الموضوع: تقرير وصور مقابلة راس سدر

المشاركة الأصلية كتبت بواسطة shnory

اخيرا استعدت قدرتي علي النطق وجيتلكم اهوه
كان يوم راااااااااااااااااااااااا ئع بكل ما فيه وبوجودكم قبل اي حاجه
بدايه اليوم معايا كانت من الساعه 2 صباحا روحت فولت العربيه ونسيت اظبط هوا الكاوتش
وتم التوجه لبيت مديرتنا لتقديم فروض الولاء والطاعه ولاخذ المباركه ببدايه الرحله
بس لقيت اولادها نازلين بحاجات وشنط واكياس فقولت هما حيسيبوا البيت ولا ايه وبينزلوا العفش
بس عرفت بعد كده ان دي تجهيزات الرحله
واجهتنا مشكله صغيره بعد ما حطينا التجهيزات اننا كده ملناس مكان اصلا جوه العربيه
بس بعد شويه ترتيب وترويق فضينا العربيه وانطلقنا لاخذ امي الغاليه من البيت
وبعدها قابلنا خميس ومصطفي مهران في طريق قنال السويس في تمام الرابعه الا الربع فجرا
المشكله بقي اني عملت 20 كيلوا جوه اسكندريه ولقيت ان استهلاك العربيه للبنزين زايد شويه كتير
كلمت الميكانيكي لانه كان مظبطهالي قبل ما اطلع قالي اتوكل علي الله ومتشغلش بالك وكده ولا كده كان معايا الجركن بتاعي اللي انتم عارفينه من مقابلات سابقه
وانطقلنا انا وميسو اليكس ننهب اسفلت الصحراوي بكاوتش عربياتنا ونتبادل السباب قصدي عبارات التحيه علي الطريق علشان نفوق بعض هههههههههه
==================================
وصلنا القاهره مع شروق الشمس


المفروض يعملوا عربيات اوسع من كده علشان اعرف امد دراعي لاخره وامسك الدركسيون بدل ماهو مدلدل كده



واتجمعنا مع قافله نايل موتورز الي كانو منتظرين في الربوه
مع اني دخلت النفق غلط بس هما جولي عند اخر النفق ربنا يكرمهم

وبعدها لنقطه التجمع عند المدرسه
ومنها للرحاب وسيبت عربيتي هناك
وشويه صور علي الماشي لما وصلنا بقي


انا والظل



وهنا كريم قام بدور الكاتب المصري وهو جالس القرفصاء وبيغرق شعبه



بعض افراد الشعب ينعون ذويهم بعد ما كريم رع ضحي بيهم في مياه النيل



الباشا باشا برضه
نضاره الشمس حتي جوه البيسين



تجمع الكهنه حول عريس النيل اللي حيضحوا بيه



وتمت التضحيه
وزي ما انتم شايفين الفقاقيع طالعه من الميه علشان الهوا بيخرج من جسمه لاتمام عمليه الغرق



واحد اغمي عليه من الفقاقيع وغرق هو كمان



عمي الكبير اوي سمير الشهاوي متصور مع ازازه البلح
اموت واعرف مين حط البلح في الازازه كده لاني حاولت اطلع واحده ومعرفتش
ولما طلعتها ودوقتها ندمت اشد الندم علي تدخلي في ما لا يعنيني



لقاء العظماء
سمير الشهاوي وهاني عبد الفتاح



وليد عادل - اسامه - مصطفي



محمد باشا عبد الجليل يسبح وحيدا منقذا ابنته من معاكسات شبابنا بعد القضاء عليهم

كريم العربي بيحسبن علي اشرف ابراهيم هههههههههههه



كريم منير كان بيصور بيدو وبيعمله ازاي يعمل تشيز
والتشيز دي حنعملها موضوع لوحده لاننا اكتشفنا ان التشيز انواع
فيه تشيز بتبقي حلوه في الصور
وتشيز تانيه بتبقي مش حلوه في الصور وبتخلي سنان الواحد شبه الارنب وهو بيتصور
علشان بس كل واحد يحاول يوصل بنفسه لاحسن تشيز يتصور بيها



وعلشان صورت التشيز بتاعه كريم
فهو قال يصورني واتا بتشيز انا كمان
علشان ميبقاش حد احسن من حد
وفي الخلفيه سمير الشهاوي وهاني وخميس
وكوع بيدو



الحاج احمد وتحس انه اول مره في حياته يشوف موبايل




الشباب وهما حيلهم مهدود وغزالي ما شاء الله عليه ولا باين عليه حاجه
شاب برضه في العشرينات وصحته بمب



غزالي بالعرض المرادي بقي


الحاج احمد مشعل واسرته الكريمه اللي كانو منورين المقابله
بس الحاج كان مقضي اغلب وقته مع اسرته وليه عذره علشان اكيد مش بيشوفوه من مشغولياته


كل واحد قدامه طبقه وبرضه عينهم في اللقمتين الي في طبق الراجل هههههه



رجال لا يعرفون المستحيل (مفيش بوفيه ميقدروش ينسفوه)

ودي كانت اخر الصور الصالحه للعرض
وفيه صور معرفش اتشالت من علي الكاميرا ازاي ولا كان تقريبا الفيلم خلص

=======================================

نيجي بقي للمهم
محمد عبد الجليل بجد بشكرك من كل قلبي علي المجهود الرائع اللي بذلته وربنا يخليك لينا
طبعا مش حتكلم ولا ححكي اني علمت عليك ومش حقول الي حصل ههههههههههههههههههه

سمير الشهاوي بشكرك علي تعبك معانا من اول التحضير للمقابله واهتمامك بسلامه الناس وراحتهم
ربنا يخليك لينا يا كبير

اخويا الكبير هاني عبد الفتاح اللي ملكيته لعربيته بتنتهي اول ما اوصل ههههههههه
مش عارف الراجل ده مستحملني ومستحمل سواقتي لعربيته ليه
بس انا فعلا بستمتع بصحبته في اي وقت وفكل مكان ومش متخيل اني احضر مقابله ميكونش موجود فيها

كريم منير صاحب البيت الكبير اللي بيجمعنا ودايما مجمعنا علي الخير ربنا يخليك لينا ويخليك لعيالك وعقبال يا رب لما اشوفط راكب ال535 واعلم عليك بعربيه هاني برضه ههههههههههه
الكوري قطع الالماني يا ناس هههههههههه

الحاج احمد ابراهيم بركتنا وكبيرنا دايما منور وسطنا

حكمل في بوست تاني علشان لو النور قطع مش حعرف اعيد من الاول
هههههههههههههه
يتبع

نكمل موضوعنا بقي
حسين نايس ايجيبت واحمد البدري انا شايفكم بادئين تنتظموا في حضور المقابلات
وبجد كده مش حينفع انكم تفوتوا مقابله لانكم بتعملوا جو حلو فيها
واجمل حاجه ان البدري مجابش الشاي بتاعه معاه علشان المقابله متبوظش ههههههههه
والف سلامه علي عربيتك يا بدري
وماشاء الله علي الريجاتا يا حسين اثبتت ان الاسد مهما كان عجوز بيفضل اسد برضه هههههه
----------------------------------
فريند شيب كنتي منوره المقابله والحاجه علطول بتجيب سيرتك والله وبتتكلم عنك بالخير
وكنتي منورانا بالبرنس احمد سامي اللي بيحسسني دايما هو وغزالي وباقي شباب المنتدي
ان مصر بخير وفيها شباب صغيرين رجاله
--------------------------------
علاء باشا الشناوي اللي بيختفي بالشهور وبيظهر في المقابلات نشوفك دايما علي خير وفي خير
-------------------------------
التوائم كريم فوزي واشرف ابراهيم
بتعذرلكم اني كنت شيل جنب عربيتكم بس الي يلعب مع الروسي يستحمل اذاه هههههههههه
شكرا ليكم علي اهتمامكم بوصف الطريق ليا وانا جاي مع اني في الاخر دخلت غلط برضه
ههههههههههههههههه
وواحنا مروحين قولت يا رب يشوفوني وانا مولع انتظار وميجروش علشان خميس كان ورايا بمسافه
والغلبانه بتاعتي مبتجريش
هي بتصد في الخبطات بس مش بتصد في الشد
---------------------------------
اسامه دهب
شكرا علي تعبك وتجهيزك للتاج لينا كلنا ووجودك وسطنا كان ليه وقع جميل
------------------------------------
كريم العربي ومحمد نجيب
انتم زي العسل واللي مش حييجي مقابله فيكم حنعمل عليه غرامه 600 جلده
-------------------------------------
محمد قاسم وبهنساوي لا تعليق ههههههههههههههههههههههههه ههه
مش بشبع من قعدتكم نوهائي انتم الاتنين
بس ممكن استغني عن بهنساوي عادي يعني ههههههههههههه
-----------------------------------------
مصطفي مهران بعد المقابله دي تقريبا زهق مني ومن خميس ونوي يشتري عربيه زيرو علشان يطلع المقابلات من غيرنا هههههههههه
-------------------------------------------
ملك محمد عبد الجليل
هو عارف بقي اللي بيني وبينها مش حقدر اتكلم واحكي قدام الناس ههههههههههههه
----------------------------------------------
الحاج احمد مشعل وجوده مش محتاج كلام ولا فيه وصف يوفيه حقه
بفريق جينز كار القوي
----------------------------------------------
عمرو نيسان
ربنا يباركلك في اسرتك وانا كنت بهدي النفوس بس ههههههههههههههه
----------------------------------------------
فادي اوبل علاقتي انقطعت بيه بعد ما سلمت عليه في البنزينه ومشوفتهوش تاني تقريبا طول اليوم

فيه ناس انا عارف اني ناسيهم
انا فاكر اشكالهم بس ناسي اسمائهم
ليكم مني كل تحيه وتقدير