الموضوع: العربية رجعت وفيها 60 الف جنيه؟؟؟؟؟؟؟؟؟؟؟

طيب احنا عاملين نقول وطعمية ونعيد ونزيت وسمنة ...طيب ماللي كاتب الموضوع يسأل صحبة اللي يعرف المستشار ويقوله وصلت لايه ....هههههههههههههههه

المشاركة الأصلية كتبت بواسطة المنسي

من الواضح ان الناس هنا كل واحد بيحلل الموضوع ودماغه عليت فكل واحد تخيل حاجة طيب انا ببساطة كده مثلا لو عربية اتسرقت ايه الطبيعى اللى المفروض يتعمل ممكن واحد على طول يجرى على القسم يبلغ وممكن واحد تانى تفكيره يقول له استني لما يتصلو بيا وادفعلهم واخد عربيتي ماهو كده كده الشرطة مش هتعمل حاجة فممكن الاخ صاحب العربية يكون ده اللى حصل معاه اولا عربيته استرقت وملحقش يبلغ وراحو مكلمينه

استاذ منسي حضرتك فاتح موضوع للنقاش العام وزي ما عرضنا الموضوع وحللناه من وجهة نظر واحده - وده كان خطأ مني - فكان لازم نعرض الاتجاه الاخر ونحلله برضو ونظهر مواضع الشك فيه
فمفيش داعي ان حضرتك تضايق لو طرحنا فكرة - مجرد فكرة ولم نتهم احد بشكل يقيني برغم كل الثغرات - ان صاحب العربيه قد يكون له دخل فى الموضوع ؟

اولا بخصوص التبليغ :
الطبيعى اى حد بينزل من بيته مش بيلاقى عربيته اول حاجه بيعملها انه يبلغ
خصوصا انها مش مسروقه منه بالقوه وساعتها بتتاخد العربيه بالرخص ومعاهم موبيل صاحب العربيه عشان يتواصل معاهم بشكل اسرع لدفع الفدية
وده طبعا محصلش فايه الى هيخليه يستنى ميبلغش ؟؟

ثانيا فترة التبليغ :
حضرتك قولت قبل كده انهم اتصلو بيه بعد ما العربيه اتسرقت بيومين مش فى يومها وده كلامك بالنص :

المشاركة الأصلية كتبت بواسطة المنسي

انا هاقولكم على الحكاية بقي من اولها لاخرها العربية دى عربية مستشار او ماشابه واتسرقت من تحت بيته وبعدها بيومين ناس كلموه وقالوله عربيتك فى شرم الشيخ طبعا قالك اسافر واروح يمكن الاقيها وبالفعل راح ولقاها فى المكان اللى قالوله عليه راح واخدها وراجع بيها على القاهرة

..................................................

احتمال - بقول احتمال - تكون قصه السرقه والرجوع كلها قصه مختلقه خشية افتضاح حادئه اخرى قد تكون على سبيل المثال

استخدام السلاح شخصى فى جريمه ما وخشية افتضاح امرها بعد ذلك
فى الحاله دي هيتقال ان يوم الحادثة كان السلاح فى العربيه وكانت العربيه مسروقه والناس كلها عارفه كده

وممكن يكون صاحب السياره علي علم بأخذ السياره وحدث خلاف لاي سبب فذهب بنفسه لاخذ السياره من شرم
وقد يكون ابن صاحب السياره هو المتورط فى هذه العمليه ودور والده هو محاولة اخراجه من هذه الورطه
خصوصا لو عرفنا ان الشهر الى فات كله كان الدنيا كلها مقلوبه فى سينا واى عربيه بتدخل او تطلع من سينا بيتم تصويرها اثناء مرورها فى النفق ثم رصدها و تسجيل ارقمها فى بعض الكمائن
واعتقد ان صاحب السياره يعرف كده ( أو تنبه له متأخر )

وذي ما احنا ناقشنا الموضوع من وجهة نظر لازم نحاول نبص للموضوع من زاويه مخلتفه حرصا على حضرتك برضو لأن فى بعض الامور الغريبه فى الموضوع
1- ذهاب صاحب السيارة بنفسه لشرم لمجرد ان واحد اتصل بيه وقاله العربيه هناك - بغض الطرف عن حصولهم على رقم هاتفه .
2- على غير المتوقع محاولة اذاعة الصيت لحادثة سرقه السيارة ورجوعها بمبلغ مالي مرفق معه جواب شكر

واتمني من حضرتك انك متاخدتش الموضوع بمحمل شخصي لان زي ما واضح من كلامك عدم وجود صله قويه بينك وبين صاحب السياره لعدم معرفتك لمهنتة بصوره دقيقه
وان كنت اتمنى انك تقدر تقنع حد من المقربين ليه انه يبلغ كي يربأ بنفسه عن شبهات أو مشاكل قد تواجه مستقبلا
لان بغض النظر عن دور صاحب السياره سواء جاني او مجني عليه واضح من ردود اغلب الاعضاء ان رأيهم انه الموضوع لم ينتهي بعد

واخيرا سيدي الفاضل نحن لا نتهم أحد ولكن ننقاش الموضوع من كل الجوانب وجميع الاحتمالات حتى لو كانت ضعيفه


تحياتي