الموضوع: استطلاع راى نايل موتورز .. تـؤيد ام تعارض :: هذا السـعر " لنيـسان ميـكرا " فى مـصر

المشاركة الأصلية كتبت بواسطة Ahmed.TV

انت بتدبسنى بقااااااا يا بوحميد .. اذا كان لما جربت الصنى الجديدة .. الناس قطعتنى
على العموم احنا بنقترح .. وبنفكر بصوت عالى .. عشان حناخد نتيجة المناقشات دى وحنرسلها لمصنع نيسان
وفعلا فكرة تجميع اى عربية تانية بجانب الصنى والاكس تريل مش اقل من سنة فيما فوق كمان

وبعدين الميكرا دى بينزل منها مواتير 1500 سى سى وبينزل منها 1200 سى سى بفتيس dig وكمان بينزل منها فتيس سى فى تى .. فا الله واعلم ايه اللى ممكن ينزل ويتقفل هنا لو تمت الفكرة

الحاجة الاخيرة .. ان اللى اكيد بتحرص عليه نيسان هو عوامل الامان .. فالعربية دى اكيد حيكون فيها abs وحيكون فيها ايرباجز .. والعربية على فكرة مش صغيرة اوى للدرجة مثل مثلا الماروتى .. العربية فى حجم البولو موديل 99 لو حد فاكر شكلها ..

واعتقد ان عمر نيسان حتنزلها فى رنج 60 الف زى ما الناس قايلة .. احنا لو علينا طبعا نفسنا نيسان تعطى لكل عميل العربية هدية هههههههههه

فاعتقد ان ممكن يكون رنج العربية المانيول منها مش حيزيد عن 70 الف والاتوماتيك 75 الف بالكتير 80

والافضل ان العربية تنزل معرض الفورميلا الجى او اتوماتك .. والناس تتفرج عليها زى القاشقاى كدا لما نزلوها فى اتوماتك قبل طرحها فىا لاسواق ب6 شهور

وممكن لو فى نصيب نعمل زيارة جماعية لمصنع نيسان فى اول الصنة الجديدة .. نتفرج عليها على الطبيعة هناك باذن الله

تحياتى للجميع

أولا شكرا للرد يا باشا جدا و على فكرة يا أبو حميد أنا مش بدبسك ولا حاجة الموضوع كله إن رأيك و تجربتك العملية للعربية بيزيد الناس ثقة فيها خاصة و إنك بعد التجربة أو عامة لما بتحط أى عربية فى دماغك بترجع تكتب عنها موضوعات جميلة ومحايدة فى نفس الوقت وده باين كمان فى موضوعات سابقة وجهت أعضاء كتير و ساعدتهم فى حل مشكلات فى عربياتهم بخلاف انى من اشد المعجابين و المتابعين لموضوعاتك ذات الاسلوب الجميل و السهل فى سردها.

ثانيا: بالنسبة للعربية نفسها كما ذكرت اكيد نيسان مش حاتغلط غلطة العربية الكبيرة من برة و ضيقة من جوه تانى زى الصنى الشاب اللى فات و هى فعلا عالجته فى ال2013 بس النقطة اللى بتكلم فيها هى السعة اللترية للعربيات عمالة تقل 1600 و بعدين 1500 و يمكن الميكرا تنزل ب1200 طيب تعالى نتفق على حاجة كل العربيات بتجرى بعد التجميع طيب ال1200 اولا حتجمع بعد اد إيه طب لو جمعت بسرعة أكيد حيكون على حساب وزن العربية و ثبتها صح؟ نيسان براند جامد و يتعمل عربيات جامدة لكل دول العالم بس مصر عايزة مواصفات خاصة للطرق بمعنى اصح عايزة عفشة و وزن ال4x4 مع حجم الميكرا و بردو المستهلك المصرى بدأ يحرص أوى على الشكل الخارجى و الداخلى خاصة السيدات و الشباب اللى الميكرا بتخاطبهم، اما موضوع السعر بالنسبة لى انا راجل عملى لما السنة الجاية نشوفها ونشوف منافسيها هنا ممكن نحدده.

أخيرا أرجوا منك وضع موضوع زيارة مصنع نيسان دة وضعية الجد و دة بقى انا بدبسك فيه بجد. و الغرض بس من كدة انها حتكون اكيد تجربة جميل جدا ليا و للأعضاء من ناحية و من ناحية أخرى تخيل انك تزور المصنع اللى جمع عربيتك او عربية المستقبل اكيد شيئ موشوق جدا. أسف على الإطالة.

و السلام عليكم و رحمة الله