استطلاع راى نايل موتورز .. تـؤيد ام تعارض :: هذا السـعر " لنيـسان ميـكرا " فى مـصر

**saint2011** · 06-09-2012 02:06 AM

المشاركة الأصلية كتبت بواسطة mody3on

+11111111111
البراند في العربيات الصغيرة مبتفرقش كتير

كلام 100% العميل بيدور يركب عربيه فى حدود أمكانياته المحدودة والفيصل هنا ثمن العربية :b4_611:

**ehab78** · 06-09-2012 02:30 AM

انا شايف فعلا انها لا تزيد عن 60 الف مانوال و65 الف اوتو
طبعا مع الاحتفاظ بوسائل الامان اللي معودانا عليها نيسان ومش متخيلين اي عربية عليها علامة نيسان بدونها
في رأيي كده هتاكل جزء كبير من السوق ويمكن اكبر من الفئة بتاعتها
مجرد رأي

**Land_Cruiser** · 06-09-2012 02:51 AM

هى من العوامل اللى ممكن تساعد على انتشارها بغض النظر عن حكايه السعر موضوع زياده سعر البنزين لان ده هيخللى الاقبال على السيارات الصغيره كبير و خاصه ان استهلاكها للبنزين قليل و فيها تكييف و اتوماتيك ووزنها خفيف فممكن تجرى و كمان ممكن تتركن فى اى مساحه فهتبقى مناسبه لكل حاجه ما عدا السفر علشان مساحات التخزين و عدد الافراد اللى هيسافروا فلو ظبطوا السعر و استخدموا خامات جيده ممكن ياخدوا بيها شريحه كبيره من السوق ده اللى هو مش قليل

**Youssef.Awad** · 06-09-2012 03:31 AM

اولا: فكرة هايلة منك يا احمد انك تورط نيسان مصر بالموضوع ده وتفتح عينيهم على طراز يستهدف فئة جديدة لنيسان فى السوق المصرى وآراء أعضاء بحجم وثقل منتدى نايل موتورز وملاحظات هامة وشروط كمان اما ان تضيف او تنتقص من عوائد هذا القرار اذا دخل فى حيز التنفيذ.

ثانيا: طبعا الفكرة دى من رأيى مش هايتم البدء فيها - اذا تم اتخاذ القرار بعد دراسة السوق - الا قبل سنة من الان والله اعلم وقتها الشكل الحالى هايكون موجود ولا هايتغير وذلك بعد التخلص من قوائم الانتظار الطويلة للصنى الشكل الجديد والبت فى استكمال او توقف انتاج جزء او كل فئات الصنى القديمة بالاضافة الى بدء العمل بالتوسعات التى اعلنت قبل ايام بعد مقابلة نائب رئيس نيسان مع رئيس الوزراء المصرى .

ثالثا: احب انوه ان طرح اى طراز جديد لأى صانع سواء مجمع محليا او مستورد يستلزم دراسة للسوق والفئة المستهدفة وحجم مبيعاتها وحجم الارباح العائدة منها وتماشيا مع توجهات كافة الاسواق العالمية نرى ان فئة السيارات المينى فى نمو متزايد وعليها اقبال كبير خاصة من فئة الشباب والسيدات لقضاء حوائج بيوتهم .. وتميز نيسان فى هذه الفئة يتلخص فى عوامل الامان سواء الايجابية (فرامل abs+ebd+ba او ثبات واتزان السيارة) او السلبية (الهيكل الاحادى المدعم والمشترك مع موديلات رينو من نفس الفئة والتى حازت جميعها على 5 نجوم فى اختبارات السلامة الاوروبية أو الوسائد الهوائية للسائق والراكب الامامى) ثم بعد ذلك اسعار قطع الغيار وعمرها الافتراضى وتوافرها دون معوقات واسعار الصيانات .

رابعا: تسعير العربية .. وده اختلف عليه البعض واتفق عليه البعض الاخر بخصوص الاسعار التى تنبأ بيها احمد كلٍ حسب وجهة نظره ..
ورأيى ان المانيوال تتراوح بين 65-70 الف ج ..
والاتوماتيك تتراوح بين 75-80 الف ج ..
ولا ننسى اسعار سيارات هذه الفئة فى مصر كلها تدور فى رينج ال75 الف ج منها من اختفى فى ظروف غامضة زى فيات بونتو كلاسيك - مازدا2
ومنها من يحتكر السوق زى كيا بيكانتو (من 75-97 الف ج ) !!!!
شيفروليه سبارك (من 62-77 الف ج)
هيونداى i10 (من69-81 الف ج)

**zambarota** · 06-09-2012 01:39 PM

طبعا الموضوع مفيد جدا

لكن فى حاجه انا عايز اوضحها ان حتى لو العربيه بتنافس البيكانتو او i10 او سبارك

ان لازم نعرف ان احنا برده بنرجع نقارن عربيه كوري بعربيه يابانى

ودا لازم يؤخد فى الاعتبار ايضا ان رينج الاسعار متقارب

وكمان لو نيسان نزلت عوامل امان واهتمت شويه بالخامات الداخليه للسياره

العربيه هاتعتبر فى الغالب حريمى او شبابى شويه زي باقى العربيات الى فى نفس فئتها

وطبعا اهتمام صناع العربيه لازم يكون فى متناول زوق الحريمى اول

ا

**togo** · 06-09-2012 07:46 PM

المشاركة الأصلية كتبت بواسطة mody3on

ملهاش لازمة الا لو نزلت ب abs و2 ايرباج و ebd
غير كدة مش هتنافس البيكانتو والسبارك وال i10

هي دي اللي هتعلي العربيه اووووي وتتجمه محلي واخرها في الاوتو 80 تبقى كده تمام التمام وهتنافس

**د. علاء ابراهيم** · 07-09-2012 05:16 AM

اؤيد بشدة
و اعتقد لو اتجمعت فى مصر السعر حيكون افضل من كده كمان
يعنى العقد المانوال سعرها حيكون 70 او 75
اما الاوتو بالكتير 85 (و جايز اقل)
و اعتقد حتجد رواج كبير حيث ان نيسان لم يسبق لها النزول باحد موديلاتها فى هذه الفئة فى مصر
ف حتكون منافس شرس ل بيكانتو و سيريون و ماروتى و اى 10 ( لثقتى فى نيسان اعتقد ان الميكرا هتكون اكثر اعتمادية و بعوامل امان اكثر)
و الاهم من كده ان فى المستقبل جايز اعوز سيارة صغيرة كمان و كنت متضايق انى ساعتها لو اشتريت هكون مجبر اشترى حاجة غير نيسان ( و ساعتها هكون حاسس انى دفعت فلوس مش فى مكانها)

**abono** · 07-09-2012 07:39 AM

السلام عليكم:

أولا: بعد متابعة 4 صفحات من المشاركات وجدت إن متوسط أراء الأعضاء أكتر ما بين 60-80 و لسة مافيش إستقرار على سعر محدد فذهب البعض الى براند نيسان فى تقيمه و ذهب الأخرى الى المنافسين من نفس الفئة و طبعا البعض ذكر 3 سلندر و abs و بعض الأوبشن الى أخره.

ثانيا: بعض المشاركات التى كان فيها رأى جميل أوى هو إن نيسان مصر حاليا مشغولة بتسليم و تجربة السوق و المستهلك بالنسبة الى الصنى الجديدة فأكيد فكرة نزول سيارة نيسان فى الوقت الحالى مش موجودة و على الأقل قبل سنة.

ثالثا: الكلام كله عن العربية سمك فى مية على حسب علمى ان العربية دى لسة موديل جديد من نيسان مش زى الصنى مثلا فى منها أجيال نقدر نقارنها ببعض علما إن فى عضو ذكر إن فى منها فالأمارات 1500 ماشية هناك حليا فلو تكرم و عنده أى أخبار أو تجارب أى أصدقاء عنها هناك ياريت ما يبخلش علينا بيها.

أخيرا و ده رأى المتواضع إن فى 2013 أول معرض مثل اوتوماك أو الأهرام شركة نيسان إيجبت (اللى ماكنش لها حضور أخر معرض) تنزل العربية دى فالناس تقدر تشوفها على الطبيعة و تقعد جواها و تقرر من حيث الشكل الخارجى و الداخلى على الطبيعة زائد أن أحمد مصطفى لازم بدرو بعد المعرض يجربها و ينزل تقرير عنها (إذا كان ممكن) زى الصنى كدة، قبل كده تقييمى انها تتجمع و لأ سعرها كام بالظبط مش حيكون صحيح.

وشكراً

**assem_sayed** · 08-09-2012 08:53 PM

انا طبعا مع التجميع المصري .... بس السعار دي عاليه و مش تنافسيه خالص مثلما تعودنا من نيسان مصر حيث ان الموديلات الشبيهه ارخص و تجمع و تصنع خارج مصر مثل السيزوكي سيلاريو ١٠٠٠ ٢ ايرباج abs ebd و عربيه كويسه جدا في فئتها و السعر ٦٥ للمانيوال و ٧٠ او ٧٣ للاتو فا بالاحري عن تجميع السياره بمصر و بامكانيات ( اظن انها اقل) ان يصبح سعرها مقارب للاسعار دي و شكراا