محتار بين البيجو 508 والمرسيدس c180 ,, ال 2013

**asadx100** · 16-09-2012 02:10 PM

المشاركة الأصلية كتبت بواسطة falcon77

انت متأكد ان البيجو الهاى لاين اللى فى مصر فيها شاشة نافيجيشن وجنوط 18. لو فعلا الكلام دا صحيح انا هنزل احجزها من بكرة. اللى عرفة انهم شايلين النافيجيشن والجنوط ال 18 من المواصفات اللى بتزل مصر (هاي لاين).
ياريت تقولى مين فى مصر بيبيعها بالنافيجيشن..........انا منتظر

لا ,, لا ,, لا ,,, المواصفات دي فقط في البيجو الخليجي فقط ,,,

مش موجودة في مصر ,,,,

علشان كدة أنا محتار ,,,, لان الوضع هنا في السعودية ,,,, الكاملة أوتوماتيك فيها كل اللي انت عايزه

لحد استارت انجن ,, والنفيجيشن ,, والفرش الجلد ,, والجنوط 18

طبعا غير الزينون ,, فتحات تكييف خلفية مستقلة التحكم ,, بلوتوث ,,, وبقيت الأفكار التانية ,, زي الزجاج الأتو في كل الأبواب ,, فتح الشنطة من الريموت ,,, مثبت سرعة ,,, طارة ملتي فنكشن

فمعلش ان كان كلامي من الاول مش واضح ان انا بختار في مواصفات خليجية

سواءا المرسيدس c180 اليجانس ,,, أو البيجو 508 أعلى من الهاي لاين

ولسة مش عارف الجمارك هتعمل ايه ؟

**asadx100** · 16-09-2012 02:20 PM

مش عارف

ان كان ليا حق ان أنا أحتار ولا لأ ؟

المرسيدس ,,,,,,,,,,,,,, قوية جدا غير انها سلسة مرنة رشيقة بمعنى الكلمة

البيجو ,,,,,,,,,,,,,,, سيارة ضخمة وفخمة ,,, مش ناقصة ولا كمالية من اللي بفكر فيه وبرده قوية

**abdulkhaleq** · 16-09-2012 05:29 PM

المشاركة الأصلية كتبت بواسطة شاهين - بنز

المرسيدس عملية وأكتر واقعية
الفرنسي معروف بإعتماديته السيئة جدا جدا وده شفناه في الميجان وال 307 وكمان حتجيب العربية حتبيعها بعد سنة واحدة بنص السعر
طب مفكرتش في الفولفو s80 أو ال s60

ياراجل ياطيب
يعني الفولفو هي اللي مش ملاحقين على بيعها

**abdulkhaleq** · 16-09-2012 05:35 PM

لصاحب الموضوع
احسبها بالورقه والقلم
حط مميزات وعيوب كل واحده قدام بعض
في الحالتين ما اظنش انك هتفكر في اعاده البيع وما اظنش انك هتبيع كمان 6 شهور

المرسيدس طبعا اسم و..و...و.... بس دي بداية الطراز يعني هيكون ناقصها حاجات
البيجو اسم مش قليل بس هتلاقي كماليات اكتر ومش ناقصها سيفتي او فرامل مثلا

الاتنين قطع غيارهم غاليين بس دخول توكيل مرسيدس للصيانه في تعويره اكيد اكبر :)
كمان التأمين على المرسيدس هيكون اغلى للسبب ده حتى لو افنرضنا ان العربيتين بنفس السعر

**falcon77** · 16-09-2012 05:43 PM

المشاركة الأصلية كتبت بواسطة asadx100

لا ,, لا ,, لا ,,, المواصفات دي فقط في البيجو الخليجي فقط ,,,

مش موجودة في مصر ,,,,

علشان كدة أنا محتار ,,,, لان الوضع هنا في السعودية ,,,, الكاملة أوتوماتيك فيها كل اللي انت عايزه

لحد استارت انجن ,, والنفيجيشن ,, والفرش الجلد ,, والجنوط 18 :ta_clap[1]::ta_clap[1]::ta_clap[1]:

طبعا غير الزينون ,, فتحات تكييف خلفية مستقلة التحكم ,, بلوتوث ,,, وبقيت الأفكار التانية ,, زي الزجاج الأتو في كل الأبواب ,, فتح الشنطة من الريموت ,,, مثبت سرعة ,,, طارة ملتي فنكشن

فمعلش ان كان كلامي من الاول مش واضح ان انا بختار في مواصفات خليجية

سواءا المرسيدس c180 اليجانس ,,, أو البيجو 508 أعلى من الهاي لاين

ولسة مش عارف الجمارك هتعمل ايه ؟

سؤال يعنى ممكن الواحد يشتري العربية ال 508 مواصفات خليجي؟؟ هنا فى مصر ولا تقصد انك ممكن تشتريها من الخليج وتنزلها؟
لو تقصد تنزلها من السعودية مثلا هيا ب 111 الف ريال. التوب لاين جنط 18 هناك وهتدفع لها جمارج 115 الف جنية مصري يعنى العربية هتقف عليك ب 285 الف ودا غالى جدا طبعا.

ياريت لو فية مستورد يجيب العربية دى من الخليج ويبيعا فى مصر زى باقى العربيات اللى بتيجى مصر من الخليج.......
انا عن نفسي لو لاقيت العربية 508 بتتباع فى مصر جنط 18 ونافيجيشن هاشتريها بس مش لاقى اللى يستوردها من الخليج

**abou-yahia** · 17-09-2012 09:08 AM

بالله عليك يا اخي

متجبش عربيه جنط 18 خالص

الجنط ده مش معمول لشوارعنا وممكن يقفلك من العربيه خالص .

البيجو عربيه محترمه وبتديك متعه في الركوب جميله جدا

لاكن المرسيدس حاجه تانيه

حتفضل عنيك ونفسك رايحه ليها

هات مرسيدس لو تقدر والاوبشنز عمرها متفرق في عربيه مادام الاساسيات موجوده

ديه مش موبايل

**abou-yahia** · 17-09-2012 08:42 PM

الفرق يستاهل ان العربيتين لو اتحافظ عليهم هما الاتنين

المرسيدس حتفضل محافظه علي ادائها في مقابل الييجو بعد 5 او 10 سنوات

**asadx100** · 19-09-2012 10:59 AM

المشاركة الأصلية كتبت بواسطة Unendlich

أولا كده, عشان نقفل على البغبغانات بتوع أسعار قطع الغيار, اتفرج كده و شوف:
http://www.nilemotors.net/Nile/300383-508.html

الحاجات دي فيها بنود أرخص من الكورولا و السيفيك

نيجي للركوبة بقى, المرسيدس اسم و تاريخ بس أنت مش بتقارنها بازبرانزا, أنت بتقارنها بـبيجو, يعني أبسط مثال ال 504 اللي مازالت الجماعة بتوع الأقاليم بيريلوا لما بيلاقوا واحدة حلوة عشان من العربيات القليلة قوي اللي استحملت الإستعمال الغير آدمي (ده مش موضوعنا بس أنا بثبت العراقة مش أكتر)

ال 508 كعفشة ميتقالهاش تلت التلاتة كام, و البيجوهات الكبيرة دي (من أيام ال 605) لما بتجري بيها بتبقى مش مصدق إنك راكب عربية جر أمامي.
و حتى الحاجات الصغيرة (من أياااااام ال 205) بيبقى ال handling لا غبار عليه

نيجي للمواتير بقى, و برده أنا هركز على البيجو, فمتورها بقاله 6 سنين بياخد engine of the year في فئة ال 1400-1800 و ده بالنسبالي كافي جدا

في النهاية العربيتين ممتازين بس ك value for money البيجو كسبانة باكستاح و فعلا لو حطيت فرق الفلوس وديعة في البنك هتصرفلك على الصيانة و هتنسيهالك خالص.

أنا معاك في كل اللي بتقوله ,,,, وكمان زاد اعجابي بالبيجو لما ركبتها كاملة

لم أن أتوقع الفخامة دي بصراحة ,,, وراحة في الكراسي والقعدة

الم أكن مبالغ فهو احساس شيه مقارب للمرسيدس e200

ولكن ,,, لو كانت المرسيدس c عريضة شوية

,,,, مش قادر أقبلها كسيارة عائلية للأسرة

لدرجة اني فكرت ,,,, أجيب بنفس المبلغ دة سيارة مرسيدس e200 مستعملة

مش عارف صح ولا لأ ؟

سامحوني ,,, انا دوختوكم معايا

بس انا فعلا محتاج سيارة فخمة ممتعة ,,,,,,,,,,

عائلية

اللي عنده أي فكرةأو اقتراح ,,, أنا بسمعه بصدر رحب

-

-

الموضوع: محتار بين البيجو 508 والمرسيدس c180 ,, ال 2013

LinkBack

أدوات الموضوع

عرض

-

-

المواضيع المتشابهه

محتار بين البيجو 408 والسكودا الفانتزيا

محتار بين شيفروليه لانوس 2013 ورينو لوجان2013

محتار بين لانسر بوما 2013 ولا نسيان صنى 2013

محتار ما بين كيا ريو سيدان خليجي 2013 و هوندا سيتي 2013

محتار بين البيجو 407 وسكودا فانتازيا 2010

الكلمات الدلالية لهذا الموضوع

المفضلات

المفضلات

ضوابط المشاركة