الموضوع: تقرير 2x1 على السريع استابلايزر واستهلاك الصنى للبنزين

المشاركة الأصلية كتبت بواسطة WalidAdel

كمان من 6 - 2008 طيب علي كده الحمد لله انا عربيتي مرخصها 3 - 2008 اصلا و علي ماذكر ان الجواب بتاع التوكيل كان طالع بشهر 1 - 2008 (مش متذكر اوي)
بس ايه الفكره انهم يشيلوا الاستبليزر مع انه مدي ثبات للعربيه ولا هو استخصار و خلاص و هو اصلا قطعه غير مكلفه بس مهمه جدا في العربيه .... شكرا علي المجهود البحث ياباشا

هو اللى أنا شاكك فيه قوى بخصوص سبب انهم شالوه من ال ex هو انهم كانوا نزلوا سعر ال ex من. 94 الف الى. 88 الف فاحتمال ده يكون من الحاجات اللى اتشالت علشان يوفروا فى تمنها و يقدروا ينزلوها بسعر منافس و دى من الحاجات الداخليه اللى ممكن الناس ما تاخدش بالها منها وهى بتشترى زى ما حصل معانا كده و خاصه ان نيسان بتعمل الحركه دى زى مثلا فى الصنى الجديده علشان يوفر لحط فيها كاوتش ماكسيس. بدل البريدجستون اللى كان فى الموديل القديم مع انه فى السعر كان مش هيفرق مع اللى بيشترى لو زودها حتى ٥٠٠ جنيه بس يحطوله كاوتش يابانى بس واضح ان ليهم طريقه اخرى اكيد فى التقييم و كذلك الفرش الداخلى هما ممكن يعملوه احسن من كده بكتير بس هما عايزين يحافظوا برضه على السعر التنافسى