الموضوع: امبارح كنت هموت بسبب توك توك انا واسرتي !

المشاركة الأصلية كتبت بواسطة graffittiii

هو ليه التكاتك كلها بتبقي معتمة ومتقباش شايف اللي سايق ولا اللي قاعدين وتلاقي حاجة سودا جاية وخلاص ....
إشمعنا الفامية حاجب للرؤية ... م التكاتك كلها معتمة ...
.

اه والله ياباشا. .... التوك توك اساساً اساساً لايصلح للاستخدام المدن نهائي بس هو حلو في الارياف الطرق الي مش متسفلته الحواري كمان شغال. اما انو يطلع على الشوارع العمومية. دي مصيبة. وفعلاً معاك حق بيبقى لونهم اسود وحاطط سقف جلد اسود. ومطفي النور طب ده هنشوفوا ازاي بقه في شارع اسود ههههه

المشاركة الأصلية كتبت بواسطة maheralsisi

بص يا باشا انا من الوراق يعني لا تقولي اكتوبر و لا نوفمبر
يعني مملكة التكاتك الوراق و امبابة
يعني حيث التكاتك اكتر من البني ادمين
بس بامانة هي مصدر رزق لناس كتير عاطلة عن العمل و مؤهلات و ناس كبيرة محترمين
بس دول فئة قليلة جدااا بس برضه هايتظلموا و طبعا مع انعدام الظوابط الدنيا ظاطت
الحل بقي يا باشا بما ان مافيش امن
حتة مصفحة من بنوع السبعينات و الستينات كمان لو امكن و تديها اسود بزجاج اسود و تلبس انت كمان اسود و تدهن اسود عشان تبقي ليلة سودة وتشيل منها الفوانيس و النور و تكحلها ع الاخر و تديها في الجنب كده منشارين و صاروخين من بنوع قطع الحديد و تقف بالليل في اي حتة تعجبك اللي تلاقيه بياكل عيش و محترم سيبه اما شلة السبارسجية و بتوع الكلة زي اللي انت قابلتهم دول تدخل عليهم الدخلة ما تنيهاش
يومين تلاتة صيتك يسمع و تلاقي كل اللي نازل يشتغل علي توكتوك اللي بجد محتاج ياكل عيش مش يشم كلة و يشرب حشيش

اقولك علي حاجة بجد انا كان معايا لادا 82
متشلفطة من كل حتة ليه بقي ؟؟؟ اقولكش اللي كان يعمل معايا كده كنت ابوسه بوسة تريحه من التوكتوك شهر هم شهرين بالظبط و الله بقوا يشوفوا العربية ينزلوا يشيلوا التوكتوك علي كتافهم و يقفوا بيه علي جنب و يوسعوالي
الاهم يا باشا من التوكتوك اللي مالقيتلوش حل ميكروباصات الالترامكو
دي عاوزة دبابة ماحدش عنده حل ليها يا شباب
اربي جي سلف ؟ صباعين ديناميت ؟ قنبلة يدوية ؟

حبيب قلبي اجدع ناس واحسن ناس انا لسه جي حالاً من هناك كنت في امبابة عند جماعه زمايلي وحتى ضرلنا حتت طواجن من عند درش في امبابة انما ايه .... بس بصراحة قد ما مشيت في امبابة والوراق ولا حتى الكتكات. مشفتش الاشكال الوسخه الي عندنا في اكتوبر هنا نهائي .... احنا عندنا كوكتيل متشردين وشمامين من جميع المحافظات وانتا عارف المثل الي بيقولك البلد الي انتا مش فيها امشي. وارقص فيها .... وبالذات العيال الفيومية .... عيال عاوزة الحرق بجد وتحياتي بيك يا غالي ولكل شعب الوراق حبايبنا