الموضوع: الحمدلله اتقلبت بالعربية على الدائري

قدر الله وماشاء فعل...وحمدالله على سلامتكم مليون مرة وفداكم الحديد والصاج.... والحذر كل الحذر من رد الفعل المفاجئ لأنه بيعمل كوارث

حمد لله على سلامتك وسلامه الوالد..

الف سلامه عليك وعالوالد
كله بيتعوض الا الروح
وبجد عاجبنى اووى روحك الساخرة وانت بتحكى الحادث - ربنا يجعله اخر الحوادث يا رب

فيه سؤال عارف انه مش وقته ... بس انا فهمت منك ان لو الواحد مش رابط الحزام الايرباج متفتحش؟؟؟؟؟؟؟؟

المشاركة الأصلية كتبت بواسطة GRADER

ألف سلامة لحضرتك و الوالد
معلش لازم أسألك : هو حضرتك ما أخدتش رقم العربية ومش ناوى تحاسب الشخص المؤذى ده؟؟!!
فى رأيى لازم الناس دى تتحاسب على الاستهتار بأرواحنا و ممتلكاتنا

الله يسلم حضرتك

لا ملحقناش ناخد حاجة طبعا الخضة والعربية عمالة تعوم وخلع على طول

حتى الراجل بتاع الجامبو اللى عربيتنا خبطته مشي وموقفش !!

ربنا يحاسبه بقى

المشاركة الأصلية كتبت بواسطة formulator

لا حول ولا قوة إلا بالله العلى العظيم
دانت تحمد ربنا وتقول -الحمدلله- على كل شىء، العربية شكلها متدمرة!!

شوف، هى عدت الحمد لله.. بس عايز أقولك على حاجتين
- لا تثق فـ أى بتاع كاوتش عـ الطريق.. كان لازم تقف على دماغه وتشوف اللحام، وتراجع ضغط الكاوتش وتقارنه بباقى الفرد.

- السواقة عـ الدائرى-المحور-الأوتوستراد وطريق السويس بقت mental
سرعة وغرز ويرمى عليك ويحط نفسه قدامك ويزنق ووو...etc لازم تبقى عينك فـ وسط دماغك
ومبقاش نافع تمشى هادى فـ اليمين؟!! لأن الغرز دلوقتى كلها من اليمين؟؟!!!

وبعدين 120 سرعة مش قليلة عـ الدائرى (فـ الزحمة).. لما بنى-آدم زى ده يرمى عليك-على والدك.. كان لازم تقفلها عليه؟!! أو تفرمل جااااااااااااااااامد وتفتحلوا

بس هنقول أيه بقى الحمد-لله، قدر الله وماشاء فعل.. المهم إنكم بخير

الله يسلمك يا استاذ مصطفي

العجلة مش عملناها على الطريق انا بس كتبت غلط احنا عملناها هنا في المحلة قبل ما نمشي الراجل ده من يوم ما جبنا العربية بنعمل الكاوتش عنده

معاك حق في كل اللى قولته بس الحمدلله على كل حال وكويس اننا خرجنا منها على رجلينا ومش حصلنا حاجة

قولي اجيب عربية اية حلوة :d

المشاركة الأصلية كتبت بواسطة معتز الدهشورى

الحمد لله على سلامتكم وكويس انكم خرجتم منها سلام والله

شكلها هتطلع توتال لوس وتستريح من الكاوتش اللى كان مضايقك

ماقلتليش بتاع الماتريكس راح فين

الله يسلم حضرتك

هههه الفردة الوحيدة اللى اتقطعت هى دى وغالبا توتال لوس فعلا

بتاع الماتريكس جري بسرعة طبعا

المشاركة الأصلية كتبت بواسطة Y a r i s

زنجاري حبيبي. الف حمدالله على السلامة ياغالي .... وبركة انكم بخير وطلعتم منها سالمين
بقولك ياغالي ... ولا تزعل نفسك لانوا كلوا في ميزان حسناتكم وكان بما معنى حديث عن رسول الله صلى الله عليه وسلم ان الله ان احب عبداً أبتلاه ....


لكن صديقي العزيز اريد منك وصف مشاعرك الحقيقة واحساسك بثبات العربية التيدا ....

وسئالي هنا لو كنت راكب عربية تانية. غير التيدا كانت عملت نفس الحكاية كده واتقلبت .... لان كتير من ملاك التيدا الي جربوها في الحوادث شافوا ان اكبر مشكلة فيها الثبات وبما ان حضرتك كنت شاهد عيان ممكن تشهد بالحق وتقول شوفت ايه بالزبط وحسيت بايه بالزبط وشكراً ليك وحمدالله على سلامتك بس الموضوع ده ضروري لاني لاحظت عدت حوادث للتيدا بنفس الطريقة خلل في التوازن بيخليها تقلب بسرعه وشكراً

الله يسلمك ياباشا يارب

والله محدش فينا زعلان عليها كلنا مبسوطين عشان هنغيرها ههههههه :d والحمدلله بس اننا طلعنا سلام

منها ومحصلناش حاجة

انا في مكان واسع وكله ابيض في ابيض ههههه :d .. هو طبعا العربية مثبتتش خالص :d وحدفت حدفتين

وقامت داخلة في الحاجز على طول من اول ما خبطت في الحاجز بقي مشوفتش اى حاجة خالص !!

مش شايف غير رمل على الازاز بعد كده نزلنا لقينا نفسنا في الصحراء دى !! :d

المشاركة الأصلية كتبت بواسطة dr_hassan1eg

الف سلامه عليك وعالوالد
كله بيتعوض الا الروح
وبجد عاجبنى اووى روحك الساخرة وانت بتحكى الحادث - ربنا يجعله اخر الحوادث يا رب

فيه سؤال عارف انه مش وقته ... بس انا فهمت منك ان لو الواحد مش رابط الحزام الايرباج متفتحش؟؟؟؟؟؟؟؟

الله يسلمك يادكتور

ولا يهمك اسأل براحتك .. لو انت مربطش الحزام الايرباج مش هتفتح لازم تكون رابطة حتى لما تيجى
تدور العربية وعلامة الايرباج تنور هتلاقي حزام كده عليها

قدر الله و ما شاء فعل , الحمد لله على سلامتك انت و الوالد