الموضوع: أستشارة عاجلة ... أجيب ألماني بعد الياباني ولا لأ؟؟

أنا زعلت قوي لما وصلت لأخر صفحه من الموضوع. ربنا يبارك لكو.

السلام عليكم
احب ان اعرف من صاحب الموضوع رأية في العربية اليارس كعربية داخل المدينة بعيدا عن موضوع الثبات في الملفات فوق سرعة 140
فقد قرأت على هذا المنتدى أن عفشتها غير مريحة حتى على المطبات البسيطة و في بعض الأحيان و استثناء من الياباني يعتبر تكييفها ليس بكفائة الكورولا
و قرأت في موضع اخر على ذات المنتدى ان العربية مفيهاش غلطة
فأرجو منك و من باقي اعضاء المنتدى الكرام التوضيح و ياريت لو نعرف السعر اللي حضرتك بعت السيارة به ان امكن
شكرا

المشاركة الأصلية كتبت بواسطة samyyousef

السلام عليكم
احب ان اعرف من صاحب الموضوع رأية في العربية اليارس كعربية داخل المدينة بعيدا عن موضوع الثبات في الملفات فوق سرعة 140
فقد قرأت على هذا المنتدى أن عفشتها غير مريحة حتى على المطبات البسيطة و في بعض الأحيان و استثناء من الياباني يعتبر تكييفها ليس بكفائة الكورولا
و قرأت في موضع اخر على ذات المنتدى ان العربية مفيهاش غلطة
فأرجو منك و من باقي اعضاء المنتدى الكرام التوضيح و ياريت لو نعرف السعر اللي حضرتك بعت السيارة به ان امكن
شكرا

بص يا باشا العربية الياريس من تجربتي معاها خلال السنة اللي فاتت بتقول انها عربية زي الفل في المدينة ( استهلاك بنزين ولا احلي من كدة، تكييف زي الفل، اعتمادية ما شاء الله عليها "عمرها ما عملت دقة نقص معايا"، اما بالنسبة للتوكيل بتاعها فهو حلو جدا ومحترمين جدا) فانا شخصيا بأحبها جداً وكان تفكيري ف الأول ان اجيب ياريس تاني بس ماشية اقل شوية "ودة لأني بحب العربية دي جدا"، بس مشكلتها معايا انها ف السفر مش قد كدة "خفيفة ع السرعات العالية والملفات. فلما حبيت اغير أصحابي نصحوني أني اغير الركوبة فرجعت فكرت ف الاسترا " عشان اهم حاجة عندي الأمان والثبات لأني عندي اسرة صغيرة" فلما جربتها لقيت فيها اللي ملقيتوش في الياريس " الثبات ع الطريق، معايير الأمان للسواق واللي معاه" فحبيت اغير ليها.
أنا لما قلت ع الياريس مرجيحة كنت اقصد انها لو عربية نقل ماشية جنبك بسرعة كبيرة شوية بتحس هزة وانت ف العربية من هوا العربية النقل، غير ان ف المطبات الصغيرة بتحس العربية بتتهز بيك لو خدتها بسرعة شوية.

لكن غير كدة عربية محترمة جدا وعمري ماندمت يوم أني جبتها ولو ملقيتش الاسترا اللي علي مزاجي هاجيب ياريس تاني .

وشكرا ليك ولكل من ساهم في جعل هذا الموضوع مميزا رغم انه اول مشاركة ليا ف المنتدي

فين الشباب الاوبلاوية دة الموضوع كان بدأ يسخن .... عموما لسة مسمعتش رد علي سعر عربية استرا ٢٠٠٧ تكون ماشية اقل من ٧٠٠٠٠ كيلو متر يكون تمنها ف حدود كام؟ ولو فيه حد عنده واحدة عاوز يبيعها أنا ممكن أشوفها ورينا يسهلها لينا جميعا.

وشكرا ليكو جميعا

المشاركة الأصلية كتبت بواسطة mmahgoub

فين الشباب الاوبلاوية دة الموضوع كان بدأ يسخن .... عموما لسة مسمعتش رد علي سعر عربية استرا ٢٠٠٧ تكون ماشية اقل من ٧٠٠٠٠ كيلو متر يكون تمنها ف حدود كام؟ ولو فيه حد عنده واحدة عاوز يبيعها أنا ممكن أشوفها ورينا يسهلها لينا جميعا.

وشكرا ليكو جميعا

بس هوه عموما مش سهل تلاقى استرا مستعمل معروضه للبيع والاصعب انك تلاقيها ماشيه اقل من 70 الف كيلو فى 5 سنين بس ربنا معاك.

المشاركة الأصلية كتبت بواسطة tananybasha

طيب ايه رأيك فى واحده اول فئة ماشية 30000 كم
تسوى كام

كدة يبقي عداك العيب وازح زي ما بيقولوا عندنا ف المثل... عز الطلب يا باشا ولو منك يبقي نأخذها بتمن طيارة. لو فعلا العربية عندك وحالتها حلوة يبقي نتقابل ونتكلم، إيه رايك؟

بس ٢٠٠٧ وماشية ٣٠٠٠٠ يبقي العربية دي كانت يا اما مرفوعة يا اما مرفوعة، عموما أتمني ما تكوني اشتغالة!!!