@تحذير من استخدام ملمع المتور Gunk !!!!!!

**Y a r i s** · 12-09-2012 04:33 PM

.

كلنا عارفين ملمع الامريكي المشهور
المدعو ب Gunk

المهم
واحد فيهم من منتجات جنك الامريكية لونوا برتقالي ومكتوب عليه بريحة البرتقال
معليش اعذروني اني مقدرتش اصور وارفع صورتوا بالضبط ( كسل )
من فترة اشتريت الملمع ده بتاع المتور من اخر معرض للعربيات كانوا عاملينوا في مصر وطبعاً البياع نصحني بيه وقالي قصيدة شعر فيه .... رحت شاريه ومنفض المتور بالبلور ومسحوا مسحة تمام وراشش منو على المتور ( مش كتير )
كانت النتيجة مذهلة. انوا بقى المتور بتاع العربية يلمع وكانو طالع لسه من التوكيل او كأن العربية معروضة في معرض بتاع بلدها طبعاً ابتديت الاحظ بعد كده تئاكول في البلاستيك غطى المتور وتحس ان الوش البلاستيك بتاع المتور بقى محبب كده ومهما مسحتوا او نفضتوا. بقى مجيررررررر حتى لو غلست الوش يرجع يجير لان لونوا خلاص باظ حتى العلبة الفيوزات. بقه شكلها زبالة وحتى علبة فلتر الهوى بقى شكلهم لا يرثى لها

وتحس ان البلاستيك اتاكل كده لذلك حبيت انبه اصدقائي منوا .... وهو رغم انوا منظف للمتور وملمع للمتور بس مش من النوع الفوووم لا ا لا لا ده زي اسبري كده بيترش على المتور ومكتوب عليه ملمع ومنظف للمتور برائحة البرتقال
لذا وجب التنويه والتحذير !!!
وربنا يستر طريقنا وطريقكم
وتحياتي

**Amr Axel** · 12-09-2012 04:53 PM

شكرا للتنبيه و نقل التجربة و انا عارف المنظف عامل زي منظف الكربراتير البخاخ و بيخلي كل حاجة تلمع جدااااا و تبرق لكن بعد كده بيلم تراب
بس خلي بالك المواد ديه مفتتة للاوساخ الصعبة و بالتالي رشها بيكون ع الجسم المعدن فقط للموتور و بتغطي الحساسات و اي بلاستيك
و مترشوش ع جسم العربية عشان الدهان زي بالظبط منظف الكربراتير البخاخ نفس القصة

فالافضل يكفي تنفخ الموتور هوا لازالة التراب و ممكن بحتة زفرة و تاخدها وش نضافة
لأن المواتير مخصصة للعمل تحت الظروف القاسية يعني شوية التراب و الطينة بتوعنا هنا دول تقدر تقول دلع للموتور هههههههه
تنظيف الموتور بالمواد الكيميائية و يرجع جدد هو مجرد للنظافة فقط و يبقي شكلها حلو لما تفتح الكبوت سواء للبيع او عشان تحس ان العربية جديدة ليس اكثر :)

**Y a r i s** · 12-09-2012 05:03 PM

ماهو ولاد اللذينة مش كاتبين عليه للحديد فقط او لبلاستيك المتور كاتبين عليه منظف متور المفروض يكتبوا ويحددوا .... لان اي متور في الدنيا فيه حديد وبلاستيك وفيبر وكوتشلت

اما بالنسبة ياحج محمد على موضوع ريحة البرتقال انا حتى اتفاجئة اشمعنى ريحة البرتقال بس قولت يالله وانا مالي اذا كان برتقال ولا يوستفاندي. المهم انوا امريكي مش صيني ... والي خدعني في المنظف ده الاسم العريق الامريكي Gunk. وقلت ده مركة قديمة اكيد مش هتصنع اي حاجة وتحياتي ليكم يا شباب

**احمد فهمى** · 12-09-2012 09:38 PM

المشاركة الأصلية كتبت بواسطة y a r i s

.

كلنا عارفين ملمع الامريكي المشهور
المدعو ب gunk

المهم
واحد فيهم من منتجات جنك الامريكية لونوا برتقالي ومكتوب عليه بريحة البرتقال
معليش اعذروني اني مقدرتش اصور وارفع صورتوا بالضبط ( كسل )
من فترة اشتريت الملمع ده بتاع المتور من اخر معرض للعربيات كانوا عاملينوا في مصر وطبعاً البياع نصحني بيه وقالي قصيدة شعر فيه .... رحت شاريه ومنفض المتور بالبلور ومسحوا مسحة تمام وراشش منو على المتور ( مش كتير )
كانت النتيجة مذهلة. انوا بقى المتور بتاع العربية يلمع وكانو طالع لسه من التوكيل او كأن العربية معروضة في معرض بتاع بلدها طبعاً ابتديت الاحظ بعد كده تئاكول في البلاستيك غطى المتور وتحس ان الوش البلاستيك بتاع المتور بقى محبب كده ومهما مسحتوا او نفضتوا. بقى مجيررررررر حتى لو غلست الوش يرجع يجير لان لونوا خلاص باظ حتى العلبة الفيوزات. بقه شكلها زبالة وحتى علبة فلتر الهوى بقى شكلهم لا يرثى لها

وتحس ان البلاستيك اتاكل كده لذلك حبيت انبه اصدقائي منوا .... وهو رغم انوا منظف للمتور وملمع للمتور بس مش من النوع الفوووم لا ا لا لا ده زي اسبري كده بيترش على المتور ومكتوب عليه ملمع ومنظف للمتور برائحة البرتقال
لذا وجب التنويه والتحذير !!!
وربنا يستر طريقنا وطريقكم
وتحياتي

قدر الله وما شاء فعل الحمد لله وشكراً لك للأفاده معلش وبالنسبه لك فوك الوش وغطا علبة الفيوزات واشتري سبراى اسود مط وروشهم بره وده هيفرق كتير بعد اللى حصل