصة الاول و ده اهم حاجة اعرف اية قلى خلاى الموتور يجيب جوان ده لازم احل المشكله الاول و بعدين اغير الجوان كده تمام
حليت المشكله غير بقى الجوان و ايه قلى بيتعمل بعد تغيير الجوان

اية قلى بيحصل لما جوان وش السليندر بيضرب المياة بتدخل على الزيت والزيت بيدخل على المياة يبقى هنا لازم هنظف الدورتين دورةالتزييت ودورة التبريد
الاول دورة التبريد هى قبل التزييت طبعا هتفرغ المياة الموجودة كلها وتحط مياة بيضا وتغسل القربة كويس والرداتير كويس وتفك الخراطيم كلها وتغسلها كويس وتركب الوصلات والقربة بس متركبش خرطوم الراجع على القربة لانى لسة فى وسخةجوة الموتور عاوزين نطلعها نقف بقى هنا
دورة التزييت سياتك هتفضى الزيت القديم وتسيبو يفضى براحتة وتجيب جركن زيت لانى هنستخدمة غسيل للموتور من جوة وسياتك ترمى بتاع كيلو زيت وانتا فكك الطبة هتاخد الواسخة وتنزل بعد ماتصفى خالص اقفل الطبة وحط 3 كيلو تمام كدة هدور سياتك على السلانسية مدوس على البنزين احنا عاوزين على السلانسية
نرجع بقى لدورةالتبريد وهو الموتور شغال على السلانسية زود مياة فى القربة هتطرد الزيت والمياة الوحشةبرة الموتور متركبش الخرطوم فى القربة قلى لما تلاقى المياة بيضا زى الفل من غير رواسب
ركب الراجع بتاع القربة و سيب العربية على السلانسية بردك بتاع نص ساعة علشان الزيت يقلب جوة ويسخن مع حرارةالموتور واى رواسب يدخلها على الفلتر و يحل اى حاجةمعاه من رواسب
تمام تفك على طول الطبة وتسيبه تصفى براحتة خالص وتفك الفلتر الزيت كمان متنساش وتكون محضر الزيت قلى سياتك بتستخدمة والفلتر الجديد متنساش تبطل الموتور قبل ماتفك الطبة الزيت
تمام حطيت الزيت ركبةالفلتر الجديد عاوزالمياةالبيضا زىماهى ولة هتحط مياة خضرا انا افضل المياة الخضرا يبقى تستنى لماالموتور يبرد خالص وفاضى القربة من المياة خالص وفك خرطوم الراجع نزل المياة البيضا و حط المياة الخضرا بس متنساش تيبقى تسحب الهوا وتغيير البوجيهات لانى اكيد طالها زيت ومياة

و متنساش الميكانيكى يعيد على وش السليندر اعادة رباط و يكون بنظام رباط صلايب ميخدش كل مسمار بالدور لالالالا يربط المسامير بنظام رباط صلايب

يارب اكون قدرت افيدك

كلام حضرتك تمام جداااا .. و ان شاء الله هنفذه كله

المهم عندى دلوقتى فعلا ليه الجوان تالت مره يضرب ؟!

السبب ممكن يكون ايه .. انا اكمن مش فاهم ازاى الميه بتدخل تبرد الموتور عشان كده مش عارف ازاى الميه بتدخل على الزيت و الوش بيبووظ فياريت لو حضرتك تفهمنى و يكون فى موضوع سابق .. و يا ترى ايه ممكن الاسباب الى تخلى الوش يضرب

و فعلا البوجيهات ساعات العربية بتتلت عشان بيطول ميه او زيت

**أحمد جودة** · 22-09-2012 10:44 AM

المشاركة الأصلية كتبت بواسطة sakr1964

شوف ياعزيزى انا حقلك على الحل السحرى انتا تشترى عبوة (بلوك سيل) ودى تلاقيها فى محطة التعاون او توتال او غيرهم وسعرها 35 جنيه تحطها فى قربةالمياه صباحا وادور العربية واليك الطريقة والشرح *

- تفتح الكبوت وتقول بسم الله
2- العربية لازم تكون باردة خالص، يعني تكون راكنها من بليل مثلا والتجربة في الصباح
3- تحضر جنبك شوية حاجات عشان متتلبخش زي جركن مياه أو اتنين، ومفك عشان تفك خرطوم الردياتير وتربط، وعلبة المادة،
(((( قبل ماتدور العربية)))
4- تيجي على قربة المياه بتاعت الردياتير تلاقي تحتها خرطوم تخين نازل منها متجه للردياتير تفكه خالص وتنزله لتحت لغاية ما تفضي المياه.
5- تركبه مرة تانية بإحكام
6- ترج علبة المادة رجا جيدا....
7- تفتحها وتفضي المادة كلها في قربة الردياتير وتدور العربية وخلال 3 ثواني تكون واقف جنب القربة وبتفض الجركن اللي معاك في القربة
8- هتلاقي طبعا المادة اتسحبت مع المياه للردياتير.. وإياك متفضيش الردياتير الأول لأنك لو معملتش كدة هتفض المادة في القربة ومش هتخش قي الردياتير ومش هتدور في الموتور ونعجن وتنشف وهتدوخك.
9- بعد إضافة المياه للمنسوب الطبيعي (( متملاش القربة على اآخر)) وده الطبيعي.
10- سيب الغطاء مفتوح والعربية دايرة على السلانسية لمدة 5-10 دقائق حسب حالة الجو مع متابعة مؤشر الحرارة لأن لازم العربية تسخن كويس والمادة عملة تدور مع دورة التبريد.
11- إغلق غطاء القربة جيدا بعد التأكد من منسوب المياه مظبوط وإن مفيش هواء في الدورة
12- بالنسبة لي مغيرتش ولا فضيت المياه اللي فيها المادة لغاية اللحظة دي، بس العبوة مكتوب عليها إنك تفضي المياه وتحط مياه جديدة، وبالنسبالي الموضوع مفيهوش مشاكل لأن الموضوع ده عملته قبل كدة في عربية إلانترا وسيبنا المياه برضه عادي.
13- إتحرك عادي بعربيتك مع ملاحظة الحرارة، وتاني يوم تكشف على مياه القربة وشوف المشاكل السابقة انتهت أم لا!!!
وربنا يوفقك وأنا تحت أمرك

الموضع حيغنيك عن تغيير جوان وش السلندر وتنساه تماما ....

اشكرك أخي العزيز على الشرح الوافي وانا قررت أعمل الموضوع دة إنشاء الله فى أقرب وقت

بس عندي سؤال أفك الخرطوم التخين الواصل بين القربة والردياتير من الردياتير نفسه ولا من القربة
وأتأكد زاي أن دايرة التبريد مفيهاش هواء وتقريباً دائرة التبريد والقربة بتاخد كام لتر مياة بالظبط

ملحوظة أنا قررت أعمل كدة بعد ظهور تنقيط مياة من الشكمان ودخنة بيضاء عبارة عن بخار مياة وعندي نقص مستمر بقربة المياة بنسبة صغيرة يعني كل 3 أو 4 أيام أقل من لتر مياة

بس عندي الزيت مفيهوش طحينة وسحب العربية كويس ومفيش حرارة زايدة إطلاقاً
ياتري تنصحني أعمل الفكرة دي
واشكرك على مجهودك معانا

**sakr_skoda** · 22-09-2012 12:24 PM

المشاركة الأصلية كتبت بواسطة eng_gouda2000

اشكرك أخي العزيز على الشرح الوافي وانا قررت أعمل الموضوع دة إنشاء الله فى أقرب وقت

بس عندي سؤال أفك الخرطوم التخين الواصل بين القربة والردياتير من الردياتير نفسه ولا من القربة
وأتأكد زاي أن دايرة التبريد مفيهاش هواء وتقريباً دائرة التبريد والقربة بتاخد كام لتر مياة بالظبط

ملحوظة أنا قررت أعمل كدة بعد ظهور تنقيط مياة من الشكمان ودخنة بيضاء عبارة عن بخار مياة وعندي نقص مستمر بقربة المياة بنسبة صغيرة يعني كل 3 أو 4 أيام أقل من لتر مياة

بس عندي الزيت مفيهوش طحينة وسحب العربية كويس ومفيش حرارة زايدة إطلاقاً
ياتري تنصحني أعمل الفكرة دي
واشكرك على مجهودك معانا

شوف ياعزيزى موضوع البلوك سيل دا ان لم لينفع فلن يضر اطلاقا فتوكل على الله وفك الخرطوم الغليظ اللى نازل من القربه الى الريداتير طبعا تفكه من الريداتير علشان الريداتير يفضى كمان لأن الخرطوم فى الريداتير من اسفل اما عن موضوع سحب الهوا دا موضوع تانى خالص ومتهيئلى انى شرحتهولك قبل طده بالتفصيل ولو عاوز اى خدمة تانيه انا فى الخدمة....