الموضوع: وإليكم التقرير الوافى فى شراء الجين تو

المشاركة الأصلية كتبت بواسطة tutankhamoun

أستاذ مرموش .............
ألف مبروك ............ على سيارتك الجديدة
ربنا يباركلك فيها يارب و يحفظك من شر الطريق

ياريت سؤال بعد اذنك

هو حضرتك عرفت منين إن الفتيس الأوتو بتاعها من إنتاج ميتسوبيشي

لأني اللي أعرفه إن العربية بالكامل ما بين لوتس و بروتون فقط و بعيدة تماما عن ميتسوبيشي بعكس موديلات أخرى من بروتون

فياريت حضرتك تأكدلنا المعلومة

و ألف مليون مبروك ...............

أولا شكرا ليكم جميعا على الوح الجميله دى

ثانيا بالنسبه لموضوع الفتيس:

مكتوب على لوحة السياره الموجوده عند الموتور تحت المساحات نوع الموتور و موديل الفتيس ومن النت قدرت أعرف تاريخه و تصنيعه
أيضا مكتوب على مقياس الزيت بتاع الفتيس MITSIBISHI

و أى خدمه و تحت أمركم فى أى أستفسار و شكرا لكل من ساهم بأعطاء رأيه فى هذا المنتدى لمساعده من يريد الشراء

المشاركة الأصلية كتبت بواسطة som3aa

و الله فعلا حضرتك اكتر واحد تقدر تفيدنا عن العربية لان العربية بقالها معاك كتييييييييييير اوىىىىىىىىى و عامل بيها كتيررررررر اوى , 1500 كيلو بحالهم؟؟؟؟ دانتا كدا قربت على عمرة للموتور , فاضلك 198.5 الف كيلو بس على العمرة!!!!
بصراحة شهر كتير اوى اوى اوى على العربية , يعنى كدا كل عيوبها ظهرت و كل حاجة بانت و حضرتك اتاكدت انها عربية ممتازة و مفيهاش عيوب و كل حاجة.
و انا الصراحة اطمنت لما سمعت كلام حضرتك اللى عن تجربة (لمدة شهر).

الله يبارك فيك يا أستاذ SOM3AA

المشاركة الأصلية كتبت بواسطة m_marmoush

تم بحمد الله إستلامى للجين تو موديل 2008 أوتوماتيك فتحة كابوت على الشمال و قبل مابداء أحب أهنى الأستاذ أحمد صيام على حل مشكلته و يفك كربته أن شاء الله وححاول أذكر بعض النقط الفنيه للعربيه عشان يبقى التقرير وافى للى عاوز يشترى العربيه.

بدايه العربيات اللى سوقتها قبل الجين تو هى أوبل كورسا 1200 مو 1997 و تويوتا كورولا أوتوماتيك 1300 مو 2007 و لانسر برضه زيها.

السياره دلوقتى بقالها حوالى شهر معايا و عامله 1500كم
إليكم بعض الحقائق الفنيه:
- الموتور هوهوه الكامبرو العادى بس بأختلاف المانافول وال Ecu
- الفتيس الأوتوماتيك من أنتاج شركة ميتسوبيشى اليابانيه موديل F4a41 وده كان راكب ف الميتسوبيشى جالانت 1998-2000, وفى الجين تو القديمه 2006-2007 كان الفتيس الأوتوماتيك اللى راكب موديل F4a21 وده كان راكب في اللانسر الكريستاله أو البطه مش فاكر بالضبط
ال Abs &ebd من أنتاج شركة Bosch الألمانيه
- العفشه ممتازه وعاليه ومناسبه للطرق المصريه وطبعا ثبات غير عادى على السرعات العاليه (مابفكرش أهدى على أى ملف و بخده على أى سرعه)
- أستهلاك البنزين معقول بالنسبه لسياره 1600 أوتوماتيك , بيعمل حوالى 200 فى الصفيحه بالتكييف جوه البلد و 285 بالتكييف على الصحراوى
- السحب عامه أحسن من اللانسر 1300 أوتوماتيك بمراحل و أفضل من الكورولا 1300 أوتوماتيك بحاجه بسيطه بس دة يرجع لثقل وزن العربيه وصاجه المحمل اللى أفضل بكتير من الكورولا و اللانسر مع أحترامى ليهم طبعا, بس طبعا بيقل مع التكييف و ده طبيعى فى كل العربيات لما التكييف يشتغل
- العيوب القديمه فى التقفيل تم تلافيها و تم تغيير الكاسيت و أصبح بالشاشه الجديده ولكن أوديو كما هو
- بالنسبه لبعض اللى سمعته عن لاعربيه من عيوب فده مالوش أى أساس من الصحه و عباره عن ناس متعرفش شكل العربيه أساسا أو عارفه شكلها بس ماركبتهاش و بتتكلم عن السمع و بتفتى لأن العربيه ممتازه و مافيهاش أى حاجه من دى و عن تجربه و هى بالظبط زى ماقال الأستاذ توت
- نصيحه للى عايز يشتريها يتوكل على الله و مايترددش لأن العربيه ممتازه و تستاهل

مبروك الاستلام
بس انتى بتقارنها فى السحب مع 1300 لية ؟؟
هى كويسة وهاتعجبك وخصوصا انك بتجرى ومش بتهدى فى الملفات ياترى التويوتا والانسر بيعملو كدة برضة ؟!!!
ربنا يديك خيرها

سبحان الذى سخر لنا هذا وماكنا لة مقرنين وانا الى ربنا لمنقلبون

فى التويوتا لأ طبعا و بحاسب فى الملفات و خصوصا أنها بتعوم بعد ال 100 لو فى ريح شديده على الطريق زى طريق القطاميه العين السخنه

على فكره أنا جربت ثبات الجين الجين توعلى طريق صلاح سالم فى الملف اللى بين الأزهر بارك والقلعه وده أنا بعتبره من أخطر الملفات وكل مره و أنا معدى أرفع لاسرعه و أجرب الثبات و العربيه بسم الله ماشاء الله خدته أخر مره على 90كم وممكن تاخده على أكتر من كده بس انا محبتش أغامر وأكتفيت بكده مع أن معظم العربيات يادوب تاخده على 60-70كم ودى أخر تجاربى معاها

بالنسبه لمقارنتها مع ال 1300 فده لسبب أن هى دى العربيات بتاعة العيله اللى بسوقها وطبعا خرجت من الأفيو بتاعت أخويا من المقارنه لأنها متعرفش يعنى أيه ثبات

تم بحمد الله عمل صيانة ال5000 بدون أى عيوب أو مشاكل والحمد لله
وبالمناسبه ححكيلكو على موقف حصل معايا وأنا رايح نادى وادى دجله الموجود بالتجمع الخامس أمام أكاديميه الشرطه . وأنا بركن العربيه وقفنى واحد معاه لانسر2007 1600 أوتوماتيك فتيس Cvt وسألنى على العربيه و أخبارها أيه معايا لأن دى عربية والده و هو عاوز يشترى لنفسه و احده مستقله و محتار يجيب أيه. طبعا شكرتله فيها , فطلب أم أحنا نشد مع بعض على الطريق بره فى التجمع عشان يعرف الفرق بينها و بين اللانسر لأن موضوع السحب ده نسبى, بينى و بينكم الموضوع شدنى عشان أعرف حتى أمكانيات العربيه (عربيتى برضه أوتوماتيك)
المهم طلعنا بره على الطريق و أبتدينا شد و طبعا حطيط رجلى على البنزين و مشلتهاش لحد ماوصلت لل 120 و بعدين هدينا لان الطريق كان عليه عربيات و ميستحملش و إليكم النتائج

الغيار الأول جاب 50 وبعدين نقل و الثانى جاب 100 و بعدين نقل
اللانسر سبقت فى الأول لمده 4 ثوانى وبعدين حصلتها, مش كده وبس ... ده كمان طلعت منه وبعد كده الفرق بينا بقى ثابت لحد مهدينا سرعه

طبعا صاحب اللانسر كان مش مصدق (ولا أنا) و قعد يسألنى عن العربيه فى كل حاجه بالتفصيل و حتى قعد يتفرج عليها من جوه.

مع الأعتذار لمحبى اليابانى مقدما لأنى عارف الهجوم حيبقى أزاى

ياسيدى ربنا يبارل فيها ويكفيك شرها والله انا بعشق العربية دى جدا:drool5: ومستنى -باذن الله- اما تنزل الفيس ليفت اللى بصراحة متوقع اما تنزل اغلى من السبورت باكج او تقل امكانياتها كان مينزلوش ebd مثلا او اشترى السبورت باكج الحاليةوربنا ييسر ما فيه الخير بالمناسبة لو حضرتك قرأت الكاتالوج بتاعها ايه الفرق فى الأمكانات بين اللى بتنزل مصر و اللى بتنزل بره؟؟؟؟؟؟ انا على حسب علمى عارف ان اللى بره فيها mp3 و 4 air bag (موديل 2008).... ولو في اى عيوب صادفتك -لاقدر الله- ياريت تذكرها لنا , معلش دوشتك!!

اسلام ابراهيم-مهندس ميكانيكا - الشركة العربية لأنابيب البترول(سوميد)

بالمناسبة يا باشا هل يوجد فى موديل 2008 فرش بيج ؟؟؟؟؟بصراحة كنت بحبه جدا فى الموديلات السابقة بالذات مع لون السيارة الرمادى والبرتقالى

موضوع الmp3 مش حقدر أفيدك فيه بس بتاعتى أوديو بس الشاشه الجديده
بالنسبه لموضوع الفرش فموديلات 2008 كلها أسود مش بيج بس أنا شايفه ميزه مش عيب عشان الوساخه والتراب فحيتعبك جدا