الموضوع: حصريا ... اول تقرير مفصل عن المدمرة الالمانيه opel corsa 2012

أحيك علي الحياديه بصراحه
مشكله بعض الناس هنا الحياديه
لكن تقريرك حيادي

المشاركة الأصلية كتبت بواسطة maxx

مبروك عليك ربنا يحفظك من شر الطرق بتاعتنا

شكراً على التقرير :)))

الله يبارك في حضرتك

المشاركة الأصلية كتبت بواسطة Boory

الف مبروك وربنا يباركلك فيها ويقيك شرها

امين يا رب الله يبارك في حضرتك

المشاركة الأصلية كتبت بواسطة Dr.M_baz

ألف مبروك العربيه وربنا يبارك لك فيها.... بس إنت كده هتخليني أفكر في الكورولا مش في الأوبل.

الكورولا عربيه محترمه جدا وفعلا فعلا troubl-less car

المشاركة الأصلية كتبت بواسطة MohammedAladel

أنا حاسس إن منصور خافس بأوبل سابع أرض

هما محترمين بس تحس انك داخل ورشة حمو فكاكه مش توكيل اوبل

المشاركة الأصلية كتبت بواسطة tananybasha

تسلم ايدك

نورت يا استاذ طناني

المشاركة الأصلية كتبت بواسطة lanos2004

اعذرنى الوزن دة مش مظبوط دى كدة اتقل من بى ام 320 i
OPEL CORSA 1.4 3D AT4 Cosmo
وزنها 1100 كيلو

حضرتك دي موديل قديم
الموديل الجديد 2012 والوزن في اللينك ده
Vauxhall Corsa 5-Door | Corsa 5-Door Dimensions – Vauxhall Motors UK

المشاركة الأصلية كتبت بواسطة S O P H O S

تقرير ممتاز فعلا
تسلم ايدك ..

الف شكر لحضرتك ........... نورت الموضوع

المشاركة الأصلية كتبت بواسطة mzeid

العربية تعتبر أرخص من المنافس
و مبروك لحضرتك العربية :)
و الفتيس هو ايزيترونيك تقريبا مش كدة ؟؟!!

العربيه نفس سعر الفورد فيستا والفولكس بولو ... يعني مش ارخص من المنافس ولا حاجه
والفتيس اتوماتيك عاااااااااااااااادي خالص وده اللي مجنني .... يمكن اكون انا بدقق جامد لان والدي عمره ما علقلي علي الفتيس ولا حتي قالي فيه حاجه ...... بيقولي العربيه كويسه ....... :(

المشاركة الأصلية كتبت بواسطة shadygalal669

أحيك علي الحياديه بصراحه
مشكله بعض الناس هنا الحياديه
لكن تقريرك حيادي

لازم الحياديه واذكر العيوب قبل المميزات ....... في ناس كتير جدا كانت مستننيه التقرير ده فلازم نفيدهم بكل صدق وامانه ولكل حرية الاختيار

الباسات وزنها 1450 كيلو
الكروز 1350 كيلو
الوزن الى حضرتك كاتبه دة وزن التحميل على العربيه
وربنا يباركلك فيها

المشاركة الأصلية كتبت بواسطة ibn_seena

بسم الله الرحمن الرحيم

تحيه طيبه علي كل اعضاء المنتدي الكرام وبعد...
دي عاشر مرة اكتب التقرير والكهربا تقطع
حاجه تقرف
وقلت ما بدهاش بقي يا واد يا ميدو
رحت جاي مطلع اللاب من الكرتونه وبعيدا عن اعين اخوتي الصغاااااار
اللي لو شافوه مش هيرحموه
ما علينا
...
بص يا باشا انت وهو ومن الاخر وعلي ميه بيضه

العربيه هنتكلم فيها عن الامكانيات والكماليات والشكل الخارجي والداخلي والاداء والمميزات والعيوب
علما بان العربيه بقالها معايا تقريبا شهر وعامله 3000 كيلو يعني برضه لسه مش قادر اجكم عليها بنسبه 100% خصوصا ان ناس كتير بتقول ان اداء العربيه بيفرق بعد اول صيانه وانا لسه ما عملتهاش لانها علي 5000 كم


أولا ألف مبروك العربية وربنا يباركلك فيها ويديك خيرها ويكفيك شرها

ثانيا شكرا علي مجهودك في التقرير وإسمحلي أعلق معاك في الموضوع علي بعض النقط

أنا معايا العربية الأوتوماتيك من أول يونيو وعاملة دلوقتي 8000 كيلو وعملت الصيانة بس للأسف مأسعفنيش الوقت إني أنزل تقرير بالعربية


اولا :: الشكل الخارجي


تقدر تقول شياكه فخامه شبااااااب عظمة الالماني وان كان شكلها من

ورا مش داخل دماغي اوي يعني




المقصورة الداخليه ::
طبعا شياكه وفخامه وجميله ممكن ما تكونش بنفس شياكة الريو او عربيه كوري ولكن بصراحه الخامات
وانا لا تغرني الطيالس والحلي ....كم في الطيالس من سقيم اجرب
مع الاعتذار لكل ماركات الكوري جميعا جميعا اسف يا جماعه حاولت اضغط علي نفسي واشتري حاجه كوري الفلوس ما رضيتشش تدفع فيها ........ ما قدرتش كان نفسي والله بس مش بايدي

دي صور للمقصورة الداخليه بس ما فيش عندي اللون الاصفر اللي في الهوايات ده

.........................
التجهيزات ::
العربيه فيها كل اللي نفسك فيه
العربيه بتنزل فئتين انا معايا الهاي لاين

2 ايرباج . فرامل ABS .وفقط . كاسيت اسطوانه واحده باور مثبت سرعه جنط 17 فتحة سقف وطارة مالتي ولو افتكرت حاجه تاني هكتبها اه زجاج امامي فقط كهربا .. انوار نهاريه وفوانيس شبورة اماميه وخلفيه

العربيه ما فيهاش حساسات ركن ولا حساسات مطر ولا حساسات نور

....
بالنسبه لوسع العربيه فانا عموما بركب فيها لوحدي والعربيه من بره تحس انها صغيره ولكن قعدتها من جوا مريحه لحد كبير صحيح برضه لا تزال صغيرة ولكنها مش وحشه ابدا وهي مناسبه لشاب في بداية حياته او اسرة صغيرة لكن لو اسره كبيرة الوضع هيكون مختلف

الحمد لله العربية مريحة من الداخل كنت مسافر إسكندرية انا وأسرتي الصغيرة وأخو المدام وكنت حاطط في الشنطة شنطة سفر متوسطة بعجل و4 شنطة هاند باج كبار وحاطط جوا في الكنبة عربية بنتي الصغيرة ومروحة ستاند وكام شنطة بلاستيك مليانين بتاع 10 شنط كده وكانت الحمد لله مكفية وكنت مرتاح وهما كمان

.........................................
الاداء :::
بصوا يا جماعه انا كنت راكب قبلها كورولا 2008 وبصراحه الكورولا دي محترمه جدا جدا جدا بغض النظر عن مشكلة الفتيس وكنت في البدايه بقارن بيها كاداء موتور وتكيف وحاجات كتير لقيت نفسي هتعب نفسيا فبدأت اسال اصحاب الالماني
عموما يا باشا
العربيه مزوده بموتور 1400 سي سي يولد قدرة حصانيه 100 حصان في حالة تزويده ببنزين 95 وعزمها شديد مش فاكره بالظبط
الفتيس اتوماتيك عادي خالص 4 سرعات

غريبة المعلومة دي أنه بيولد 100 حصان في حالة تزويده بنزين 95 طيب أنا بحط 92 بيبقي بيولد كام حصان ممكن اعرف مصدر المعلومة ؟؟؟؟
.............
كاداء العربيه اداءها مش اللي هو مرضي لشاب بيحب الجري والشد لان الموتور 1400 سي سي ولكن هو اداء معقول كنت اتمني يكون فيها زرار سبورت للقياده الرياضيه ولكن للاسف الحلو ما بيكملش

مختلف معاك في النقطة دي شوية لإن بحس أن العربية بتعمل اللي انا عاوزه أو يمكن أنا مش بتاع شد مستمر بس بجري باستمرار وكمان الموضوع ده محتاج طرق فاضية بس طبعا عندنا مبنلحقش نجمع ونجيب الرابع بننزل تاني بسبب الطرق والزحمة بس لما بتجنن العربية بتستجيب معايا وفي الكيك داون بتفرق تسقيط النقلة وتجمع حلو
..................................
التسارع من 0 الي 100 في 12 ثانيه
اقصي سرعه .........دي بقي قرفاني لان العربيه سرعتها متحدده بالكمبيوتر علي 165 ودي حاجه مقرفه جدا

الفتيس .
..............
فتيس عادي جدا 4 نقلات ..........الفتيس بحس فيه بكل نقلات العربيه ومعاه شوية حاجات كمان هذكرها في العيوب
.................................................. ......
فرامل العربيه

بصراحه ماشاء الله لحقتني في كذا موقف غير التويوتا خاااااااااااااااالص

الفرامل فعلا ماشاء الله حلوة بس بقي انا مش عارف مكتبوب بره ABS +EBD وهنا بيقولوا ABS فقط طبعا انا بحس بخبط ال ABS مع الفرامل المفاجأه لكن مش قادر أعرف موضوع ال EBD ده ياريت لوحد يقدر يفيدنا

.................................................. .
فاضل ايه فاضل ايه ؟؟؟
.....................
العربيه مالهاش صيانه 1000 اول صيانه ليها علي 5000 ومجانيه.............
...................
العفشه بتاعة العربيه ..................
بالرغم من ان الجنط 17 الا ان العفشه ناعمه جدا وخصوصا لو خليت ضغط الكاوتش علي 30
...............................
ثبات العربيه
بصراحه هي ثابته .......... بس مش الثبات اللي كنت متخيله يعني كنت بسمع اساطير عن ثبات الالماني ........ صراحه لما التيوتا كانت زيرو كنت بمشي بيها 170 من غير ما اللي راكب جمبي يحس اني ماشي اساسا ............................
يعني يوم كنت ماشي علي الصحراوي بالكورسا علي 150 وفجاه لقيت العربيه بتروح من الحارة الشمال للحارة اليمين لوحدها ؟؟؟؟؟؟؟؟؟؟؟؟؟؟؟؟
هوب وقفت علي طول باشوف ضغط العجل لقيتة 45 اوووووووووووف

بص يا باشا بصراحة موضوع الثبات أنا بحسة ماشاء الله كويس أنا نازل من عربية ياباني مفيش داعي لذكرها عشان ناس كتير بتزعل بس كفاية أقولك أنها كانت بتمرجح علي ال 140
في السفر علي طريق إسكندرية ماشاء الله كنت ماشي 140 ثابت وأحيانا بطلع لل 150 مش كتير ومبحبش أعدي أكتر من كده عشان الأسرة معايا لأ ماشاء الله العربية في حارتها واعدي من جنب التريلات ولا بحس بضغط الهواء إلا مفيش حاجه تذكر

أنا ملتزم كمان بموضوع ظبط الكاوتش زي الكاتلوج 29 قدام و26 ورا يمكن دا فارق (عربيتي مش الهاي لاين يعني الكاوتش 15)

المفروض إن ثباتك يبقي احسن مني عشان الجنط ال 17

...........................................
صاج العربيه
محمل وتقيل والدي بيقولي دا عيب مش ميزة لان لو يوم نسيت الباب مفتوح نص فتحه ولا جحاجه هيريح معاك
.............
عزل العربيه

جبااااااااااااااااااار

فعلا ماشاء الله أكبر تحفة
.........................
صوت الموتور

غير مسموع علي ال rpm المنخفض

ده عشان سير الكاتينة جنزير مش RUBBER فا بتسمع صوته وتحس ان الموتور خشن

..............................



العيوب ..................

-------- سعر السيارة مرتفع اديني بدائل بنفس السعر فيهم المتانة والأمان والثبات بتوع الأوروبي
-------- قطع الغيار ناااااااااااااااااااااااا اااار بمعني الكلمه بس معمرة
-------- العربيه تقيله والموتور صغير عليها
-------- استهلاك بنزين عالي 10 لتر لكل 100 كيلو علما بان طريقي سفر سريع واتجنب دائما اوقات الزحام

أنا بحس فعلا إنها بتاكل بنزين كتير بس أنا يمكن رجلي برضه عارفه انها تقيلية وبكبس دايما كيك داون

-------- يوم الترخيص العربيه خدت عين محترمه ولبست بلاعه مرتفعه في مقص العربيه اليمين وسمعت اصوات تكسير وبلاوي سوده ويومها اخدت بالي ان العربيه مش مصفحه من تحت وده عيب قاتل
-------- العربيه عاليه عن الارض وما بتحكش في المطبات حتي لو حمولتها كامله .......
-------- العربيه بطاريتها سايله وانا ما اعرفش المفروض اتعامل معاها ازاي وازود ميتها كل اد ايه ولا اخلي التوكيل يزودهالي ولا ايه ؟؟

متعملش فيها حاجة ياباشا هما في التوكيل بيبصوا عليها
--------- اداء التكيف مقارنة بالياباني كان غير مرضي لكن تعودت عليه مع مرور الوقت

تكيفها فعلا ضعيف بس مع الوقت بيزيد وبحس انه كويس بس بشغله بتاع 10 دقايق علي 4 وبعد كده بنزل
.................................................. ......................................................
العربيه واجهتني فيها مشكلتين
الاولي ......... يوم كنت بدورها الصبح وفجاه ال rpm قعد يلعب وهوب راح نازل وهوووووب راحت مبطله
طبعا ما عملتهاش تاني بعد ما سخنت وجربتها تاني يوم نفس الوضع فضلت تكركر وبعد كده ال rpm علي تاني بس ما بطلتش ..........رحت عل التوكيل حطها عالجهاز مالقاش حاجه قالي تلاقيها وساخة بنزين طبعا ما اقتنعتش بالكلام نهائي
وقلتله دا اسمه هزار انا مش في ورشه عاديه ... علشان تقولي وساخة بنزين
.........المهم قالي سيبها رفضت طبعا ومشيت فولت 95 وحطيت stp منظف للدورة كلها وبعدها باسبوع لقيتها ظبطت خالص الحمد لله وما فيهاش مشاكل والايدل تمام

حقيقي حسيت مره الصبح إنها حتعمل كده نفس الوصف اللي انت قولته تمام بس لحقت نفسها ومبطلتش بس مفيش كركره
هي ساعات بتعمل كده الصبح يطلع ال RPM كان حد بيزود بنزين وبعدين يرفع رجله فا محطتش في دماغي الصراحة وقولت عادي يعني مسخنتش لإنها لما بتسخن مبتعملش كده معايا خالص وحتي مقولتلهمش في الصيانة علي الموضوع ده


المشكله التانيه بقي ودي اللي معفرتاني............
العربيه يوم ما طلعت من المعرض حسيت انها ما فيهاش عزم ادوس بنزين تنعر وصوتها يعلي وما فيش عزم وانا مش واخد علي الالماني ولا اعرف نظمه بس التيوتا كانت بتشم بنزين تطير
المهم علشان ما اطولش عليكم
العربيه في ركنة الجراج عندي مطلع عالي شويه لما كنت بوقفها عليه اول ما جبتها ما كانتش بتتهز دلوقتي بقت بتقعد ترجع لورا وهي علي ال D
مش عارف ده طبيعي ولا ايه لاني جربتها علي كوبري وما رجعتش .........

انت كنت سألت مره عن الموضوع ده وقولتلك هي علي ال D بتمشي مش بترجع بس مجربتش في المطالع الجامده يعني الكباري العادي لأ مبتنزلش بتبقى ثابتة

التانيه ::الفتيس كانت عصايته ناشف اوي كنت بحس انها هتتكسر في ايدي وانا باديها ال D
لكن دلوقتي بقت ناعمه وعاديه

أنا فعلا بحس انه تقيل بس برضه الصبح بس وأنا بجيبه من ال P علي ال d أو ال r أول مره بس بعد كده بيبقي سلس عادي

كمان العربيه بين الاول والتاني بحس فيها بنطه كده بين الغيارين دول مش بتنقلهم بسلاسه
بس ما فيهاش رزعه ولا نتشه هي نطه فقط

ساعات بحس النطه دي

حاجه اخيرة اكتشفتها امبارح
لو علي سرعة 30 وشلت رجلي من علي البنزين وكبست تاني العربيه بتنتش نتشه مسموعه ومحسوسه ............... العربيه اتحطت علي السكان ..... مش قاريه اي حاجه وما اعرفش دا عادي ولا ايه ؟؟؟؟ يا ريت يا جماعه اي حد معاه العربيه يطمني او يسوق عربيتي ويقولي طبيعي ولا لا ؟؟؟

أعتقد انه الكيك داون ومتقلقش العربية لسه جديدة ولسه في الضمان
وانا تحت أمرك لو تحب نتقابل وتسوق عربيتي وأسوق عربيتك مفيش مشكلة

ولكم خالص الشكر والتقدير
واتمني ان ينال هذا التقرير اعجابكم
تحيه لكل اعضاء نايل موتور الكرام الذين لم يبخلوا علينا بارائهم وخبراتهم وارجوا ان تقبلوني بينكم اخا لكم وعذرا ان كان هناك تقصير في التقرير واذا كان المكان غير مناسب فبرجاء من المشرف نقل الموضوع الي مكانه المناسب

مبروك مره تانية وبعتذر لو كنت تطفلت عليك في موضوعك

استاذ
Admmostafa

حضرتك يا فندم نورت الموضوع
انا كده فعلا اطمنت ان اداء العربيه كده فعلا وما فيش عندي مشاكل ...
بالنسبه للثبات حضرتك انا ذكرت ان العجل ضغطه كان معدي 40 وده لوحده كفيل بانه يخلي العربيه يحصل مشكله في ثباتها او لا قدر الله توصل لحد حادثه ولكن انا اخدت الصحراوي كله يومها علي 160 وكان مجرد احساس ان العربيه خفيفه وبتروح مع لمسة الدريكسون واكتشفت موضوع ضغط العجل ده بعدين
...
هو صراحه انا مش عارف الضغط المفروض يكون كام
انا بعمل اللي قدام 33 واللي ورا 30 بس لسه مش سالتهم في التوكيل .............
وبعيدا عن السيارات وكل شيء انا تشرفني يا فندم مقابلة حضرتك ويكون لي الشرف بالتعرف علي اخ فاضل مثل حضرتك ........

وبالنسبه لبنزين 92 و 95
الكتالوج مكتوب فيه 95 is recommended واكيد الموتور بيطلع اقصي قدرة حصانيه ليه مع رقم الاوكتان ده والله اعلم
ممكن اداء العربيه يكون مرضي لحضرتك وغير مرضي ليا او العكس انا قيمت الاداء من وجهة نظري انا مقارنة مثلا باللانسر والتيدا والكورولا ........... بس ذكرت اني لما بدات اقارنها بالالماني عرفت ان كل الالماني بطيء في التسارع بتاعه في البدايه...

</B>ibn_seena
اولا الف مبروك العربية وربنا يديك خيرها ....حضرتك كنت رديت عليا قبل كده فى طلب مساعدة عن الكورسا وفضلتها عن التيدا
...بصراحة تقريرك فى منتهى الحيادية واشكرك جدا عليه .......وبشكر الاستاذAdmmostafa على المعلومات اللى أضافها لكن بصراحة يا جماعة انا كده بقيت متخوفة من العربية دا غير فيه حاجات كتير معنديش عنها فكرة بصفتى سيدة ومعرفتى بالميكانيكا تقريبا مفيش...دا غير موضوع إستهلاك البنزين العالى وخصوصا بعد التصريحات الجديدة بزيادة الاسعارمع إن مكتوب فى بيانتها ان استهلاكها مع الاوتو 6.2 لكل 100 كيلو والمانيول 5.2 !!!!اما مسالة السرعة والحاجات دى فا مش مهم عندى المهم توافر قطع الغيار عند الحاجة لها والتوكيل يكون محترم وآداء العربية على قد سعرها وسمعتها وإلا ممكن الواحد يجيب حاجة تقريبا بثلاث اربع التمن ومتوفر قطع غيارها وتوكيلها معقول...بجد الحل ايه انا تقريبا كنت قررت اجيبها على اول الشهر لكن اسرتى منقسمين ما بين التيدا والايفو وانا عايزة الكورسا لإن حجمها مناسب وإمكانياتها معقولة وشكلها مقبول عندى أكتر..و لإنى تقريبا ها أركبها لوحدى مش كأسرة وما يمنعش ان اولادى يستخدموها احيانا.....

يا باشا الكورسا عربيه محترمة جدا ....
وشياكه وفخامه واعتماديه. انا. كنت بعمل في اليوم الواحد اكتر من 300 كيلو في حر رمضان. ...
وبالنسبه للعيوب. فاكتر عيب مدايقني. او شايفه عيب فعلا. هو استهلاك البنزين المرتفع. وكل الناس قالت ان الاستهلاك بيتحسن مع الوقت ...
لكن تسارع وكده فدي مش عيوب بالنسبالي ولكن ذكرتها للحياديه. .....
التيدا ما رضيتش اتفرج عليها اصلا. شكلها. اع.
..
..
عندك الفيستا كمان بس برضه استهلاكها عالي في البنزين
عندك كيا ريو. وبرضه استهلاكها عالي. وعندك لانسر شارك. ... استخير ربنا وتوكل علي الله وشوف اللي انت مقتنع بيه علشان ما تجيبش عربيه مش مقتنع بيها وتندم حتي لو ما فيهاش اي عيوب