الموضوع: غيرت زيت فتيس الياريس والموتور بنفسى

المشاركة الأصلية كتبت بواسطة ahmod

الف شكر ليك يا باشمهندس عاصم واحنا مستنين الصور !!

بس انا مش معاك في نقطة تغيير زيت الفتيس

هو عموما الكلام كتير في النقطة دي والواحد ماكنش عارف الصح فين !! اللى بيقول نغيره عند 60 الاف واللى بيقول نغيره عند 80 الاف واللى نقول تغيره عند 40 الاف !!

قمت فاتح الكتالوج بتاع العربية وقلت اشوف

دي صورة من كتالوج العربية



زي مانت شايف !! اللى بيكون مكتوب جمبه س عند كم معين معناه لازم يتغير !! اما ك ده معناه مجرد تفحص

+

في الصفحة اللى بعدها الكتالوج بيوصي بعدم تغيير زيت الفتيس تحت ظروف القيادة العادية

+

لو مسكت مقياس زيت الفتيس اللى موجود في حجرة الماتور في العربية هتلاقي مكتوب عليه التالي

no need to change or replace the fluid transmission under normal driving conditions

اللى فهمته وبإختصار طول مالواحد سواقته عادية مش محتاج يغير زيت الفتيس خصوصا الاتوماتيك !! يعني من الاخر كدة الزيت اللى نازل في العربية life long وقصة انه يفقد خواصه دي لو فعلا موجودة كانت اتذكرت في الكتالوج !!! ده كاتبين في الكتالوج وكمان على مقياس الزيت في حجرة المحرك !! الزيت مش محتاج يتغير

بعكس زيت الفرامل اللى كل الناس بتقول انه مش بيفقد خواصه الا ان الكتالوج بيوصي وبشدة تغييره كل 40 الاف كم

--------

كمان مكتوب في الكتالوج بالتحديد في صفحة 232 !!

محددلك امتى تبقى محتاج تغير زيت الفتيس

اللى مكتوب كالتالي

1- لو بتستخدم العربية في حالة : قطر مقطورة / استخدام عربية رحلات او حاملة سقفية

2- القيادة المستمرة بسرعة عالية (80% او اكثر من السرعة القصوى للسيارة ) يعني الناس اللى بتعدي ال 140 بشكل مستمر

طيب الحالتين دول يغيرو زيت الفتيس امتى !! ؟؟

مكتوب تفحص !! عند 40 الاف وتغير عند 80 الف !! ومش جايبين سيرة عن فلتر زيت الفتيس نهائيا !!

وبالنسبة للمانويل يغير كل 40 الاف كم !!

اعتقد بعد كلام الكتالوج اللى يغير زيت الفتيس الاتوماتيك قبل 80 الاف كم هيبقى بيصرف فلوس على الفاضي !! الواحد ممكن يبقى يغيره من باب الاحتياط ليس الا لكن حرام ينزله على كم قليل

انا نزلته على 40 الاف كم وبصراحة مش حاسس باي فرق يذكر

بالنسبالك بتقول الكلام دا بقلب جامد علشان المانيوال تغيير الزيت فيه شبه معدوم ومش بيتغير طول عمر العربيه
انما فى الاوتوماتيك عايز اقولك ان فى رايش كتير بيتكون ولما هرفع الصور هوريك فى الطبه الى تحت ان فيها 2 مغناطيس مجمعين كتل رايش تخيل لو الرايش دا دخل فى الاوتوماتيك هيسد البلوف وساعتها هتلاقيها بتنتش منك فى النقلات والى هتوفره هتدفعه تغيير فتيس كامل لان الاوتو عمره ما بيتصلح ....

المشاركة الأصلية كتبت بواسطة ahmed_fahmy

مجهود كبير وفى انتظار الصور بس زيت الفتيس بيتغير من ٦٠ ل٨٠ حسب الاستخدام لكن ٤٠ دى مده قليله جداً

لون الزيت احمر شربات ولو اتغير لونه للون النبيتى او البنى يتم تغييره فورا ودا انتا بتشوفه فى المقياس وغير كدا الوقايه خيرا من العلاج لان الفتيس لو الزيت اتحرق او الرايش فيه بقى كتير ممكن يسد البلوف وساعتها هتغير فتيس كامل ....

المشاركة الأصلية كتبت بواسطة y a r i s

واللهِ برافوا عليك يا باشمهندس عاصم. بس ياريت يا غالي لمن تنزل الصور تحط عليها علامة مائية باسمك لاني كل ما اروح منتدى هنا ولا هنا ابص الاقيهم منزلين موضوعك وسارقين مواضيعك
تيبكل بالصور ..... وبجميع التفاصيل ..... وبالذات موضوع عزل اليارس

ده حتى تويوتا فور عرب. الي ولدوا جابلوا كاسيت من السعودية واتثبت الموضوع فوق
واحد جه خد الموضوع من عندنا هنا بالصور بتاعتوا من نايل موترز وحطو بعنوان اجمل كاسيت للكورولا ههههههههه في منتدى اخر لا ومجمع جميع اسئلت الاعضاء هنا ومختصر وكاتب جميع الاجبات بتاعت تيوتا فور عرب علشان محدش يسئلوا ومن غير كملة منقول حتى
وفي انتظار موضوعك يا غالي ههههههه ويمكن جميع منتديات تويوتا. مستنية موضوعك ههههههه

انا بقى مش عايز اقولك ان كل موضوع انزله بالصور يحصلى حاجه بعدها زى ماتقول ان الناس بتحسد ولا ايه والله عدت خايف اوى انزل اى حاجه علشان مااتحسدش محدش بيقول بسم الله ماشاء الله فى سرررررره او يدعى ....

بس يلا علشان بس ما عملتش مواضيع من زمان علشان المنتدى ماكنش يشجع على كدا قولت اعمل بقى بمناسبه تويوتا تيم وكدا ...

مجهود رائع فعلا
مبروك ..