الفتيس كدة باظ !؟؟؟

**elshreef_hemo** · 01-10-2012 01:31 AM

عربيتى نوبيرا اوتوماتيك 2005
المشكلة بدأت وانا ماشى فى مرة عملت كيك داون عشان اعدى من عربية قدامى بعدها سمعت صوت غريب مش عارف مصدره ايه عامل زى صفير أو صريخ أو زى صوت المارش لما يكون مفوت بس الصوت كان جاى من المتور أو الفتيس ، مركزتش وركنت العربية بعد ما وصلت مشوارى ورجعت دورت لقيتها طبيعية والصوت اختفى ... كام يوم والموضوع ده اتكرر وكنت بسيبه وبيروح لوحده لما بطفى العربية شوية وادورها ومكانش بيأثر عالسحب
النهاردة بقى وانا ماشى لقيت الصوت اشتغل والار بى ام بيعلى والعربية مش بتنقل لحد ما وقفت خالص مش لاقطة دى ولا أر ، رحت طفيتها ودورتها لقطت عادى مشيت كام متر والفتيس فصل تانى تاخد الغيار ومتمشيش ... ركنت شوية ودورت مشيت طبيعى ربع ساعة والصوت اشتغل والفتيس فصل وهكذا مجرد ما اطفيها وادورها الصوت يختفى شوية ويظهر
هل كدة معناه ان الفتيس طار؟؟ علما بأنى لسة عامل صيانة من شهر ومزود زيت الفتيس! برجاء الافادة

**haissam24h** · 01-10-2012 02:15 AM

اعتقد فى مشكله فى الفتيس
لازم متخصص فتيسات تروحله ولو لمبه الانكج منورة اكشف كمبيوتر

**مصطفى دايو** · 01-10-2012 03:01 AM

الفتيس هيحتاج طقم اصلاح سعرة حوالى 1200ج او تغير الفتيس استيراد احسن سعرة 1500ج انا ميكانيكى فى التوكيل مصطفى دايو

**مصطفى دايو** · 01-10-2012 03:08 AM

رقم ت 01224827742 مصطفى دايو

**mody1221** · 01-10-2012 05:04 AM

اعتقد دى مشكلة الكنترول يونت بتاع الفتيس

**broadband** · 01-10-2012 07:24 AM

الفتيس فى الحرفيين بكتيره 1000 جنيه + 200 مصنعيه تركيب و اكيد في حاجة غلط اتعملت و انت بتعمل صيانة للفتيس - مش معقول كيك داون يعمل كده

**elshreef_hemo** · 01-10-2012 11:16 AM

المشاركة الأصلية كتبت بواسطة broadband

الفتيس فى الحرفيين بكتيره 1000 جنيه + 200 مصنعيه تركيب و اكيد في حاجة غلط اتعملت و انت بتعمل صيانة للفتيس - مش معقول كيك داون يعمل كده

مفيش حاجة غلط اتعملت هوة مجرد الزيت كان ناقص زودوه وبس
ولما قيسته امبارح مكانش ناقص بس كان لونه بنى غامق كدة!

**elshreef_hemo** · 01-10-2012 11:20 AM

انا بس فى سؤال محيرنى .. هوة مش الفتيس لما يبوظ بيفصل خالص والا ممكن يفصل ويشتغل زى ما بيحصل معايا لما اطفى العربية واشغلها؟؟ يعنى النهاردة مثلا الصبح دورت واديت غيارات الدنيا طبيعية جدا ومفيش أى صوت غريب بس مرضيتش اروح بيها الشغل لحسن تعملها معايا فى الطريق
والا المشكلة مثلا بتظهر لما الفتيس يسخن؟؟؟

**broadband** · 01-10-2012 04:27 PM

انا شايف ان اللون البنى ده ممكن يكون الكلاتشات اتحرقت و بتلون الزيت

نزل الزيت ده و حط زيت جديد و غير المصفاة (ضرورى)

**elshreef_hemo** · 01-10-2012 06:31 PM

المشاركة الأصلية كتبت بواسطة broadband

انا شايف ان اللون البنى ده ممكن يكون الكلاتشات اتحرقت و بتلون الزيت

نزل الزيت ده و حط زيت جديد و غير المصفاة (ضرورى)

طب لو الكلاتشات اتحرقت زى ما بتقول ، تغيير الزيت والمصفاه هيصلحها؟؟

الموضوع: الفتيس كدة باظ !؟؟؟

LinkBack

أدوات الموضوع

عرض

-

المواضيع المتشابهه

ايهم افضل بلنسبه لك الفتيس العادى التقليدى ولا الفتيس الـــ cvt

ماهو الافضل الفتيس السي في تي ام الفتيس الاستيبترونيك

ايهم يحافظ على الموتور اكثر الفتيس العادة ام الفتيس الاوتوماتيك ؟؟

مشكلة ف الفتيس .. الفتيس بيترجرج مش ثابت ف مكانه ، و تقيل ف الغيار الأول

هل ممكن العربية تمشي وزيت الفتيس قليل جدا؟وايه اعراض واسباب نقص زيت الفتيس؟

الكلمات الدلالية لهذا الموضوع

المفضلات

المفضلات

ضوابط المشاركة