الموضوع: اسال ويجاوبك مهندس نجاد من بريدجستون

المشاركة الأصلية كتبت بواسطة mring

انا معايا عربيه تويوتا ياريس الكاوتش الاصلي بتاعها r15 185/60
جبت جنط جديد سبور و كاوتش r15 205/50
بس للاسف الكاوتش الخلفي بيحك في الرفرف في مطبات الهوا علي الطريق و ده بهدل الكاوتش من الجنب
دلوقتي انا لازم اغيره فهل r15 195/55 يكون مناسب و لا هايحك برضو في الرفرف مع وجود الجنط الاسبور
شكرا للمنتدي لاني اخيرا لقيت حد بيفهم

الاخ العزيز آسف لبهدلة الكاوتش وارجوك ارجع لكتالوج العربية وشوف المقاس المناسب

المشاركة الأصلية كتبت بواسطة zendenboo

طيب بالنسبة لالنترا انا عايز اركبلها جنوط سبور لزيادة الثبات والشكل
الجنط الحالى 185-65-15
ودة المقاس اللى مكتوب فى الكتالوج 205-55-16
تفتكر يا استاذ نجاد كدة هيزود الثبات ولا اركب 17 افضل
وكمان اية رايك لو ركبت المقاس دة (215-50-16) قاللى علية صاحب احد المحلات وشكرااا مقدماااا

الاخ العزيز ارجوك ارجع لكتالوج العربية وشوف المقاس المناسب واذا كان هو 205/55ار16 ركبه اما اذا كان هناك مقاس بجنط 17 وانت عايزه ما فيش مانع اما الاجتهادات الشخصية فمجالها مش فى الاطارت لو سمحتم.
ودعونا نناقش موضوع تغيير الجنوط للشكل اود ان اسال :-
1- متى ترى حضرتك ومن معك فى السيارة ومن هم فى السيارات حولك الجنوط ؟؟؟
الاجابة : عندما تركن السيارة وتقف حضرتك ومن معك بجانبها
2- كم من الوقت تركن وتقف بجانب سيارتك فى اليوم الواحد ؟
الاجابة : فى اعتقادى بالكثير ساعة
3- هل منطقى انك تغير الجنوط وتدفع فيهم مبلغ كبير لكى تراهم ساعة واحدة فى الـ 24ساعة ؟؟؟
اترك لك الاجابة

المشاركة الأصلية كتبت بواسطة mohamedway

بشمهندس نجاد
بعد التحية ، و بشكرك جدا على هذا المجهود الرائع


أنا شوفت على موقع بريدجستون الفرده الإدرينالين يوجد منها مقاس 205/55/r15 رمز سرعه 88w فهل هذا المقاس موجود و أقدر أحصل عليه و سعره كام بعد إذنك......مع العلم انى هركبه بديل للمقاس الأصلى عندى 195/60/r15 لعدم توافره فى الإدرينالين .

الاخ العزيز ارجوك ارجع لكتالوج العربية وشوف المقاس المناسب... وللعلم المقاس غير متوفر

السلام عليكم..
شكراً يا بشمهندس على وجودك معانا في المنتدى و استجابتك لاستفسارات الأعضاء..
أنا عندي سؤال.... هو فعلاً الفردة R16 205/50 تعمل من 900 لألف جنيه؟؟؟؟؟؟
أنا لما سمعت الكلام ده في فرع العبور حسيت إني عاوز أولع في العربية.... بجد يا بشمهندس إنصحني نصيحة حلوة كدة غير إني أغير الجنوط علشان دول بتوع الفابريكة.... هي المشكلة إني جايب عربية كوري علشان أعرف أصرف عليها بس الكاوتش غالي قوي عليا
آسف على إزعاجك

يا باشمهندس يا باشمهندس يا باشمهندس

أنا غيرت الأربع فرد في شهر 3 وجبت 4 بريدجستون ياباني من الغطاطي اللي في آخر فيصل

النهاردة فوجئت بإن فيه بالونة في الفردة الأمامي شمال من الجنب كده ؟؟؟ المفروض أعمل ايه أرجع لهم يغيروها ده عيب تصنيع ولا عيب استخدام؟؟؟؟؟؟؟؟؟؟؟؟؟؟؟؟؟

المشاركة الأصلية كتبت بواسطة negad

1- متى ترى حضرتك ومن معك فى السيارة ومن هم فى السيارات حولك الجنوط ؟؟؟
الاجابة : عندما تركن السيارة وتقف حضرتك ومن معك بجانبها
2- كم من الوقت تركن وتقف بجانب سيارتك فى اليوم الواحد ؟
الاجابة : فى اعتقادى بالكثير ساعة
3- هل منطقى انك تغير الجنوط وتدفع فيهم مبلغ كبير لكى تراهم ساعة واحدة فى الـ 24ساعة ؟؟؟
اترك لك الاجابة

باشمهندس نجاد
مع احترامي الشديد لحضرتك ولرأيك , كلامك معناه إن الواحد ممكن يلبس هدوم أي كلام علشان هو مش واقف يتفرج على نفسه في المراية طول اليوم !
انا شايف إني لما بأجمل في عربيتي بأبقى عايزها تكون حلوة ومميزة في عنين الناس مش بس في عيني انا.
ولكن انا طبعا متفق مع حضرتك إن الواحد لازم يراعي المقاس المناسب لعرابيته زي الكتالوج علشان غير كده هيبهدل نفسه وعربيته.

المشاركة الأصلية كتبت بواسطة kareemsafwat

باشمهندس نجاد
مع احترامي الشديد لحضرتك ولرأيك , كلامك معناه إن الواحد ممكن يلبس هدوم أي كلام علشان هو مش واقف يتفرج على نفسه في المراية طول اليوم !
انا شايف إني لما بأجمل في عربيتي بأبقى عايزها تكون حلوة ومميزة في عنين الناس مش بس في عيني انا.
ولكن انا طبعا متفق مع حضرتك إن الواحد لازم يراعي المقاس المناسب لعرابيته زي الكتالوج علشان غير كده هيبهدل نفسه وعربيته.

استاذ كريم بعد التحية...
ارجو ان اوجه نظر سعادتك ان ردى عليك كان كالتالى :-

" ودعونا نناقش موضوع تغيير الجنوط للشكل اود ان اسال :-
1- متى ترى حضرتك ومن معك فى السيارة ومن هم فى السيارات حولك الجنوط ؟؟؟
الاجابة : عندما تركن السيارة وتقف حضرتك ومن معك بجانبها
2- كم من الوقت تركن وتقف بجانب سيارتك فى اليوم الواحد ؟
الاجابة : فى اعتقادى بالكثير ساعة
3- هل منطقى انك تغير الجنوط وتدفع فيهم مبلغ كبير لكى تراهم ساعة واحدة فى الـ 24ساعة ؟؟؟
اترك لك الاجابة "

فكما تلاحظ انى اتكلم عن تغيير الجنوط لسبب الشكل فقط، ومع احترامى لوجهة نظرك ايضا فاذا لبس الواحد هدوم اى كلام فهو واضح وظاهر للجميع على طول الوقت سواء واقف والا راكب السيارة والا ماشى، انما الجنط شكله وجماله لن يظهر الا فى حالة الوقوف التام للسيارة.
و بالطبع انت لك مطلق الحرية ان تجمل سيارتك بالطريقة التى تعجبك وبالتكلفه التى تحددها بدون اى تدخل من احد...
تحياتى