الموضوع: وإليكم التقرير الوافى فى شراء الجين تو

أستاذ توت قال أنه فيه وصله aux بتركبله فى التوكيل في حدود 100 جنيه تقدر تركب عليها mp3 player بس أنا مركب fm modulator و شغال زى الفل

على فكره أداء العربيه دى بتتاثر جامد بالبنزين اللى فيها ....... كنت فى الغردقه و راجع فسألت على بنزينه عشان أمون قالولى مفيش غير شل وواحده تانيه عند الجونه المهم رحت شل, لقيتها زحمه ومفيش غير 90 قلت أمرى لله ومونت و ياريتنى مامونت العربيه سحبها على الطريق مفيش ومابتعديش ال 110 أو كانت بتجيبهم بالعافيه بعد تسقيط الناقله (وأنا رايح كنت ماشى على 170-180) وطبعا أستهلاك خرافى على سرعه 90 (نزلت بالسرعه لأنى خفت أبوز العربيه من الجاز و الميه و الصرف اللى فى البنزين) وصل 9.5 لتر لكل 100كم لدرجة أنى أضطريت أمون فى العين السخنه بس برضه واضح أن البنزينات اللى على طرق السفر كلها زى بعض لأن العربيه متظبططش غير لما فضيت التانك ومونت 92 من أمارات مصر اللى عند كارفور

جزاك الله خيرا يا باشا وربنا يحميهالك,
فى حاجه كمان بعد إذنك, انا كنت فى المعرض بتاع عز العرب اللى فى السابع وقالولى ان فيها مشاكل بتظهر فى الكهرباء يعنى مثلا إزاز يفصل أو السنتر وكمان عرفت ان المساحات لما بتشتغل على السرعه العاليه بتبوظ الفيوزات , بس هوا قاللى ان كل ده بيتظبط فى التوكيل, انت حصل معاك حاجه كده ؟؟

انا قرأت الموضوع بتاع الأستاذ أحمد صيام بس معرفتش وصل الى ايه وياريت ياجماعه حد يبعتلى الموضوع ده قلقنى جدا انا كنت متحمس أوى للعربيه دى بس الكلام ده فعلا يقلق خصوصا انى عايز عربيه تقعد معايا بالميت كده 5 سنين عشان أقدر أغيرها, وهل يا ترى فى حد تانى حصلله زى الأستاذ صيام واللا لأ ؟؟؟؟؟؟؟؟؟؟؟؟؟

بالنسبه للأزاز فالحمد لله ماصدفتنيش و المساحات مشغلتهاش على العالى للأننا فى الصيف و العربيه بقالها حوالى شهرين
بخصوص السنتر فعلق معايا بس لما روحت التوكيل عرفت أنه الرأس بتاعته مينفعش تتربط للأخر جامد ودى كنت بصراحه لعبت فيها و عرفت قصتها ومعملتش حاجه معايا تانى

استلمت العربية من اسبوعين وكان زرار المرية الشمال في اتجاه معلق، لكن غيروه في التوكيل و هو تمام، بس بقالي كام يوم باسمع صوت تزييق في الناحية اليمين و مش عارف ليه، انا هروح التوكيل بكرة واشوف

السلام عليكم انا قرات ان فى الموديل الحالى يوجد بعض التعديلات فى الموتور وشاشة جديدة للcd ممكن تفصيل اكتر؟؟؟؟؟