الموضوع: مشاركات مفيدة - فلوينس سيدان و ميجان هاتش باك 3

كام سوال علي السريع:

1- لما برفع ايدي من علي الدريكسون بلاحظ ان العربيه مش بتمشي مستقيمه علي الرغم من اني بكون ظابط الدريكسون والاقيها تحدف ياما سنه يمين ياما سنه شمال استعدلها واحاول تاني بردو نفس الفكره فهل كده فيه مشاكل ظبط وزوايا. الكلام ده علي اي سرعه.

2- لما سنتر العربيه يكون مقفول وحد فتح ياب السواق او الباب اللي جنبه السنتر بيتفتح طيب لو انا ماشي بالعربيه وجمبي طفل ولعب في الباب هل بردو هيفتح السنتر والباب ولا لأ وهل فيه مانع فتح باب للكرسي اللي جمب السواق وللي ورا


3- هل العربيه الفئه الاولي اوتوماتيك فيها امبلويزر ولا لأ.

4- نور العربيه الواطي بلاحظ انه بيكون شده اضائته مركزه في مستوي الفوجات ابعد من كده اضائته بتكون خافته فهل ده بردو مظبوط


شكرا ليكم

المشاركة الأصلية كتبت بواسطة ahmednaif79

السلام عليكم
انا بفكر اشتري الفلوانس اول فئة اوتوماتيك بس ماعنديش معلومات كفاية عنها
اولا-انا هكمل فلوسها بالعافية -سلف- ومحتاج عربية متصرف عليا كتير بعد ما اجيبها وانا بحب اتعامل مع التوكيل ف ايه اخبار صيانتها وقطع الغيار والتوكيل بتعها ومصريفها ممكن تكون ايه في اول سنتين -لغاية ما اقدر اسدد اللي علي-

ربنا ييسر لك .
بالنسبه لقطع الغيار هي مش رخيصه اوي بس بردو لازم تعرف ده هو نفس حال كل الجديد مقارنه بيهم هي متوسطه الاسعار .
التوكيل لحد دلوقتي تعاملهم كويس معايا ومفيش مشاكل معاهم .

مصاريف اول سنتين ان شاء الله بنزين وزيت
Renault EgyptMaintenance - ط§ظ„طµظٹط§ظ†ط© | Facebook
ممكن تدخل عليه هيوريك اسعار الصيانات

ثانيا-انا في بلد ارياف الى حد ما وعاوز اعرف ايه اخبرها مع المطبات وهل هي مصفحة وايه اخبرها مع ابنزين92 والاجواء المتربة بوجه عام وايه اخبار التكييف انا في الصيف مش ببطله

العربيه مفروض انها مصممه للطرق الوعره زي طرق بتاعتنا ورغم ذلك فهي ناعمه يعني مش هتحس بهبد المطبات جامد. بنزين 92 يشغلها كويس وتسحب تمام .
بالنسبه للتكييف كويس بس مش زي الكوري.

ثالثا-انا محتاج عربية عائلية لاننا اسرة 5افراد وممكن يكون معانا اطفال فهل تستحمل معانا في السفر

ميزه الفليونيس الوسع بسم الله ماشاء الله فهي تعتبر اوسع عربيه في نفس الفئه السعريه اوسع من كده يبقي كارينز


رابعا-انا محتاج عربية تعيش وتعمر لاني مش ناوي ابيع-ان شاء الله-يعني لي وللاولاد بعدي
خامسا-اذا قررت الشراء ايه افضل الاملكن اللي ترشحوهاللي ويكون توكيل او موزع امين ومجرب وياريت تفاصيل عنوانه والاتصال بيه وايه افضل مركز صيانة اتعامل معاه بعد كده
أسف للاطالة وبالمناسبة هي تقفيل ايه؟ وياريت الرد يكون في اقرب وقت لاني ناوي اشتري قريب باذن الله[/quote]


بالنسبه لتعيش وتعمر هي بقالها تقريبا سنتين بس ولكن ان شاء الله تعمر وتعيش

انا اشتريتها من اباظه 2011 الفئه الاولي أوتوماتيك 132000 من رمضان اللي فات.

هي تقفيل تركي وتحت امرك في اي سوال عنها ان شاء الله



بالنسبه للأسعار أعتقد الاستاذ بوكلا ممكن يفيدك وممكن تساله في اي حاجه وهو انسان كويس مش هيتاخر عنك ان شاء الله

السلام عليكم انا كنت عايز اخد رايكم لاني محتار جدا بين الفلوانس والماذدا 3 والالنترا fully loaded انا عارف اني المفروض احط الموضوع ده في قسم المقارنات بس انا كتبت المشاركه هنا لان انا قريت الموضوع ده من اوله والموضوع الي فات كمان بتاع رابطه حائزي الفلوانس وشوفت ذوق واخلاق الاستاذ بوكلا واد ايه بيفيد الناس الي واقعه في نفس حيرتي بدون اي تحيز لعربيته و بيرد بمنتهي الموضوعيه انا عارف ان كمان الالنترا كوري مش زي الفلوانس والماذدا بس يمكن يكون في ده ميزه ان قطع غيارها هتكون ارخص شويه من الاوروبي وسعر اعاده البيع وكمان الكماليات الي في الفئه دي من الالنترا تقريبا نفس كماليات الفلوانس مع شويه فروق بسيطه في كل سياره منهم وتقريبا بردو نفس السعر ف فعلا الموضوع محير جدا بالنسبالي بس الي مخوفني ان في اكتر من واحد من الاعضاء اشتكو من غلو السعار عند الحوادث والخبطات في الفلوانس وطبعا اكيد انتو عارفين ان من الطبيعي عندنا ان العربيه تتخبط وهي واقفه او تتحك بمسمار مثلا بس فعلا انا معجب بالفلوانس لدرجه اني انا شوفت عربيه واقفه في ميامي في شارع 45 في اسكندريه امبارح وعليها بادج نايل موتورز والازاز بتاعها فاميه كان نفسي افضل واقف جنبها لغايه لما يجي صاحبها ويخليني اتفرج عليها ف ياريت تفيدوني وخصوصا الاستاذ بوكلا لاني فعلا بقتنع بوجهه نضره

المشاركة الأصلية كتبت بواسطة shadow84

السلام عليكم انا كنت عايز اخد رايكم لاني محتار جدا بين الفلوانس والماذدا 3 والالنترا fully loaded انا عارف اني المفروض احط الموضوع ده في قسم المقارنات بس انا كتبت المشاركه هنا لان انا قريت الموضوع ده من اوله والموضوع الي فات كمان بتاع رابطه حائزي الفلوانس وشوفت ذوق واخلاق الاستاذ بوكلا واد ايه بيفيد الناس الي واقعه في نفس حيرتي بدون اي تحيز لعربيته و بيرد بمنتهي الموضوعيه انا عارف ان كمان الالنترا كوري مش زي الفلوانس والماذدا بس يمكن يكون في ده ميزه ان قطع غيارها هتكون ارخص شويه من الاوروبي وسعر اعاده البيع وكمان الكماليات الي في الفئه دي من الالنترا تقريبا نفس كماليات الفلوانس مع شويه فروق بسيطه في كل سياره منهم وتقريبا بردو نفس السعر ف فعلا الموضوع محير جدا بالنسبالي بس الي مخوفني ان في اكتر من واحد من الاعضاء اشتكو من غلو السعار عند الحوادث والخبطات في الفلوانس وطبعا اكيد انتو عارفين ان من الطبيعي عندنا ان العربيه تتخبط وهي واقفه او تتحك بمسمار مثلا بس فعلا انا معجب بالفلوانس لدرجه اني انا شوفت عربيه واقفه في ميامي في شارع 45 في اسكندريه امبارح وعليها بادج نايل موتورز والازاز بتاعها فاميه كان نفسي افضل واقف جنبها لغايه لما يجي صاحبها ويخليني اتفرج عليها ف ياريت تفيدوني وخصوصا الاستاذ بوكلا لاني فعلا بقتنع بوجهه نضره

اولا اهلا بيك في ربطة رينو وفعلا انا بحي معاك استاذ بوكلا لانه فعلا بينصح بجد بغض النظر عن ايه حاجه او تحبز و فعلا رايه بيهمني جدا
انا بحكم خبرتي شويه هجواب عليك بمنتهى الصراحه
اولا: حضرتك بتقارن ما بين الفلوانس و الانترا انا كان معي النترا و فلوانس و من حوالي اربع شهور عملت حدثه بالانترا ربنا يكفي كل واحد شر الحوادث كنت ماشي ع 120 و فاجئه مقطوره حدفت عليه فرحت رمي شملي اول ما حوت الدركسيون العربيه اتقلبت بيه حوالي 5 مرات وربنا نجاني والله من عنده والحمدلله حصلي كسر في العمود الفقري وده بالنسبه للحادثه وله حاجه
وهحاول احطلك صوره للعربيه هي كانت 2011
نيجي للفلوانس انا كنت ماشي ع 150 وفجائه عربيه حدفت عليه رحت رامي شمالي الخمدلله تحس انه مفيش حاجه حصلت يعني بصراحه الثبات بتاع الفلوانس عالي جدا يعني ممكن تاخد ملفات ع سرعات عاليه و ميحصلش حاجه و ثابته جدا في الطريق و الامن بتاعها عالي جدا.

ثانيا: بالنسبه لقطع الغيار احنا عندنا في البيت كرولا و لما اجي اقارن قطع غيار الكورلا بي الفلوانس تقريبا نفس السعر هو هو وعلى فكره قطع غير الفلوانس معمره عن الكورلا و اسعار الصيانه مش عاليه بصوره الي تخليك تبعد عن العربيه
ثالثا: توكيل الرينو بصراحه من احسن التوكيلات الي الواحد اتعامل معها بجد يعني اوضح لحضرتك يعني لو عندك مشكله في العربيه و مهندس الاستقبال مش عارف يوصلها عالطول بيحولك لاكبر مهندسي رينو و ده عن تجربه مرتين وبيمتاز بالسرعه
رابعا: الكماليات الي في الفلوانس بصراحه اعتقد انها كافيه ووافيه يعني تحس بدرجه كبيره من الرفاهيه ما اعتقدش انها تكون متوافره في اي عربيه في فائتها
خامسا: سعر اعاده البيع حضرتك ممكن تدخل اي موقع لبيع العربيات المستعمله وتشوف السعر وهتعرف بنفسك
وسع العربيه خصوصا و عندك عائله
سادسا: اققولك العيوب :
السحب بتاع العربيه مش زي الكرولا و الانترا يعني تاخد وقت شويه وده انا اتعودت عاليه في العربيه يعني انا مش بسوق بتهور و له باخد غرز عشان كده مش مهم بالنسبه ليه

عندما تقارن ما بين تكيف الفلوانس و الانترا و الياباني فيه فارق لاصلح الانترا و الياباني ولكن يمتاز تكيف افلوانس بالهدواء
وده اجتهاد مني وربنا يارب يكتبلك الي فيه الخير

ديه الصور بتاعت الحادثه للافاده
http://www.qzal.net/01/2011-12/13230149741.jpg
http://www.qzal.net/01/2011-12/13230149753.jpg
http://www.qzal.net/01/2011-12/13230149752.jpg

المشاركة الأصلية كتبت بواسطة ahmed_ph

السلام عليكم انا عضو جديد هنه وبصراحه اشتريت الفلوانس من قبل مدخل الموقع بس النهارده دخلت الموقع وقرييت كل موضوعات الاستاذ بكلا بخصوص الفلوانس واتمنى منكم الافاده وربنا يجازيكم خير انا جبت الفلوانس من اسبوعين من اوتو سمير الريان وعامل 1500 لحد الان وواجهتني المشاكل دي :
1- اني كنت عاوز لون سيلفر وكلمت المصرية وقالولي مفيش في مصر كلها روحت الريان قالي معنديش غير السيلفر اتصل بية بتاع المصرية قالي ده بيضحك عليك اكيد دي 2011 وبيبعهالك على انها 2012 المهم رخصت والرخصة طلعت 2012 وانا دلوقتي شاكك وعاوز اتأكد انها 2012 اتأكد ازاي

2- تاني حاجه السحب بتاعها ضعيف خصوصا من الثبات بتبقى تقيلة جدا وكمان التوكيل قالي انها متلينه جاهزة فمشيت بيها على 130 اول مجبتها عشان اجرب بعد ال100 لقيت صوت الموتور عالي جدا وصلت بيها ال 150 بس الصوت عالي خلاني اقلق خصوصا اني حاسس اني وصلت السرعة دي بصعوبة مش بالساهل فهل ده طبيعي ان اوصل السرعه بصعوبة ويكون صوت الموتور عالي كده ؟ وهل اما اعمل مثبت على سرعة زي دي والصوت يكون عالي كده ده غلط؟؟؟

3-ثالت حاجه ازاي اعرف ان عوامة البنزين عاوزة تتغير

4- رابع حاجه صفارة الفرامل روحتلهم التوكيل النهارده في المقطم عشانها وقالي تلاقيها عاوزة تتنضف ونضفها سوقتها وانا مروح لقيت نفس الصوت موجود ومش عارف سببه ايه وهل توكل المقطم زيه زي العبور ولا العبور افضل اصلي حسيت كده في المقطم بالطلسئة عاوزين يخلصو ومفيش عيوب في العربية وخلاص

5- اخر حاجه انا خليت اخويا يسوق العربية ومشيت وراه لقيت المقصات واضحه وبتتهز في الطالعه والنازلة بس وانا جوة العربية مش حاسس بده فهل ده طبيعي ياريت تجاوبوني على الحاجات دي عشان بجد اعصابي تعبت وحاسس ان العربية مش اد كده خاصة بسبب موضوع السحب الضعيف والسرعات اللي بتيجي بصعوبة وصوت الموتور العالي بعد المية وجزاكم الله كل خيييييييير ياريت تفيدوني وبشكركم جدا جدا

معلش على التاخير واولا الف الف مبروك على العربيه ربنا يارب يكفيك شرها ويبركلك فيها اولا ارد عليك:-
اولا: اعتقد انه بيكون مكتوب على باب العربيه الخاص بالسائق من تحت تاريخ الصنع وممكن تتاكد منها في صيانه العغربيه الي جايه
ثانيا:السحب بتاع الفلوانس اول 5000 كيلو هتلقي السحب ضعيف شويه وبعد كده هيتحسن وعموما العربيه مش بتاعت جري واجمل حاجه فيها الثبات بتاعها انا عن نفسي معي كورلا اول ما دوس ع البنوين عالطول تشد و تسحب بس حسيت الفرق مع الفلوانس بس اتعودت عليها وعلى فكره انا عن نفسي معجب بيها عشان انا ما جريش يعني تنزل تسخن العربيه شويه وبعد كده تتطلع بيها
ثالثا: بالنسبه لعوامة البزين لما تيجي تفول هتلاقي المؤشر بيوصلش لاخر القراءه يعني هيكون في النص ومره واحده تلاقيه في الاخر انت هتحس بنفسك ومش مشكله مقلققه عاديه جدا
رابعا: صفاره الفرامل ممكن تلاقيهلها حل في فرع العبور ومش عارف لغاية دلوقتي سببها ايه
خامسا:شيئ طبيعي ان المقصات تهتزا عادي مفهش مشكله انت عشان العربيه جديده فعايز كل حاجه تكون مظبوطه انا كنت زيك كده بالظضبط

بالنسبه لراي في العربيه بسم الله ما شاء الله العربيه بجد من حيث الشكل روعه جدا ومن حيث المتانه فهي محمله صاج وتحس انها تقيله يعني جرب قفلة الباب بتاعها و بتاع الكيا او اكورلا هتلاقي فارق كبير

من حيث الوسع واسعه جدا يعني عائليه بمعني الكلمه
من حيث الثبات فا انا لي مشاركه في الموضوع ده عن تجربتي مع الانترا ياريت حضرتك تشوفها في
http://www.nilemotors.net/Nile/236780-3-2011-a-44.html
بالنسبه للتكيف بصراحه الكوري و الياباني يتفوق ولكنه في ميزه في التكيف بجد تحس انه هادي يعني ممكن تقول زي الشارب هههه
بالنسبه لسعر العربيه بعد البيع ممكن تشوف بنفسك في المنتدي سعر العربيه ما بينزلش كتير
وده نظره سريعه و ياريت اكون وفيت شويه وشكرا تحياتي

السلام عليكم ياوحوووش رينو

الفلونس من اسبوع وانا سايق عادي في امان الله جالي رساله علي شاشه العربيه بتقول key card battery low (طبعا الرساله واضحه جدا) اول حاجه عملتها كلمت 16202 والمهندس او الفني مش فاكر قالي حط الكارت في مكانه عشان عايز يتشحن المهم عملت كده لمده نصف ساعه تقريبا بس بعد ماركنت وبعت عن العربيه مقافلتش , طبعا السبب معروف البطاريه ....
يوم الاحد الفات روحت اسكندريه ومن اول الطريق وانا حاطت الكارت في مكانه لمده 4 ساعات ونصف المهم بعد ماوصلت كله كان تمام والعربيه قفلت لوحدها وجميل جدا وقلت مشكله واتحلت.
تاني يوم بدور العربيه نفس الرساله جاتلي تاني ؟؟
مش عارف بقي الموضوع مستاهل مشوار للتوكيل ولا اغامر واغير البطاريه بنفسي بتهيألي تغيرها بسيط ....
وهل حد من الاعضاء حصل معاها الموضوع ده قبل كده ؟
مع العلم بأن العربيه موديل 2011 (e3).
وشكرا جدا

المشاركة الأصلية كتبت بواسطة mah_khourshid

السلام عليكم ياوحوووش رينو

الفلونس من اسبوع وانا سايق عادي في امان الله جالي رساله علي شاشه العربيه بتقول key card battery low (طبعا الرساله واضحه جدا) اول حاجه عملتها كلمت 16202 والمهندس او الفني مش فاكر قالي حط الكارت في مكانه عشان عايز يتشحن المهم عملت كده لمده نصف ساعه تقريبا بس بعد ماركنت وبعت عن العربيه مقافلتش , طبعا السبب معروف البطاريه ....
يوم الاحد الفات روحت اسكندريه ومن اول الطريق وانا حاطت الكارت في مكانه لمده 4 ساعات ونصف المهم بعد ماوصلت كله كان تمام والعربيه قفلت لوحدها وجميل جدا وقلت مشكله واتحلت.
تاني يوم بدور العربيه نفس الرساله جاتلي تاني ؟؟
مش عارف بقي الموضوع مستاهل مشوار للتوكيل ولا اغامر واغير البطاريه بنفسي بتهيألي تغيرها بسيط ....
وهل حد من الاعضاء حصل معاها الموضوع ده قبل كده ؟
مع العلم بأن العربيه موديل 2011 (e3).
وشكرا جدا

اعتقد مافيش حاجة اسمها تحط الكارت مكانه عشان البطاريه تتشحن , هو يمكن قصده انك لو حطيته مكانه هيكون بديل ليك انك تشغل العربية لحد ما تغير بطارية الكارت.

و اعتقد ممكن تغيرها انت بنفسك منغير مشكلة.