الموضوع: وزير البترول: حصة بنزين مدعم لكل سيارة أقل من 1600 سى سى -- ماذا تريد ان تفعل ؟؟

المشاركة الأصلية كتبت بواسطة land_cruiser

معظم العربيات اللى فى السوق ١٦٠٠ سي سي و ده مع اختلاف اسعارها بفرق شاسع قد يصل الى ٣ اضعاف السعر مثلا و زياده زى مثلا الفيرنا مقارنه بالاسبورتاج او ال بى ام 316 . ازاى الاتنين يتشال منهم الدعم ؟ هيبقى فيه ظلم جامد لفئه كبيره من اصحاب السيارات دى . المفروض الموضوع بتاع الدعم يبقى مرتبط بسعر السياره و هى زيرو كام و على اساس كده يحددوا اذا كانت تستحق الدعم ام لا و بالنسبه لو كانت عربيه مستعمله ممكن تقدير قيمتها بعدد سنوات الاستخدام مثلا يعنى كل سنه مثلا تنزل من سعر العربيه نسبه معينه و لتكن مثلا ٥٪ او ١٠ ٪ و يتم اعطاء الدعم للناس اللى قيمه عربياتها اقل من رقم معين و ممكن حتى يعملوها شرائح دعم يعنى مثلا فوق ال ٢٠٠ الف لا ياخد دعم و من ١٥٠ الى ٢٠٠ الف ياخد ٢٥٪ و من ١٠٠ الى ١٥٠ الف ياخد دعم ٥٠ ٪ و من ٧٥ الى ١٠٠ الف ياخد دعم ٧٥٪ و اقل من كده ياخد دعم كامل و بكده يوفروا فلوس كتير و فى نفس الوقت يبقى فى نوع من العداله فى التوزيع و ده على اساس ان اللى مشترى عربيه غاليه برضه دافع جمارك وبيدفع فلوس كتير فى الترخيص و برضه مواطن و بيدفع ضرائب و حاجات تانيه كتير طول ما هو ماشى زى ما احنا عارفين

طب ليه حضرتك ربطه بسعر العربيه
ليه ميبقاش بمعدل استهلاك البنزين نفسه
العربية الكويسه اللي بتوفر في البنزين و تخدم مصالح البلد دي اللي تستاهل بغض النظر عن سعرها و سعه المحرك
و العربيات اللي بتشفط بنزين عمال علي بطال ده اللي متستحقش برضه بغض النظر عن سعرها و سعتها

بس اولا يحلوا مشكله المرور و الزحمه بدل ما احنا بنحرق نص التانك و احنا واقفين مكانا

العقل و المنطق بيقول كده
و زينا زي كل البلاد المحترمه

المشاركة الأصلية كتبت بواسطة axel

اقرأ ردي ع yoko و حضرتك هتشوف اني اتكلمت ان لو عايزين نطبق اي نظام جديد لازم يتظبط من اوله و في العربيات من اول الجمارك و لحد اضافة البنزين لرفع الدعم و لأن الموضوع مفيهوش تكافؤ لو اتطبق راجع الصفحة اللي فاتت او اللي قبلها هتلاقي ردي و هتاخد بالك من قصدي
و بخصوص العربية ربنا يعينك كنت جبت عربية اقل و ريحت نفسك من الأول

أقل إيه أنا جايبها ب106 الف في2009 يعني أرخص من السيراتو والإلنترا في نفس السنة!!!!
مش فاهم بصراحة