دواسة الدبرياج بتزييق

**Ahmed A Rahman** · 24-09-2012 10:37 PM

لما تيجوا تزيتوا الدبرياج تزيتوه من نقطتين :

اول نقطة مفصل الدواسة من جوا

ثاني نقطة السلك في الكبوت الصنايعي بيفك كاوتشة سودا وبيبخ جوا الماسورة البلاستيك اللي ماشي فيها السلك شحم سايل او برضه wd40 زي الدواسة

انا بعمل كده كل 10 وعمرها ما بتزيق ابدا رغم اني عديت 83000

**Egyzizo** · 25-09-2012 06:36 AM

المشاركة الأصلية كتبت بواسطة ahmed a rahman

لما تيجوا تزيتوا الدبرياج تزيتوه من نقطتين :

اول نقطة مفصل الدواسة من جوا

ثاني نقطة السلك في الكبوت الصنايعي بيفك كاوتشة سودا وبيبخ جوا الماسورة البلاستيك اللي ماشي فيها السلك شحم سايل او برضه wd40 زي الدواسة

انا بعمل كده كل 10 وعمرها ما بتزيق ابدا رغم اني عديت 83000

المفروض انهم عارفين الكلام ده فى مراكز الصيانة الرسمية للعربية
ايه السر انهم مش بيحلو المشكلة دى بالرغم من الابلاغ عنها اكتر من مرة بالرغم من سهولة الحل ده؟

**Ahmed A Rahman** · 25-09-2012 10:39 AM

استسهال بعيد عنك

اعملها عند اي ميكانيكي واديله 5 جنيه

**sherifboo** · 28-09-2012 05:53 AM

المشاركة الأصلية كتبت بواسطة amirboulos

مع احترامي لكلام حضرتك ...انا شاري عربيه زيرو مبقالهاش ٦ شهور علشان اروح عند ميكانيكي ....امال البهوات بتوع التوكيل بيعملوا ايه

دول فعلا بهوات..... لازم منسيبش حقنا و لازم نفتكر ان دي وظيفتهم و احنا مابنفتريش عليهم و انا كمان عندي زي طقة خفيفة كده في البوش قبل فصل التروس في دواسة الدبرياج... حد عنده الموضوع يااااااريت حد يفيدني انا دايما يبقى على طريق سفر و ربنا يسترها علينا كلنا

**Egyzizo** · 28-09-2012 06:22 AM

المشاركة الأصلية كتبت بواسطة amirboulos

اتمني انها تتحل عند حضرتك ويا ريت تبقي تقولي ايه اللي حصل ... بس خلي بالك متتنازلش عن حل نهائي علشان انا رحت توكيل العبور (اللي هو انضف توكيل لرينو) وبعد شكوي كتبتها ع الول بتاعتهم وكانت هي دي مشكلتي بس ورحت بدري وقالي هنرش لك wd واتلطعت من 9 ل 11.30 والعربيه طلعت زي ما هي والمهندس المسؤل حاول يقنعني ان التزيقه خفت وانا للأسف كنت مستعجل ومشيت وبعد اسبوع رجعت اصعب من الأول

أقول لك بقى يا سيدى ايه اللى حصل ..
رحت النهارده العبور وأنا متحفز
وقلت للمهندس أنى اشتكيت من الموضوع ده 4 مرات قبل كده ، وماكانش بيتعمل ومش هاتنازل النهارده عن حل نهائى للمشكلة دى وأنا قاعد لكم ..

العربية دخلت ، وخرجت يا باشا والدواسة آخر حلاوة .. اسهاااااااااااااااااااااا ااااااااااااااااال ..
عالم ما بيجوش غير بالعين الحمرا ..
قلت زيادة فى الاحتياط يا واد لف شوية فى العبور علشان لو التزييقة رجعت واللا حاجة .. رحت بصيت على كارفور ، وعديت على أكوا بارك أشوف النظام والتذاكر .. وكله تمام وأنا مبسوط لأنى استعدت احساس الدبرياج لما كانت العربية زيرو.

أخذت العربية أروح بلدنا وأنا حاسس بنشوة الانتصار انى أخدت حقى منهم ..
طلعت على الدائرى ..
يا دوب دخلت على الزراعى ولقيت التزييق بدأ يرجع تانى .. حاسس بيه فى رجلى بس مافيش صوت .. قلت بيتهيأ لى ..
لكن على ما وصلت بلدنا، لقيت صوت التزييق بيخرم وداني، ورجعت ريما لعادتها القديمة وكأنك يا أبو زيد ما غزيت ..

ودى قصة رحلتى النهارده من الساعة 6 صباحاً لما خرجت من بيتنا وحتى 6 مساءاًَ لما دخلت بيتنا ..

**amirboulos** · 29-09-2012 10:58 PM

المشاركة الأصلية كتبت بواسطة egyzizo

أقول لك بقى يا سيدى ايه اللى حصل ..
رحت النهارده العبور وأنا متحفز
وقلت للمهندس أنى اشتكيت من الموضوع ده 4 مرات قبل كده ، وماكانش بيتعمل ومش هاتنازل النهارده عن حل نهائى للمشكلة دى وأنا قاعد لكم ..

العربية دخلت ، وخرجت يا باشا والدواسة آخر حلاوة .. اسهاااااااااااااااااااااا ااااااااااااااااال ..
عالم ما بيجوش غير بالعين الحمرا ..
قلت زيادة فى الاحتياط يا واد لف شوية فى العبور علشان لو التزييقة رجعت واللا حاجة .. رحت بصيت على كارفور ، وعديت على أكوا بارك أشوف النظام والتذاكر .. وكله تمام وأنا مبسوط لأنى استعدت احساس الدبرياج لما كانت العربية زيرو.

أخذت العربية أروح بلدنا وأنا حاسس بنشوة الانتصار انى أخدت حقى منهم ..
طلعت على الدائرى ..
يا دوب دخلت على الزراعى ولقيت التزييق بدأ يرجع تانى .. حاسس بيه فى رجلى بس مافيش صوت .. قلت بيتهيأ لى ..
لكن على ما وصلت بلدنا، لقيت صوت التزييق بيخرم وداني، ورجعت ريما لعادتها القديمة وكأنك يا أبو زيد ما غزيت ..

ودى قصة رحلتى النهارده من الساعة 6 صباحاً لما خرجت من بيتنا وحتى 6 مساءاًَ لما دخلت بيتنا ..

مش قلت لك يا عزيزي ..اش حال ما انا منبهك وقايلك علي اللي فيها...انا حصل معايا زيك بالظبط واديني محتار ومش عارف اعمل ايه ....اضرب مشوتر للعبور تاني وانا ساكن في الجيزه ولا اروح المقطم ولا اعمل ايه ...انا الدواسه عندي بقت عامله زي ما تكون مفصله باب اثري

**zemoss** · 30-09-2012 08:28 PM

طبعا وبالتأكيد ... نفس المشكلة ... وانتهت بإن التوكيل عايز يغير لي طقم الدبرياج ... كتبت الكلام ده في موضوع عن تقييم العربية بعد السبعين ألف ... لو حد لسه موصلش للرقم ده يا ريت يقرأه علشان يستفيد من التجربة

http://www.nilemotors.net/Nile/310859-a.html

**proper1981** · 01-10-2012 12:24 AM

يا جماعة انا غيرت طقم دبرياج كامل في صيانة ال70 الف بسبب موضوع التزييق ده
بعدها بشهرين رحع التزييق زي الاول بالضبط
انا زهقت من الموضوع ده

الموضوع: دواسة الدبرياج بتزييق

LinkBack

أدوات الموضوع

عرض

-

-

-

-

المواضيع المتشابهه

صوت تكة فى دواسة الدبرياج

صوت طقه فى دواسة الدبرياج

دواسة الدبرياج

نقر فى دواسة الدبرياج

زيت تحت دواسة الدبرياج

الكلمات الدلالية لهذا الموضوع

المفضلات

المفضلات

ضوابط المشاركة