الموضوع: ليه المصريين بيزعقوا دايما سواء غلطانين ولا مجنى عليهم ؟

المشاركة الأصلية كتبت بواسطة m_adeleid

ايه يا فندم الكلام الغريب اللي حضرتك بتقوليه ده
هوا في مصري بيغلط؟
طبعا لازم يزعق لان المصري يستحيل يغلط
والاحلي بقي ان كلنا نستثني تنفسناونقول ليه المصريين بيعملو كذا وكذا
ونجلس في اماكن التحكيم فقط ليه برضو
علشان المصري عمره ما يغلط ابدا

معاك حق بس انا عن نفسى مرة حكيت عربية هيونداى واقفة وصاحبها نزل قال 200 جنيه وصلت ل150 دفعتهم ومشيت مع انى اصلا مش متاكده انا حكيتها ولا لا والله ممكن تكون حكة موجودة وهو بيتلكك علشان يصلحها بس رجعت قلت لو انا اللى حكيتها يبقى حقه لو مش انا يبقى منه لله مش هيغنوه يعنى ال 150 جنيه ومزعقناش ولا حاجة خالص كل اللى قاله قالى عربيتى راكنة قلت له اه انا اسفة كان العيد قلت له طيب حد بيفهم يقول تتكلف كام وانا ادفع قالى مفيش حد دلوقتى الناس واقفة قدرتها كده

المشاركة الأصلية كتبت بواسطة land_cruiser

ماكنش ينفع ان حضرتك تقفى طالما كان جاى ناحيتك بالطريقه دى و الله اعلم ده مين اصلا و نيته ايه و أكيد طبعا كان هيقعد يزعق و يقل ادبه و معتمد ان حضرتك مش هتقدرى تردى عليه . هو خد رقم العربيه علشان يعمل منظر خلاص قدام الناس و كمان من غيظه لانه ملحقش ياخد منك لا حق و لا باطل

انا وقتها مفكرتش انه يكون حرامى اصلا بس الغريب انى متهزتش غريبة اصلا لانى بنت مفروض كنت اخاف سواء غلطانة ولا مش غلطانة مفروض كنت اعصابى تتهز لان فى اتنين اترموا على الارض قدامى بس يمكن لانى اصلا كنت طالع وطبيعى هطلع بالراحة حسيت ان مش انا السبب فى انهم وقعوا ومخفتش ويمكن لانهم قاموا بسرعة غريبة خلتنى بعدين اقول دول شكلهم متعودين على الوقعة دى

المشاركة الأصلية كتبت بواسطة a.saad

ممكن يكون فى المنطقة العميا عندك فلم تريه
الف حمدالله على سلامتك

كل شىء جايز يا احمد الف مبروك على الجواز وربنا يرزقك بالذرية الصالحة يارب

المشاركة الأصلية كتبت بواسطة shnory

ممكن يكون حرامي وعاوز يرمي بلاه ويقلبوا اي حاجه من العربيه
والله اعلم

احتمال فعلا لانى كنت واقفة مع ناس وخدت منهم فلوس يمكن شافهم وهما بيعدوها فى العربية بس انا كنت عاملة حسابى وقافلة الازاز والسنتر ولما حصل الحادث فتحت الازاز حوالى 10 سم مش اكتر وكان هيمد ايده منهم وانا طبعا مشيت وايده خرجت غصب عنه مع حركة العربية لقدام وراح خابط على الشنطة بايده من ورا

المشاركة الأصلية كتبت بواسطة احمد المصرى

افضل حاجه عملتيها انك سبتيه ومشيتى بجد ولا تقلقى مش هيعمل اى حاجه برقم العربيه لان دى اشكال غريبه لو دخلت القسم هيتمسك على طول

هههههههههههههههههههه انا لو قلقانة كنت وقفت واديته اللى هو عاوزه من الزعيق انا متاكده انه مجرد منا مشيت حسبها الف حسبة انى مهتمتش يبقى مسنودة ومفترية وخدت دعوات بعدد شعر راسى حتى لو هو عارف انه ظالمنى هيدعى بردوا من باب انه اتحرق لانه ملحقش يتكلم حتى مخدش فرصته يستعرض ما عنده من الفاظ حلوة وبعدين موضوع انه يعمل محضر يعنى فى حاله انه يتحرك اخرها 50 جنيه ده فى حاله انه اصلا قدر يثبت مين خبطه او عرف يجيب دليل على اى كلام مرسل هيقوله فى المحضر واصلا لازم المحضر يتعمل فى القسم اللى العربية تابعة له يعنى مش فى المنطقة عندى خالص يروح يلف بقى لو اتكلم بالادب كان ممكن اديه اكتر ولو هو الغلطان كنت هسيبه بس للاسف يارب يتعلم ان الزعيق مش بيخوف الكل وياريت الناس كلها تسيب اللى بيزعق ياكل فى نفسه وتمشى ومتحترمهوش لما يبقى يعرف يتكلم نبقى نكلمه