أرجوكم حد يجبلي من الاخر انا حقيقي تعبت

**THE LEGEND 1** · 11-09-2012 04:23 PM

الموضوع وما فيه اني كنت بشتكي من صوت تصفير وتزييق مع كل فرمله علي الهادي عرفت انه تيل فرامي روحت لورشة توب جير والناس زوق جدا نصحوني بالتيل الاصلي روحت جبت تيل اصلي من واحد اسمه ابو يوسف في شارع فيصل المفروض انه اصلي ولما المهندس محمد شافه قال اصلي ركبته والحمد لله مشيت 100 متر وطلع صوت الصفاره التاني المهندس محمد قلي عادي هيروح الصوت مع الوقت واغسل الجنوط وهي بارده روحت البيت تاني الصوت مرحش اسبوع والصوت مرحش بالعكس زاد رجعت تاني لورشة توب جير الفني الي شغال مع المهندس محمد قلي أن التيل مش حلو قلت ازاي مش قلت عليه اصلي قلي لا وحش روح رجعه رحت للراجل الي اسمه ابو يوسف قلي مفيش ترجيع وجادلنا مع بعض واتخانقنا لغايت ما الناس حكموا اني اخد تيل جديد بس كوري منغير فلوس وبقيت هتجنن ومش عارف اعمل ايه رجعت الورشه الفني الي في الورشه قلي الكوري نضيف ومش هيصفر بالنصقلي في عربيات بيصفر وعربيات لا قلت أمري الي الله مشيت اسبوعين وبدأ الصوت يظهر تاني وايه كمان ده صوت طقطقهمع الفرامل أرجوكم حد يجبلي من الاخر هل في مشكله في الطنبوره نفسها؟؟؟ أعمل ايه تاني بعد الاصلي وأروح لمين يكون بيفهم بسرعه انا مسافر كمان 10 ايام ولازم اتطمن علي الفرامل مستني ردكم . ملحوظه(الحاله ضنك هههههه)

**S O P H O S** · 11-09-2012 05:03 PM

بص لو صفارة عادية متقلقش منها انا مغير الطانبير والتيل
وبسمع احلي صفارة كل شوية بس عادي بداءت اتعود
عالموضوع المهم اداء الفرامل يكون طبيعي ولو علي الصفارة تهون
والله اعلم ..

**Thebutcherr** · 11-09-2012 05:05 PM

صوت الصفارة مش مشكلة مدام الفرامل كفائتها تمام , رايي متشغلش بالك فعلا فى تيل اصلى و بيصفر الصفير بيكون بسبب تراب بين الطيل و الطنابير مش شرط تكون الطنابير فيها حاجة
حضرتك فى اسبراى بيتباع فى الهايبر ماركتز (كارفور و .....) و عند بتوع الكماليات بينضف التيل و الطنابير من التراب و حبات الرمل

**misoalex** · 11-09-2012 05:09 PM

الطقطقه والتزيق ملوش علاقه ولا بالطنابير ولا بالتيل دى حاجه فى العفشه او القواعد او كالبيرات الفرامل نفسها هى اللى بتعمل الطقطقه عشان دى حصلت معايا وغيرت الكالبيرات

الصفاره ممكن تبقى من التيل او الطنابير عندك مش كويسه او عاوزه تتنضف عند خراط عشان انت بتقول اول مغيرت االتيل الصفاره راحت وبعدين رجعت فممكن جدا تكون الطنابير هى اللى عاوزه تتغير او تتنضف بس

**mr_sameh** · 11-09-2012 05:27 PM

التيل الاصلي بيصفر وده عن تجربه والكوري زباله وهيبهدل الطنابير انصحك بالتيل التركي وده كمان هيصفر لكن اداءه محترم

**THE LEGEND 1** · 11-09-2012 06:32 PM

صدقووني انا تعبت طب أروح لصنايعي محترم فين عشان هو يشخص الموضوع عايز ارتاح شويه من موضوع الفرامل حد يقلي واحد قريب من الحلميه

**mn2020** · 12-09-2012 12:42 AM

امسح الطنابير في المخرطة

**Ahmod** · 13-09-2012 01:41 AM

التيل اللى جبته بكام ؟ والعلبة بتاعته شكلها عامل ازاي ومكتوب عليها كود ايه ؟

ياترى شبه اللى موجود في الموضوع ده !! ؟؟

http://www.nilemotors.net/Nile/279869-a.html

لو شبهه يبقى هو الاصلي لو غير كدة يبقى مش الاصلي

عموما ابو يوسف انا اشتريت من عنده كذا حاجة قبل كدة وفعلا حجاته اصلية

بخصوص الصوت فهو احيانا بيكون نتيجة الغسيل !!

مستغرب على اللى بيقولك اغسل الطنابير ده بالعكس !! سعات بيكون فيه ماية وتلاقي العربية بتطلع صوت بيقعدله كدة اسبوع ولا حاجة وبيروح

اتاكد من الجراش اللى بتركن فيه انه مايغسلش العجل لمدة اسبوع كدة وشوف وان شاء الله خير