محتار بين البيجو 508 والمرسيدس c180 ,, ال 2013

**asadx100** · 04-10-2012 01:55 PM

المشاركة الأصلية كتبت بواسطة falcon77

مين حيشهد للعروسة يعنى يا استاذ احمد.
انا لو مكانة حجيب ال508. بس لو بتنزل بالأي درايف والنافيجيشن سيستم كنت جبتها من الصبح

حاول تشوف ال c180 أو تقعد فيها ,,, ويا سلام لو تسوقها

ليه ؟؟؟؟

لأن سبب حيرتي ,,, هوة ان انا سوقت المرسيدس يوم كامل ,,, جوة البلد وعلى الطريق

فعشت بيها يوم مريح جدا ,,,, ممتع ,,,, كذلك كان يوم شيك بالنسبة لاحساس الناس بجمال السيارة

وفي نفس الوقت

أسرتي 6 أفراد

فحسيت ان على الرغم الأولاد كانو مرتاحين ,,, الا بعد كام سنة الصغير بيكبر ,,, هحط مفسي في تغيير تاني

يعني

لو مرسيدس e200 <<<

<<<< كان الموضوع منتهي

مع كلام أ. أحمد عن البيجو 508 ,,,, لا قيتها هيا الحاجة العملية لمدة أقلها 7سنوات

أنا بكرر الاستخارة ,,, ومستني أقرب عرض على أي من السيارتين

الله المستعان

وات

**kimoonair** · 09-10-2012 11:29 AM

علي فكرة طبعا انا لو مكانك واقدر اختار المرسيدس
بس عاوز اقولك اني معايا 508 بقالها 7 شهور
العربيه ما شاء الله غير عادية, فخامة وراحة وثقة واعتمادية واداء مش هتصدقه مهما اتوصف, لازم تجرب
اعتقد انها هترجع مفهوم بيجو بتاع زمان في مصر, التوكيل محترم جدا وخدمة سريعة واسعار قطع الغيار طبعا لا تقارن ولا بالمرسيدس ولا بالفولفو
والناس اللي بينصحوك بفولفو مع احترامي الكامل للسيارة بس تغور من وش وكيلها
لو ميفرقش معاك النجمة الفضي اوي جرب الاسد ومش هتندم خالص هتحس انك عاوز تحضنها وانت سايقها
ولما تدوس بنزين من الثبات هتحس انها بتجري من تحتك وانت مش عارف تحصلها

**asadx100** · 09-10-2012 08:56 PM

المشاركة الأصلية كتبت بواسطة kimoonair

علي فكرة طبعا انا لو مكانك واقدر اختار المرسيدس
بس عاوز اقولك اني معايا 508 بقالها 7 شهور
العربيه ما شاء الله غير عادية, فخامة وراحة وثقة واعتمادية واداء مش هتصدقه مهما اتوصف, لازم تجرب
اعتقد انها هترجع مفهوم بيجو بتاع زمان في مصر, التوكيل محترم جدا وخدمة سريعة واسعار قطع الغيار طبعا لا تقارن ولا بالمرسيدس ولا بالفولفو
والناس اللي بينصحوك بفولفو مع احترامي الكامل للسيارة بس تغور من وش وكيلها
لو ميفرقش معاك النجمة الفضي اوي جرب الاسد ومش هتندم خالص هتحس انك عاوز تحضنها وانت سايقها
ولما تدوس بنزين من الثبات هتحس انها بتجري من تحتك وانت مش عارف تحصلها

أنا قعدت في البيجو 508 الكاملة ,,, بجد فعلا فيها فخامة حاسيتها من أول ما قفلت الباب

وبالمقارنة بالبيجو الاستندارد ,,,, مش زي الكاملة في الفخامة

بس ما جربتش سواقتها ومكنتها ,,, والاحساس بيها وهية ماشية

بس قالولي ان هية نفسها مكنة الستيروين c5

,,, اللي كانت نحفة في التجميع

وصلت بيها لحد 170 كم في ثواني بسيطة ,, والعجيب اني ما حسيتش بالسرعة نهائي

هل البيجو بنفس المستوى في القوة والعزل والتجاوب ؟

هل الصيانة هنكون بالسهولة ,,, بحيث الواحد ما يحسش بانها مكلفة ؟

**Astra200** · 09-10-2012 10:29 PM

انت كده مش حتجيب عربية

الفرق بين ال 508 وال c5
الستروين بتركز علي الراحة علي حساب الهاندلينج (ثبات ال 508 أحسن من الستروين -- الراحة في الستروين أحسن -- الباور بتاع البيجو الكترو هيدروليك
الأتنين نفس القوة ( نفس الموتور) الستروين أتقل ب 100 كيلو --
علي فكرة فرش ال 508 الستاندر أحلي من الهايلاين رغم انه جلد

**Astra200** · 09-10-2012 10:37 PM

موضوع الثبات ده ممكن ما تحسش بيه الا اذا كنت بتعمل غرز علي 170

**nadersam** · 10-10-2012 11:32 AM

ازيك يا باشا
كنت عايز أسألك عاملة معاك اية العربية لحد دلوقتى و أخبار الوكيل اية
شكرا
نادر

**kimoonair** · 10-10-2012 11:59 AM

والله العربية فوق الممتازة بكتيييير
بقولكم لازم تتجرب
وااللي بيسال علي الثبات انا مش هقولك اكتر من انك لو بتاخد غرزة علي 160-170 هتحس انك راكب بساط الريح
مش هتصدق ان في عربية بالحجم ده بتعدي في خرم ابرة علي ادها بالظبط
التوكيل بقي :
كان في اخ فاضل قال ان الوكيل الجديد عاوز يكسب ثقة الناس وده كلام سليم
عاوز اقولكم انهم كلموني في التليفون يسالوني عن العربية ومدي الرضا عن الخدمة والصيانة واسعار قطع الغيار
والحاجة اللي اكدتلي انهم ناس محترمين انهم سالوني في الاخر لو غيرت العربية دي بعد فترة هتركب بيجو تاني؟
وده سؤال معناه انهم بيفكروا في الاستمرار علي نفس المستوي وفي الاحتفاظ بالعميل وان رضاك عندهم حاجة غالية

**asaber** · 10-10-2012 02:33 PM

المرسيدس ال 2013 الموتور بقي عزمه 250 من اول 1250 لفه في الدقيقه
و الفتيس بقي 7 سرعات و زودو نظام اقتصادي بيطفي الموتور في الاشارات و الزحمه والعربيه تشتغل تاني بمجرد ما تشيل رجلك من علي الفرامل (او تدوس بنزين لو مشعل الهولد)

المهم بقي لو انتا في السعوديه وعاوز تبقي تنزلها مصر هل اتاكدت ان العربيه 1600 مش 1800 (السي 180 ليها موتوريين واحد 1600 بينزل في مصر و بعض الدول الاخري ومن اول 2013 بقي بينزل في اوروبا و واحد 1800 سي سي و ده اللي كان بينزل في الخليج)

العربيه في المجمل ممتازه بس اكتر حاجه هتفتقدها هي الباركينج سينسورز.

**horas3000** · 10-10-2012 04:36 PM

طب انت يا زعيم محير نفسك ليه
انت مش سقت المرسيدس و جربتها
روح سوق البيجو و جربها و احكم بنفسك

**A.Adel** · 10-10-2012 05:56 PM

المشاركة الأصلية كتبت بواسطة شاهين - بنز

الفرنسي معروف بإعتماديته السيئة جدا جدا وده شفناه في الميجان وال 307 وكمان حتجيب العربية حتبيعها بعد سنة واحدة بنص السعر

ال c4 الجديدة بـ 165 ,هاتلي واحدة بنص تمنها و أنا اخدها منك
إذا كان ال 2009-2010 عاملة من 80-90

والكلام ده لسة في عربيتي من أقَل من شهر

بالنسبة للاعتمادية , ميجان 1 بس اللي كان فيها مشاكل و هي دي اللي عاملة سمعة وحشة للفرنساوي من ساعتها
ال 307 مشاكلها بسيطة جدا ,يمكن اشهرها الفتيس و اتحلت بعدها بسنة