الموضوع: اسال ويجاوبك مهندس نجاد من بريدجستون

المشاركة الأصلية كتبت بواسطة yoko

بشمهندس نجاد هل أي مقاس من دول متوفر
٢٠٥\٥٥ أر ١٦
أو
٢١٥\٥٠ أر ١٦

المتوفر حاليا 205/55ار16

المشاركة الأصلية كتبت بواسطة mohammadfowela

السلام عليكم يا بشمهندس
انا فاتح محل بيع كاوتش وعايز بريجستون يابانى 15/225/70 ومش لاقيه .... يا ترى حضرتك تقدر تساعدنى ؟؟؟؟

أرجو منك الاتصال على 19187 والسؤال عن توافر المقاس

المشاركة الأصلية كتبت بواسطة a_hmed

م/نجاد


ايه الفرق بين البريدجستون و الفيرستون ؟؟

ولو مفيش فرق ليه الشركة منزلة منتجات بأسمين ؟؟

و ايه هى عيوب الصناعة ؟؟ زى ايه مثلا ؟؟


و شكرا

العضو العزيز جميع الاطارات التى تنتجها بريدجستون ( بريدجستون وفايرستون ) يتم تصميمها فى اليابان وتتم التجارب الاولية كذلك باليابان ثم بعد ذلك يتم التصنيع فى بلد المنشأ حسب خطط التصنيع ويكون الفرق فى النقشة بين الاطارات المختلفة وليس المنشأ وجميع الإطارات مضمونة من قبل شركة بريدجستون 4 سنوات من تاريخ الانتاج ضد عيوب الصناعة. وتقوم شركة بريدجستون بتصنيع اطارات بريدجستون وفايرستون بمصانعها المختلفة ولهما نفس الضمان.
* وتقوم شركة بريدجستون بتصنيع سلعتين باسمين مختلفين وذلك لسياسة التواجد فى الأسواق مثل بالضبط (شيبسى و لايز) فالمصنع واحد والباقى مختلف (اسم والوان وعبوات وطعم ورائحة.. الخ).
* اما عيوب الصناعة فهى تحدد من قبل شركة بريدجستون ويقوم القسم الفنى بفحص الاطار وتحديد العيب ونوعه (عيب صناعة او مشاكل طريق او سؤ استخدام ...)
ومثلا عيب صناعة ممكن يكون ظهور سلك بجوار شفة الاطار من ناحية الجنط .

المشاركة الأصلية كتبت بواسطة magd_helm

العضو العزيز ...هل هناك فى كتالوج سيارتك ما يفيد بأن تغير الإطارات بعد 28000كم أو 3سنوات ؟؟؟ لا أظن !!! ومن الممكن الرجوع لكتالوج السيارة أو الوكيل أو أى موقع على الشبكة العنكبوتية يعطى مقاس الإطارات والبدائل المتاحة

يا باشا أولا حمدالله على السلامة نورت المنتدى من جديد والله كنت سايب فراغ
معلش أنا استفساري ده لأني لسه شاري العربية وهي عاملة 27000 كم فقط بس هي موديل 2008 والكاوتش انتاج 2007 وأنا كنت قريت قبل كده أن الكاوتش بيكون ليه عمر إفتراضي وبعد كده لازم يتغير حتى لو لم يتم إستخدامه فهل هذه المعلومة صحيحة
وان لم تكن صحيحة فايه هو العمر الافتراضي الصحيح للكاوتش
ومعلش سؤال كمان أنا لقيت ثلاث فرد من الأربعة اللي راكبين نوعهم كومهو والفردة الرابعة نوع مختلف اسمه نانكينج فهل ده يأثر على سلامة العربية وايه نصيحة حضرتك
وأسف على الإطالة وشكرا لحضرتك

العضو العزيز اشكرك على المجاملة اللطيفة وقد سبق ان تحدثنا عن عمر الاطارات وقلنا:-
* بريدجستون تحدد عمر الإطار بست سنوات من تاريخ انتاجه المحفور عليه.
.... وهناك كذلك 6-8 مثلثات صغيرة على محيط جانب الاطار وتسمى مؤشر تآكل المداس وداخل فتحات نقشة الاطار تكون هناك مكعبات صغيرة من المطاط ارتفاعها من ارضية النقشة 1.6مم وهى التى تحدد الحد الآمن للتآكل بمعنى آخر ان الاطار ممكن ان يصل عمق النقشة بعد الاستخدام الى ما فوق 1.6مم ولكن اذا وصل مقاس عمق النقشة المتبقى الى 1.6مم يجب ان يخرج هذا الاطار من الخدمة فورا حتى لو لم يمض على استعماله الست سنوات المذكورة.
....* اذا كان الاطار لازل عمره اقل من 6 سنوات وعمق النقشة المتبقى اكثر من 1.6مم وحدث بالاطار تشققات او تآكل غير منتظم او قطوعات يجب التفكير جديا وبسرعة فى تغيير الاطار.

وكما اشرنا سابقا الحالة المثلى ان تكون الاطارت ال 4 بالسيارة بنفس الماركة ونفس النقشة ونفس العمر ثم الحالة التالية هى ان تكون الاطارات الموجودة على نفس المحور بنفس الماركة والنقشة والعمر وما دون ذلك قد يسبب لك عدم استقرار وعدم اتزان وعدم ثبات واختلاف فى رد الفعل مع الفرامل مما يعرضك والسيارة لعدم الأمان واحتمال عدم القدرة على السيطرة على السيارة وخصوصا على السرعات العاليه.

المشاركة الأصلية كتبت بواسطة hassansharaan

سؤال للباش مهندس انا سمعت ان بريدجستون نزلت للانوس كاوتش مقاس 205/60 r13 يريت اعرف هل ده صحيح وبكام سعر الكاوتش ده علشان عايز اركبه
ولو ممكن اعرف اعمل ايه علشان اقوي الفرامل عندي من غير ما اغير الطنابير لاني باطر ارجلش كتير

العضو العزيز للاسف ان هذا المقاس لايوجد حاليا ببريدجستون تجاريا ولا أدرى من اين صدرت هذة المعلومة.

لمزيد من المعلومات والرد على الاستفسارت من الممكن ان تتصلوا على الخط الساخن للشركة 19187 او من الممكن زيارتى بمعرضنا بمدينة الرحاب محل رقم 205 بالسوق التجارى المفتوح وسوف اكون على اتم الاستعداد للرد على اسألتكم واستفسارتكم ان شاء الله....... مع اطيب التمنيات