سؤال هام عن لمبه الزيت للإيبزاويه

**Mstfun** · 26-08-2012 04:47 AM

المشاركة الأصلية كتبت بواسطة syd

يا باشا كشف الكمبيوتر بيقرا المعلومات او القرايات بتاعة الحساسات
مالوش اي علاقة بالضفيرة نفسها
الكمبيوتر بيتشك علي كل الحساسات ولو في حساس قاري ايرور بيقولوا رقم الأيرور واسمه
دي كل وظيفة الكمبيوتر
ولو في حاجة مالهاش حساس مش هيقدر يعرفها من الكمبيوتر وهيبقي عيبها بلدي
مثال
لو فرضنا ان الردياتير مخروم - اكيد مش هيظهر في الكشف بالكمبيوتر ودة هيتعرف بالطرق البلدي التقليدية بتاعة بتوع الردياتيرات

تحياتي

انت فهمتني غلط يا بو السيد

انا اقصد كمبيوتر السياره وليست الاعطال

انا لما بفتح كونتاك كل اللمض بتور ف الطابلوه وبعدين تطفي الا لمبه فرامل اليد والبطاريه بتروح لما ادور وانزل فرامل اليد

**SYD** · 26-08-2012 05:23 AM

المشاركة الأصلية كتبت بواسطة Mstfun

انت فهمتني غلط يا بو السيد

انا اقصد كمبيوتر السياره وليست الاعطال

انا لما بفتح كونتاك كل اللمض بتور ف الطابلوه وبعدين تطفي الا لمبه فرامل اليد والبطاريه بتروح لما ادور وانزل فرامل اليد

يا باشا انا قايل لحضرتك قبل كدة ان دة امر مش طبيعي
ليه حضرتك مش مقتنع ؟؟؟؟؟
لو حضرتك فضلت فاتح كونتاكت 24 ساعة هتفضل لمبتين البطارية والزيت منورين
واول لما تدور العربية الأتنين بيطفوا
ولو في اي خلل سواء في الدينمو او الزيت بترجع تاني تنور كل واحدة حسب تخصصها
الدينمو لمشاكل الدينمو والسير
والزيت لمشاكل الطرمبة ونقص الزيت

ماينفعش واحدة فيهم تطفي قبل الدوارة
والكلام دة في اي عربية من قديم الأزل ماهواش اختراع فولكساوي جديد ولا حاجة

وحضرتك لما اتناقشنا قولنا انه اما عيب في الضفيرة او ساعة الزيت
حضرتك نفيت انها الساعة يبقي فاضل انك تشيك علي الضفيرة وفيشها

شوف كدة ولو في اي جديد احنا هنا معاك وهنتابع معاك اي مشكلة

وعايز اقول لحضرتك علي حاجة
كمبيوتر العربية ماهواش diagnoser او مشخص اعطال (دة طبعا نازل في عربيات تانية اكثر تقدماً من ابيزا 2000)
الكمبيوتر اللي عندنا ماهو الا control - لا اكثر - بيعتمد في شغله علي قرايات الحساسات المنتشرة في الموتور وبيحللها وبيعمل منها علاقات وحسابات معقدة جدا عشان بردو وظيفة واحدة بس - الا وهي انه يقوم بحساب كمية الوقود اللازمة للمحرك
يعني مش كمبيوتر زي ما اكثر الناس متخيلة انه بيعمل كل كبيرة وصغيرة في العربية
الكنترول يونت عندنا وظيفتها حساب القدر المناسب من الوقود - يعني كل ماهو حساسات في المحرك بتتكامل مع بعضها عشان تدي بيانات للكنترول يقوم يعمل حسبته ويخلي الرشاش يرش قدر معين من البنزين لا اكثر ولا اقل وبكدة يوفر كل نقطة بنزين
وطبعا بناء علي كدة ربطوا بعض الأشياء بهذا الكنترول زي الأيموبلايزر والتكييف
لكن طبعا ماعندناش كمبيوتر معقد زي بتاع الجيتا 2012 والباسات والعربيات دي اللي بجد الكمبيوتر مسؤول عن كل حاجة في العربية من اول الباور لحد اللمبات والمساحات

تحياتي
واتمني تكون الفكرة وصلت لحضرتك

**SYD** · 26-08-2012 05:40 AM

حاجة كمان حابب اضيفها علي ما سبق وبردو بتؤكد كلامي
اي مشكلة في اي حساس من حساسات الموتور بتكون من اشهر الدلائل عليها هي زيادة الأستهلاك
وعليه تقدر تقول حاجة تانية
طول ما استهلاك العربية مظبوط اعرف ان مفيش اي خلل في معظم اجزاء المحرك وحساساته وان عربيتك زي الفل

يعني مثلا الكهربائي بيقولك ان حساس الشكمان بايظ
هل شعرت بارتفاع درجة حرارة المحرك او زاد الأستهلاك ؟؟؟؟

**SYD** · 26-08-2012 07:14 AM

طب كدة يبقي مش فاضل غير انك تشيك علي الضفيرة والفيش بتاعتها
وان شاء الله تطلع المشكلة منها
واعتقد انت لو روحت لأي كهربائي وقولتله انا عايز اعرف الترملة بتاعة ساعة الزيت شغالة ولا لاء هيقدر بسهولة يختبرها بمفك تيست ويقولك الدنيا فيها ايه
وساعتها يبقي انت كدة عرفت فين مشكلتك وساعتها هتشوف حد بتاع استيراد تجيب منه ضفيرة كاملة او لو الكهربائي قدر يوصلك السلك البايظ دة صح ويشغلهولك يبقي كدة مشكلتك اتحلت ان شاء الله

شوف كدة وقولنا

**ehab_mansour** · 26-08-2012 11:08 AM

السلام عليكم

عربيتي السابقة ابيزا 98 كانت لمبة الزيت لما تفتح الكونتاكت تفضل منورة لحد ما تدور العربية تقوم تطفي

عربيتي الحالية كوردوبا 2002 لمبة الزيت اول لما تفتح الكونتاكت بتنور للحظات و بعدين تطفي من غير ما تدور

الاتنين فبريكة بدون اي لعب في اي شيء و لاتوجد اي مشاكل لا في السابقة و لا الحالية

الفرق ان ده موديل بكنترول و حساسات و ده موديل تاني خالص و التكنولوجيا مختلفة

ده ببساطة كل الحوار اللي بتتكلمو فيه كل واحد بيتكلم عن موديل مختلف غير التاني ولا ده عنده مشكلة ولا ده برده

حابب فقط يا هندسة اوضح شيء بسيط ان اهم وظيفة للكنترول الخاص بمحرك السيارة مش حساب كمية البنزين و لكن هو حساب النسبة بين كمية البنزين و الهواء الداخل للسيارة للحصول علي افضل حريق و بالتالي افضل كفاءة للمحرك بأقل نسبة بنزين مع نسبة هواء بالاضافة الي تناسب دخول خليط الهواء و البنزين الي البستم مع وقت حدوث الشرارة

يعني بيستخدم قراءات كل الحساسات حول المحرك ليخرج ثلاث اشارات مهمة جدا و هي
1- فتح رشاش البنزين امتا و لوقت قد ايه لتحديد نسبة البنزين
2- فتح نسبة معينة من البوابة لتحديد نسبة الهواء و بالتالي تكوين خليط البنزين و الهواء
3- لحظة اشعال الشرارة المسئولة عن حرق هذا الخليط

و بالتوفيق للجميع

**SYD** · 27-08-2012 02:06 AM

شوفت يا عم
اهو طلع ماعندكش مشكلة وكنت بس تاعب قلبك علي مفيش
ولو تفتكر لما سألتك انت حاسس بنقص زيت او شئ غير طبيعي وقولتلي لا
انصحك سقط مكنة 99 بكنترولها - عشان اللمبة تفضل منورة - او وصلها دريك علي البطارية هتفضل منورة حتي لو بطلت العربية وشيلت المفتاح
او اسرع الحلول
افتح كونتاكت ودور علي طوول وماتستناش عليها لما تطفي

**SYD** · 27-08-2012 02:11 AM

المشاركة الأصلية كتبت بواسطة ehab_mansour

حابب فقط يا هندسة اوضح شيء بسيط ان اهم وظيفة للكنترول الخاص بمحرك السيارة مش حساب كمية البنزين و لكن هو حساب النسبة بين كمية البنزين و الهواء الداخل للسيارة للحصول علي افضل حريق و بالتالي افضل كفاءة للمحرك بأقل نسبة بنزين مع نسبة هواء بالاضافة الي تناسب دخول خليط الهواء و البنزين الي البستم مع وقت حدوث الشرارة

يعني بيستخدم قراءات كل الحساسات حول المحرك ليخرج ثلاث اشارات مهمة جدا و هي
1- فتح رشاش البنزين امتا و لوقت قد ايه لتحديد نسبة البنزين
2- فتح نسبة معينة من البوابة لتحديد نسبة الهواء و بالتالي تكوين خليط البنزين و الهواء
3- لحظة اشعال الشرارة المسئولة عن حرق هذا الخليط

و بالتوفيق للجميع

الله ينور عليك يا بشمهندس
اهو دة الكلام

انت عارف يا بشمهندس اني بجيب من الأخر وبقول المفيد علي طول بس انا عارف ان الكنترول مسؤول عن فتح البوابة بدليل اني قولتله ان التكييف داخل علي الكنترول ولولا دخوله ماكنش الكنترول هيفتح البوابة زيادة شوية عند تشغيل التكييف عشان يعلي الموتور ويعوض فرق حمل التكييف

المشاركة الأصلية كتبت بواسطة syd

وطبعا بناء علي كدة ربطوا بعض الأشياء بهذا الكنترول زي الأيموبلايزر والتكييف

الموضوع: سؤال هام عن لمبه الزيت للإيبزاويه

LinkBack

أدوات الموضوع

عرض

-

-

-

-

-

-

المواضيع المتشابهه

لمبه الزيت

لمبه الزيت

لمبه الزيت

لمبه الزيت

سؤال بسيط بخصوص لمبه الزيت

الكلمات الدلالية لهذا الموضوع

المفضلات

المفضلات

ضوابط المشاركة