الموضوع: سبب ارتفاع اسعار هيونداي

المشاركة الأصلية كتبت بواسطة invensys2011

انا عن نفسي هبطل اسأل عن اراء الناس عن العربيات هنا في المنتدى لان الموضوع للاسف بيتقلب للتعصب
للعربيات و مفيش اراء عن تجربة و خبرة

سلام عليكم ....

مبدأيا بس أنا زي ما قولت لحضرتك ممعيش عربيات دلوقتي ( بقالي حوالي اسبوعين ) يعني مش موضوع تحيز ولا حاجة .. أنا والله بتكلم للمصلحة العامة وبمنتهى الامانة .. وعموما نحلل الكلام بشكل موضوعي اكتر وهحاول اتفادى الكلام اللي ممكن يزعل ..

- موضوع البدائل متهيألي خلصنا منه ، وفيه بدائل كتير ، طيب ليه بقول ان اي بديل من الل ذكرته او ما شابه برقبة الكوري ، مش عشان بركب اوروبي ولا ليه نسبة في اي توكيل اوروبي والله ، بس لسبب بسيط جدا ، اني ركبت الاتنين وملقيتش اي حاجة في الكوري تنافس حتى الاوروبي ، لا شكل ولا جودة ولا ثبات ولا خامات ولا فرامل ولا تكنولوجيا ولا الهوا ، حاجة اسغفر الله العظيم تحرق الدم ...

وعلى فكرة انا اشتريت الالنترا الجديدة وقعدت معايا بتاع شهر ونص ، ومستحملتش اكتر من كده ، قلت وانا بشتريها اكيد المستوى بتاع الكوري اتحسن والناس بتشكر فيها ، وجرب يمكن انت ظالمها ، والله اتأدكت اكتر من وجهة نظري وبعنها وانا مستغرب من اللي بيشتريها ويدفع فيها مستعمل 120000 جنيه ، حتى الكماليات اللي فيها تيجي تقارنها بنفس الكماليات في الاوروبي ، مفيش مقارنه ، فرق بين السما والعما ، ثبات في الضياع ، خامات في البلاستيك ..


تحياتي

تنبيه :
تم حذف العبارات الغير لائقة و رجاء من السيد العضو المحترم الالتزام بقواعد المنتدي و قسم هيونداي

الموضوع معمول لشرح سبب زيادة سعر سيارات هيونداي
يعني الموضوع خاص بهيونداي و مالكي الهيونداي

أيه اللي حشر الأوروبي و الفئات التانية في الموضوع ؟
للأسف هانضطر نحذف المشاركات الخارجة عن الموضوع كي يظل الموضوع في سياقه الاصلي


تم الحذف بالفعل للمشاركات المخالفة لقواعد المنتدي و ميثاق قسم هيونداي

المشاركة الأصلية كتبت بواسطة se_coralsea

الموضوع معمول لشرح سبب زيادة سعر سيارات هيونداي
يعني الموضوع خاص بهيونداي و مالكي الهيونداي

أيه اللي حشر الأوروبي و الفئات التانية في الموضوع ؟
للأسف هانضطر نحذف المشاركات الخارجة عن الموضوع كي يظل الموضوع في سياقه الاصلي


تم الحذف بالفعل للمشاركات المخالفة لقواعد المنتدي و ميثاق قسم هيونداي

ممكن من فضلك اعرف ميثاق قسم هيونداي ؟

الغريبة برضو ان الناس لما متلقيش رد منطقي ، يقولك انت بتدخل الاوروبي ليه .. طب لما هو مفيش رد منطقي والحقيقة بتزعل قوي كده .. مين بقه اللي غاصبكم على كده .. ايه يعني السر طيب عشان نفهم ؟؟