الموضوع: مشاركات مفيدة - فلوينس سيدان و ميجان هاتش باك 3

السلام عليكم جميعا,

أنا في حيرة من ساعة ما بيعت عربيتي (فولفو 244) في 7/2010 , و كنت حاجز قبل كده كارينز 2011 مع التوكيل, ونظرا لعدم وجود مصداقية فضلت مستني 8 شهور, لغاية الثورة ما حصلت فلغيت الحجز, ومن ساعتها وأنا ماشي بسيارة نيفا مؤقتا, و طول الفترة دي أفكر في الفلوانس شوية, والفانتازيا شوية, و أرجع أفكر في الكارينز تاني.

وكنت مؤخرا عملت الموضوع ده http://www.nilemotors.net/Nile/304920-a.html , طلب لتحليل مقارنة عملها أحد الزملاء في قسم كيا بين الكارينز والفلوانس .

إلى جانب متابعتي لرابطة حائزي الفلوانس اللي أسسها الخبير الأستاذ بكلا.

أنا كنت سايق سيارة أوروبي و سواء هي او النيفا بيتميزوا بالقوة والأتساع, وكنت أتمنى أن تكون السيارة الجديدة تكون فيها نفس المميزات دي إلى جانب وسائل الأمان, وسائل راحة, إلى جانب توكيل محترم, وكمان في رينج سعر محدد علشان عايز أقسط.

وأخيرا بفضل الله أولا, ثم بفضل هذا المنتدى الرائع , أستقريت على الفلوانس وحجزت موديل 2013 .

ونفسي أشكر قسم كيا الرائع اللي حببني في المنتدى وفي الكارينز, و قسم سكودا الرائع برضه اللي خلاني أتمنى أقتناء التحفة فانتازيا.
ومسك الختام قسم رينو و رجالته اللي خلوني أقتنع بالفلوانس, و أنها أفضل أختيار يحقق اللي أنا عايزه في السيارة.

أدعولي أستلم على خير إن شاء الله, وربنا يعوض صبري خير

و شكرا ليكو جميعا