الموضوع: تقرير 2x1 على السريع استابلايزر واستهلاك الصنى للبنزين

المشاركة الأصلية كتبت بواسطة Powert

اخي Land_Cruiser

الف مبروك علي التركيب بس انت ما قولتش جبت الميزان منين وبكام وانا كنت عايز اركبه في حد معايا في الموضوع ده. ممكن نروح مع بعض

الله يبارك فى حضرتك و عقبالك ان شاء الله. الميزان نفسه لو حضرتك عايز تجيبه قدامك اختيار من الاتنين. :-

١- استيراد وده ممكن تجيبه من الحرفيين و استاذ aboamr ربنا يباركله كان وصفلى مكان واحد هناك و ممكن أبعت لحضرتك بياناته اللى بعتهالى و سعره ممكن يكون 200 او 250 جنيه

٢- جديد و ده موجود الان فقط فى اوتو ايجيبت ابو رواش و سعره بالضريبه. 863.5 جنيه

الميزان عباره عن بار صلب و كان ahmedfbi بك حاطط صورته فى موضوعه الاساسى و مفيهوش اى فن و ما ينفعش يتثنى و لحضرتك حريه الاختيار تجيبه جديد او مستعمل - علشان محدش يزعل منى - وان كنت انا جبته جديد بصراحه من اوتو ايجيبت بس أتوقع ان التوكيل مش هيعترض على حكايه جديد او مستعمل دى و بالتوفيق ان شاء الله و نبارك لحضرتك قريب باذن الله

المشاركة الأصلية كتبت بواسطة Powert

طيب استاذن حضرتك تبعتلي بياناته علي الخاص ولو في حد يكون بره التوكيل يركبه يكون احسن

علشان اخاف التوكيل يرفض تركيبه

وكمان التوكيل بياخد يوم كامل في التركيب اما صنيعي بره مش هياخد اكتر من ساعتين

من عينى يا فندم بعت لحضرتك خلاص الرساله فيها البيانات اللى بعتهالى الاستاذ aboamr ربنا يباركله

المشاركة الأصلية كتبت بواسطة Youssef.Awad

100000000 مبرووووووووووووووووك عالتركيب
وبصراحة انطباعك هايل ودقيق فعلااااا ..

واكيد ال3 اللى راحو السبع قبلك دول من الزوار اللى بيدخلوا يقروا موضوعاتنا ويستفادوا من غير ما نشوفهم ولا نسمع عنهم الا لو فيه مشكلة وبس
بس موضوع اختيارك للسبع فى التركيب وشراء الميزان نفسه من اتوايجيبت ده حالة فريدة (تقريبا التكلفة وصلت 1500ج) لكن اكيد احساسك بالاطمئنان والضمان لا يساوى المبلغ المدفوع ده ..

مش كنتم قولتم ع الاختراع ده وانا فى الاجازة .. الله يسامحك بقى يالى فى بالى

هو فعلا يا باشا كان اختيار محير بس انا كان عندى اكتر من سبب :-
- انا باعتبر الموضوع ده ضمن وسائل الامان و مش الرفاهيه و خاصه ان عربيتى مفيهاش abs و لا EBD و الطرق بتاعتنا محتاجه اى وسيله امان ممكنه و مفيش وسيله لاضافتهم مع الاسف
- معنديش خلق بصراحه و لاوقت حتى اقف على ايد الصنايعيه و انا و حظى بقى معاهم
- عايز لما اركبه لو حصلت فيه مشكله الاقى حد مسئول يحل لى المشكله ( نفس سبب الذهاب للتوكيل)

فعلا ال ٣ التانيين اكيد زى ما حضرتك بتقول اكيد من الزوار او يمكن من منتدى تانى جاتله نفس الفكره و معلش لما تنزل الإجازة القادمه تبقى تركبه يا باشا و مش هتفرق كتير خاصه ان حضرتك مش بتركب العربيه دلوقتى