هل مسموح بدخول العملاء مكان الصيانه لسيارات نيسان؟؟؟

**Elsebily** · 06-10-2012 03:50 AM

أولاً طبعاً بعد التحيه لصقور نيسان اللي بفتخر إني إنضميت ليهم مؤخراً المهم إني لاحظت اني بعض الاعضاء معانا في قسم نيسان انها لما بتروح الصيانات في التوكيل بتقدر تصور الاجزاء اللي بتتغير والصيانه والتركيب وكده وبتعمل مواضيع فكنت عاوز اعرف هو مسموح اني العملاء يخشو مكان الصيانه لاني في صيانة ال40 الف قعدت في الريست ولقيت كل اللي بيعملو صيانه قاعدين وكنت عاوز بصراحه انزل اصور واشوف الصيانات وطريقة التركيب او التغيير لاني بصراحه من الناس اللي بتحب تعمل كل حاجه بايديها وفي نفس الوقت عشان اقدر اعمل تقرير هنا في المنتدي مرفق بصور زي بعض الاعضاء وخصوصا إني صيانة ال 50 الف بتاعتي قربت

**akmm** · 06-10-2012 08:29 AM

اصلا وضع القانون ليخرق واى قواعد او تعليمات هى مش قرآن ... وانا ايضا لما بحب ادخل واشوف العربيه فى مركز ابو الفتةح بالرغم من الصرامه هناك ألا انى بدخل عادى ..... من الآخر ممكن وعادى فى اى توكيل .... وتحياتى

**Youssef.Awad** · 06-10-2012 08:15 PM

هو مبدئيا ممنوع الدخول للورشة الا للعاملين بالمركز فقط ..
ولكن دخول بعض اعضاء المنتدى بيكون بالاتفاق مع مدير الصيانة او مهندس الاستقبال لمعاينة مرحلة معينة من الصيانة .. وهناك اوقات بتكون زى tour او جولة داخل المركز خاصة اذا كان جديد زى اوتوايجيبت ابو رواش اول ما فتح

**Ahmed.TV** · 07-10-2012 02:59 AM

ممنوع دخول اى عميل المنطقة المخصصة للورش فى اى مركز عشان امانه .. لان ممكن يتزحلق من زيت مرمى على الارض او اى حاجة لقدر الله تقع عليه وممنوع التصوير كمان الا بموافقة مدير المكان

والاعضاء اللى بيدخلوا الورش .. بيكون بعد استئذان مدير الورشة او مدير الصيانة .. وبيكون فى فنى معاه واقف جنبه عشان امانه .. واحيانا بيوفقوا واحيانا لا لما بيكون فى ضغط فى الورش

وحقولك على حاجة لو مهتم بتدعيم تقريرك بالصور

اى موضوع عايز تعمله واتعمل قبل كدا وفيه نفس الصور فمتتعبش نفسك وتصورها من تانى وخد الصور من الموضوعات القديمة ..

الا اذا فى حاجة بتعملها جديدة ومحدش عملها قبل كدا .. فممكن تطلب من مدير الصيانة ان تصورها لانها جديدة
عشان تعرف الناس بيها ودعاية ليهم .. ده فى حاجة اذا كانت حاجة جديدة

زى ما حصل معايا فى موضوع خرط الطنابير وصورت جهاز الليزر اللى بيخرطوا بيها وجبت معلومات عنه