الموضوع: العربية رجعت وفيها 60 الف جنيه؟؟؟؟؟؟؟؟؟؟؟

واحده واحده معايا يا جماعه لان الموضوع ده فيه ثغرات غريبه

أولا : لو حد فينا اتسرقت عربيه ورجعت فيها فلوس وجواب شكر - برغم ان ده عمره ما يحصل - هيكون قدامه حلين :
1- انه يروح يبلغ وغالبا الفلوس هتتاخد منه
2- انه ياخد الفلوس ويسكت وخلاص
وفى الحالتين مش هيقول لحد لانه لو قال انه راح بلغ وسلم الفلوس الناس هتقول عليه مجنون ومش هتصدقه ولو قال انا لاقيت الفلوس واخذتها الناس هتقر عليه وهتبقى فلوس منظوره فمش هيفضح نفسه ويعمل الهليله دي صح !!

ثانيا : هفترض دلوقتي اني مستشار وعربيتي اتسرقت وبعد يومين جالي اتصال ان العربيه موجوده فى شرم - بغض النظر انهم جابو نمرته منين - تصرف واحد مستشار هيكون ايه ؟
هل هيروح يجري على شرم عشان يشوف العربيه هناك فعلا ولا لأ ؟
ولا هيطلع على مديرية الامن وهناك فى دقايق هيكونوا اتصلوا بمديرية امن جنوب سينا الى هيكلمو بالاسلكي أقرب امين شرطه للمكان الى قالولو عليه عشان يتأكدو وكان هيعرف العربيه موجوده فعلا ولا لأ قبل ما يخلص قهوته " احنا بنتكلم عن مستشار مش ظابط جيش او شرطه حتى"

لكن فكرة ان مستشار ياخد نفسه ويسافر لشرم عشان حتت تليفون جاله بيقوله ان عربيته فى شرم !!!!!!

لو اتبنينا الاتجاه ده هنلاقي سيناريوهات كتير لو افترضناها هتبرر كتير من الاحداث الغريبه فى القصه الغريبه دي
لكن هنرجع ونقول احنا بنحاول نحلل الحادثه دي من جميع الاتجاهات
لان فى حلقات كتير غير مفهومه وده معناه ان فى حاجه غلط حصلت أو لسه هتحصل