وإليكم التقرير الوافى فى شراء الجين تو

**m_marmoush** · 03-07-2008 07:50 PM

تم بحمد الله إستلامى للجين تو موديل 2008 أوتوماتيك فتحة كابوت على الشمال و قبل مابداء أحب أهنى الأستاذ أحمد صيام على حل مشكلته و يفك كربته أن شاء الله وححاول أذكر بعض النقط الفنيه للعربيه عشان يبقى التقرير وافى للى عاوز يشترى العربيه.

بدايه العربيات اللى سوقتها قبل الجين تو هى أوبل كورسا 1200 مو 1997 و تويوتا كورولا أوتوماتيك 1300 مو 2007 و لانسر برضه زيها.

السياره دلوقتى بقالها حوالى شهر معايا و عامله 1500كم
إليكم بعض الحقائق الفنيه:
- الموتور هوهوه الكامبرو العادى بس بأختلاف المانافول وال Ecu
- الفتيس الأوتوماتيك من أنتاج شركة ميتسوبيشى اليابانيه موديل F4a41 وده كان راكب ف الميتسوبيشى جالانت 1998-2000, وفى الجين تو القديمه 2006-2007 كان الفتيس الأوتوماتيك اللى راكب موديل F4a21 وده كان راكب في اللانسر الكريستاله أو البطه مش فاكر بالضبط
ال Abs &ebd من أنتاج شركة Bosch الألمانيه
- العفشه ممتازه وعاليه ومناسبه للطرق المصريه وطبعا ثبات غير عادى على السرعات العاليه (مابفكرش أهدى على أى ملف و بخده على أى سرعه)
- أستهلاك البنزين معقول بالنسبه لسياره 1600 أوتوماتيك , بيعمل حوالى 200 فى الصفيحه بالتكييف جوه البلد و 285 بالتكييف على الصحراوى
- السحب عامه أحسن من اللانسر 1300 أوتوماتيك بمراحل و أفضل من الكورولا 1300 أوتوماتيك بحاجه بسيطه بس دة يرجع لثقل وزن العربيه وصاجه المحمل اللى أفضل بكتير من الكورولا و اللانسر مع أحترامى ليهم طبعا, بس طبعا بيقل مع التكييف و ده طبيعى فى كل العربيات لما التكييف يشتغل
- العيوب القديمه فى التقفيل تم تلافيها و تم تغيير الكاسيت و أصبح بالشاشه الجديده ولكن أوديو كما هو
- بالنسبه لبعض اللى سمعته عن لاعربيه من عيوب فده مالوش أى أساس من الصحه و عباره عن ناس متعرفش شكل العربيه أساسا أو عارفه شكلها بس ماركبتهاش و بتتكلم عن السمع و بتفتى لأن العربيه ممتازه و مافيهاش أى حاجه من دى و عن تجربه و هى بالظبط زى ماقال الأستاذ توت
- نصيحه للى عايز يشتريها يتوكل على الله و مايترددش لأن العربيه ممتازه و تستاهل

**OlaOsman** · 03-07-2008 08:17 PM

لسه صحبتي مستلمة واحدة من يومين بالظبط.. زوجها هو اللي بيسوقها و معجب بيها جددددددا.. هي برضه 1600 أوتوماتيك.. لما نووا يشتروا رشحتهالهم بشدة و اديتهم لينكات المواضيع اللي في المنتدى اللي بتتكلم عن العربية و خدوا قرارهم بحيادية تااااااااااامة و من غير أي ضغوط تذكر مني

ربنا يبارك للجميع يا رب :)

**Zordon** · 04-07-2008 12:20 AM

الف مبروك على العربية يا باشا و ربنا يديك خيرها و يكفك شرها انا خلاص خدت القرار و باذن الله نازل ادفع مقدم حجز لعربية فى الدعة اللي جاية (22-7) بس لسة مرستش على اللون

**Mzeid** · 04-07-2008 12:23 AM

1000 1000 مبروك ....
:):)

**Ahmed Samy** · 04-07-2008 01:11 AM

1-صفر للجين تو :)

**SAbuhashem** · 04-07-2008 03:07 AM

المشاركة الأصلية كتبت بواسطة Ahmed Samy

1-صفر للجين تو :)

أهلاً
إيه يا دكتور أحمد إنت جايب البوتاجاز معاك النهاردة واللا إيه :)

مبروك لصاحب العربية وربنا يحفظك من وحوش الشوارع في مصر

Thanks
Eng.Sherif Shaker

**hazem_khidr** · 04-07-2008 04:55 AM

الف مبروك و ربنا يحمهالك :)

**sammor_28** · 04-07-2008 05:26 AM

الف مبروك عالعربيه ياباشا ربنا يباركلك فيها ويحفظهالك

**tutankhamoun** · 04-07-2008 08:32 AM

أستاذ مرموش .............
ألف مبروك ............ على سيارتك الجديدة
ربنا يباركلك فيها يارب و يحفظك من شر الطريق

ياريت سؤال بعد اذنك

هو حضرتك عرفت منين إن الفتيس الأوتو بتاعها من إنتاج ميتسوبيشي

لأني اللي أعرفه إن العربية بالكامل ما بين لوتس و بروتون فقط و بعيدة تماما عن ميتسوبيشي بعكس موديلات أخرى من بروتون

فياريت حضرتك تأكدلنا المعلومة

و ألف مليون مبروك ...............

**PRO-DRIVE** · 04-07-2008 09:55 AM

المشاركة الأصلية كتبت بواسطة tutankhamoun

هو حضرتك عرفت منين إن الفتيس الأوتو بتاعها من إنتاج ميتسوبيشي

لأني اللي أعرفه إن العربية بالكامل ما بين لوتس و بروتون فقط و بعيدة تماما عن ميتسوبيشي بعكس موديلات أخرى من بروتون

فياريت حضرتك تأكدلنا المعلومة

و ألف مليون مبروك ...............

لو نفسه اللي في برسونا يبقي صح هو بتاع متسوبيشي

The Persona is available in Base, Medium and High Line model form, with a choice of F5M41 five-speed manual or F4A41 four-speed automatic transmission

http://www.mbf.com.my/showthread.php?t=1599