الموضوع: أستشارة عاجلة ... أجيب ألماني بعد الياباني ولا لأ؟؟

المشاركة الأصلية كتبت بواسطة hellboy

-انا ركبت ال2
ال2 حلوين بس ال1600 اقوي وخصوصا لما تشغل المكيف مش بياثر علي اداء الموتور زي ال1200
بس ارجع واكد علي حضرتك المهم الحاله لان الالماني ماينفعش يتشد شده حلوه زي الياباني ويرجع زيرو
الالماني لو ماركبتش حاله حلوه هتوريك النجوم في عز الظهر
-في انطباع كده احب انقله لحضرتك..العربيات دي يها حاجه غريبه شويه كل الاوبل تلاقي اساسياتها من موتور وعفشه اسعار قطع غيارهم معقوله واحيانا رخيصه وتيجي للكماليات تلاقيها غاليه او مبالغ في تمنها زي التكييف والايه بي اس -باكيتات الابواب-الاكصدامات -الاعتاب...
فلازم تتاكد ان كل كماليات العربيه شغاله .واستني برده رجاله الاسترا هتفيدك اكتر مني ,تحياتي

بس زي ماقولنا قبل كده ان فيه مراكز صيانة معتمدة واستيراد ممكن يتركب ااقل م التوكيل ، وعموما الكماليات دي تقريبا غالية ف كل الماركات مش الاوبل بس ولا إيه؟

المشاركة الأصلية كتبت بواسطة mshmsh01054331

عمتا الاسترا 2007 2008 2009 عربية تحفة بس عيبهم ان كل 60000 او 70000 لازم اسطوانة و ديسك علشان فيسها easytronic
لكن مجمل قطع الغيار معقول
تيل امامى 400 توكيل
طنابير امامى 1500 توكيل
مساعدين امامى 1700 توكيل
مساعدين خلفى 750 توكيل
الاسطوانة و الديسك مع المصنعية حوالى 4000 من التوكيل
من عند المصرية الاسطوانة و الديسك 2100 و تركيبهم 300 و برمجة فتيس فى التوكيل 150

هههههههههه هيا الخضة بس من موضوع الديسك والاسطوانة بس، انما باقي الأسعار تقريبا واحدة زي الياريس ( عندي مساعدين خلفي ب ٥٠٤ غير التركيب، تيل خلفي تقريبا ٤٠٠ بالتركيب) يعني الفرق مش كبير، انما أسطوانة وديسك دي صعبة قوي .... بس فيه سؤال هو المصرية هتركب نفس الاسطوانة والديسك اللي ف التوكيل ولا حاجة ااقل؟

وشكرا جزيلا لاهتمام حضراتكم

طيب والبدائل اللي غير التوكيل هي هي نفس السعر والجودة ولا اقل وياريت ااقل ف سعرها مع جودة عالية ولا جودة ااقل؟